[الجنعد]

انا شفت شكاوي

والناس كلها كارهه حياتها والسبب اللاند 2008

واريد اسالكم سؤال نحن في سنه كم الحين

2007 صح

يعني اللاند كلوزرات الي نزلت والي خذتوو منها

كلها تجريبيه ودفعه بسيطه لمعاينه الاخطاء

يعني هذا تيست للاند كلوزر والتدشين الاصلي بيكون 2008

وبتكون دفعات بدون اخطاء وعيوب وبكميات
تكفي الجميع

وشوفو اي وكيل ياخذ رااي الزبون فالسياره
ويسجلون ملاحظات والخ الخ الخ

علشان الدفعه الاصليه الي بتكون فسنه 2008

تكون كامله وبدون اي اخطاء

والطبلون بدا يتغير للون البيج

لانه الكل اشتكى منه

وللاسف الناس مافيها صبر ...

وتحملووو
من طمع .. طبع

تحياتي اخوكم الجنعد

[ويسكر]

صدقووووووووووني يا اخوان
انا احساسي يقول انه اللاند 5700 قريب يطرح بالسوق
وهذا من تكتم الوكالات بجميع دول الخليج !!
الصبر مر ... بس ما بعد المر حلاوة وراحة بال

[المشموم]

مشكور اخوي الجنعد

علي الموضوع

صحيح كلامك انه الطبلون بغيرون لونه

ومتى تنزل الدفعة 2008

[جوجوماجوجو]

من وين جبت المعلومه حقت الطبلون ارجو التوضيح

[فتكاتي]

يسون تست درايف عل السياره عل حساب الناس .. كلام ما يدش العقل

عيل وين يوم يقولون السياره خضعت لتجارب لمدة 3 سنوات قبل طرحها رسميا ؟؟

اما بخصوص الطبلون .. كل شي جايز انه يتغير وهذي سياسة تويوتا في الاند كروزر

من 2002 لين 2007 كل سنه يغيرون فيه شي ويرفعون السعر ولا الاشياء اللي تتغير ما تسوى مبلغ الزياده

واعتقد اذا تغير الطبلون وصار بني بيطلع حلو لانه اللون الاسود ابدا مب راكب عل السياره

[مدور الحب]

[يزيد.]

الله يعطيك العافيه

الاخ العزيز تويوتا مو غبيه

حتى تخلي الناس هم اللي يكتشفون العيوب

اللي اعرفه ان اي سياره تخضع لاختبارات قبل ماينزلونها

وشاكر لك موضوعك

[بن عتير]

اخوي انا اخالفك في الراي
لان هذا يعتبر غش للناس الانها علي كلامك قاعدة اجرب فيهم وهذا ما يصدر من شركة عملاقة مثل تويوتا
وهي علي فكرة اكبر شركة يابانية
فيااخي لاتلعب في شعور من يملكون هذي السيارة الجميلة

وودي انك راجعت نفسك قبل لاتكتب الموضوع

[السياغي]

عفوا
انت مخطا لان السياره خضعت للتجارب والتعديلات من 2005 واستقروا على الشكل 2008 ومااعتقد انه يوجد اي تعديل قادم الا بعد 3 سنوات وسيكون طفيف جدااااا

[أسد ساهر]

التجارب مهما وصلت من جودة لاتكون مثل الاستخدام المستمر
ولا تنسوا بعض الشركات ومن ظمنها تويوتا تسحب سيارات من السوق بسبب أخطاء تصنيعية
يعني مانفعت تجاربهم
الكمال لله وحده

[الكميم]

الحقيقه كروزر 2008 لا يعلى عليه
=====
مجرب لأكثر من 5 سنوات
محركه مجرب لأكثر من سنتين ومتفوق
=====
خبرة الشركه كبييييييييييييره وعريقه
تشكيله كبيره تحمل مواصفات وأسعار لا تجدها لدى أي شركه أخرى
=====
تحياتي للجميع

[فيصل_دبي]

بالعكس الطبلون الأسود بصراحه عملي يعني ما بيتغير اللون و لا يبين الوصخ عليه...أنا استعملت القديم و كنت أعاني من التنظيف...بس الجديد أحلى بصراحه من كل ناحية....

[قول قسم]

أصلا مافي أمل يتغير
واذا تغير يعني شنو المشكله رجع سيارتك الشركه واخذ بدالها جديده بفرق بسيط وهو فرق استخدام السياره ومو اي سياره بعد
مفخرة الأرض

[بن عتير]

المشاركة الأصلية كتبت بواسطة أسد ساهر

التجارب مهما وصلت من جودة لاتكون مثل الاستخدام المستمر
ولا تنسوا بعض الشركات ومن ظمنها تويوتا تسحب سيارات من السوق بسبب أخطاء تصنيعية
يعني مانفعت تجاربهم
الكمال لله وحده

الجنعد
قال ان السيارات الي انزلت هي لتدارك الاخطاء في الدفعة القادمة
وكل الفرق بينهم تقريبا 3 شهور
فهل هذا هو الي يطلق علية الاستخدام المستمر
والسيارة مثل ماذكروا الشباب خاضعة الي تجارب قاسية
في مدة اكثر من 8 اضعاف هذي المدة فهل هذا يعقل ؟
وبعدين احنا بكلامنا ما وصفني الشركة بالكمال
لكن نقول ان تويوتا
شركة كبيرة وتعمل لاسمها وسمعتها
ولا تطرح شي الي بعد ما يمر
بسلسلة من التجارب وبس

[الجنعد]

اشكر الجميع عالمرور

بس انا بسأل سؤال

اصابعكم سوا ؟؟؟

تجارب اليابانين نفس تجاربكم انتووو ؟؟؟

الياباني بيلعنها لعان وبيسابق بها ؟؟

اليابانيين يسوون بالسياره نفس ماتسوون انتوو ؟؟

تقفيز ومشي فمناطق وعره بسرعه فوق 60

جونا مثل جوهم ؟؟

نحن جونا متغير والناس عندنا اذواق

وعلى قولتهم كشخه .. وحلوه وبايخه

عندهم هم اهم شي فالسياره

انها توصلهم وترجعهم للأماكن الي يبونها

ووكاله تيووتا مش اذكى من الوكالات الاخرى

الكابرس 6.0 اليديد اول دفعه

كلها مشاكل والناس تبيع وتاخذ الدفعه الثانيه

وانا ماطلبت من احد ياخذ

بكلامي ويمشي عليه

الايام بتبين

وبخصوص الطبلون شفت صوره

لاندكلوزر بطبلون بني فاتح

والسمووحه عالاطاله

وان كلامي مب عاجبكم

انا اسحبه .. ومحد مجبور ياخذ به

[الجنعد]

ونسيت اقولكم

ليش كل السيارات عليها ضمان
60 كيلو ؟؟؟

لانه الانسان ماينظمن

انتووو بتظمنون لي سياره ؟؟؟

صانعها انسان والله يعلم

هذا نصيب ومب كل انسان
حظه حلو وسيارته ماتخترب
وحتى لو ماشيه 1 كيلو
يمكن تصرف آآيل وبدون سبب

خطأ تصنيع

[abosadah]

المشاركة الأصلية كتبت بواسطة الجنعد

اشكر الجميع عالمرور

بس انا بسأل سؤال

اصابعكم سوا ؟؟؟

تجارب اليابانين نفس تجاربكم انتووو ؟؟؟

الياباني بيلعنها لعان وبيسابق بها ؟؟

اليابانيين يسوون بالسياره نفس ماتسوون انتوو ؟؟

تقفيز ومشي فمناطق وعره بسرعه فوق 60

جونا مثل جوهم ؟؟

نحن جونا متغير والناس عندنا اذواق

وعلى قولتهم كشخه .. وحلوه وبايخه

عندهم هم اهم شي فالسياره

انها توصلهم وترجعهم للأماكن الي يبونها

ووكاله تيووتا مش اذكى من الوكالات الاخرى

الكابرس 6.0 اليديد اول دفعه

كلها مشاكل والناس تبيع وتاخذ الدفعه الثانيه

وانا ماطلبت من احد ياخذ

بكلامي ويمشي عليه

ال