[جوال نت]

هذي الصوره





ممكن أحد يوضح لنا مميزات كل خيار وكيف الاستفاده منه

أيضا بخصوص خيار phone كيف نستفيد منه لأنه تظهر لك بعض الارقام وتختفي أرقام غيرها

مثلا لو حبيت أضيف رقم وكيل لكزس تلفونه يبدأ 800
في الشاشه ما يطلع عندي أرقام 800

إن شاء الله تكون الصوره واضحه لكم

الإستفسار الثاني
بخصوص التكيف هل توجد طريقه أنقص من قوة الهوا من غير ما أدخل على الشاشه يعني فقط أضغط على زر AUTO ويتشغل المكيف على أقل نمره في الهوا






باقي شي واحد ياليت العباقره يشوفون لنا حل فيها كلمة i agree إلي تطلع كل ما تشغل السياره مافي طريقه إنه ما تطلع لك




يالله كل يوم ننزل موضوع عن الشاشه نتكلم فيها عن خاصيه من خواصها حتى نفهمها



وكل عام وإنت بخير مقدما

[بندر بن سرور]

بسم الله الرحمن الرحيم

اخوي الكريم ان شاء الله بأجوبك عن اللي اعرفه

ممكن أحد يوضح لنا مميزات كل خيار وكيف الاستفاده منه

اعذرني ماستخدم الشاشة كثير واللي ظاهر هي مواقع الجسور والمخارج

أيضا بخصوص خيار phone كيف نستفيد منه لأنه تظهر لك بعض الارقام وتختفي أرقام غيرها

اذا تقصد عند استقبال اتصال يعتمد على توافق الجوال مع البلوتوث الداخلي لتلفون السيارة
مثلاً N73 ,E50 شبه متوافقه والدليل بعد استقبال مكالمة والرد بالهاتف اليدوي لايرجع للاقتران مره
اخرى بهاتف السيارة واما N95 وN82 E90 متوافقه 100% وعن تجربة شخصية اتحدث

لو حبيت أضيف رقم وكيل لكزس تلفونه يبدأ 800
في الشاشه ما يطلع عندي أرقام 800

وانت في داخل الشاشة ابحث عن Maintenance وراح تجد معلومات الوكيل قم بالتعديل على رقم الهاتف اذا امكنك او اتوقع ان الوكيل لازم يضع الرقم 800 في معلوماته

بخصوص التكيف هل توجد طريقه أنقص من قوة الهوا من غير ما أدخل على الشاشه يعني فقط أضغط على زر AUTO ويتشغل المكيف على أقل نمره في الهوا

لازم ياغالي من الشاشة التحكم شاشة

باقي شي واحد ياليت العباقره يشوفون لنا حل فيها كلمة i agree إلي تطلع كل ما تشغل السياره مافي طريقه إنه ما تطلع لك

صعب اتوقع اخوي لانه مثل تحذير من نفس نظام GPS ولا اتوقع يلغى الا من نفس المبرمج

وتقبل تحياتي وان شاء الله تكون الاجابات واضحة

[جوال نت]

شكرا لك يا أخ بندر على تجاوبك معنا


أنا أقصد بخيار phone الموجود إلي في الصوره وليس تعريف الجوال على نظام البلوتوث


وين مشاركات الاخوان شكل العالم مشغوله في البحث عن الاضاحي

[(غير مسجل)]

- Intersection:
للبحث عن تقاطع الشوارع.. مثال: تقاطه شارع خريص بالشارع الفلاني....


- Highway Ent/Ext:
اذا تبي تدور على المداخل او المخارج من و الى شارع معين...

- Coordinates:
للذهاب الى الموقع عن طريق الاحداثيات... مثلا في البر..

- Phone:
للبحث عن طريق رقم الهاتف (المحلات و ليس المنازل)... مثال، رقم المطعم الفلاني هو 44444444 بس ودك تبحث عن هذا المطعم عن طريق رقم الهاتف، اذا استخدم هذا الخيار... طبعا لازم يكون رقم المطعم موجود بالدي في دفي حق الخرايط... اذا دخلت رقم، الخيارات الغير متاحه سوف تختفي... مثال، لنفرض ان جميع ارقام الهواتف تبدأ بـ 46، بمجرد انك تدخل الرقم 4 سوف تختفي جميع الارقام ما عدا الرقم 6...


بالنسبه لسؤالك الثاني هو نعم، توجد طريقه لتقليل تدقع الهواء من غير الشاشه... الطريقه انك تضغط زر (TEMP) و تزيد الرقم الي جنب الساعه... اكثر الناس تخليه على الـ ( LO) لكن كل شخص و رغبته الشخصيه... مثلا، انا استخدم درجه حراره ما بين الـ 25 والـ 27 بدل الـ (Lo).. اول ما اشغل السيارة (بالحر) المكيف يكون قوي جدا... بعد فتره، المكيف بيدأ يقلل من درجه المروحه تلقائيا حسب الرقم الي انك مختاره... كل ما زاد الرقم، قلت البروده المطلوبه.. اذا شغلت السيارة والحو معتدل (بالليل مثلا)،دفع المروحه راح يكون قليل من اول ما تشتغل السيارة.


بالنسبه لكلمه (I Agree)، يوجد جهاز للآيبود و فيه ميزه انه يضغط الزر بعد عشر ثواني تقريبا... سعره حوالي 1000 ريال...
http://www.youtube.com/watch?v=dHGgxLINDvE

[جوال نت]

شكرا لك يا أخي غير مسجل دائما تحرجنا بكرمك
وكل عام وأنت بخير

أخي بخصوص I agree ما في طريقه لي إزالته إلا عن طريق Ipod

أيضا المكيف على حسب كلامك إنه لازم يبدأ تشغيل المكيف بدفع قوي وقت ما تشغله عن طريق Auto

بس أنا جربت هالطريقه ويأخذ وقت على بال ما ينزل من قوه الهوا وأضطر إني أدخل على الشاشه وأخفف من قوه دفع الهوا

[(غير مسجل)]

المشاركة الأصلية كتبت بواسطة جوال نت

شكرا لك يا أخي غير مسجل دائما تحرجنا بكرمك
وكل عام وأنت بخير

أخي بخصوص I agree ما في طريقه لي إزالته إلا عن طريق Ipod

أيضا المكيف على حسب كلامك إنه لازم يبدأ تشغيل المكيف بدفع قوي وقت ما تشغله عن طريق Auto

بس أنا جربت هالطريقه ويأخذ وقت على بال ما ينزل من قوه الهوا وأضطر إني أدخل على الشاشه وأخفف من قوه دفع الهوا

والله بصراحه ما عندي اي فكرة اذا كانت هناك طريقه ثانيه او لا...

لا، يبدأ المكيف بسرعة عاليه فقط اذا كانت درجه حرارة المقصوره الداخلية تختلف اختلاف كبير عن درجه الحرارة المختارة...

اذا شغلت السيارة و كان دفع الهواء قوي، زيد الرقم المختار الى ان يكون دفع الهواء مناسب... طبعا لا تنسى ان الدفع بالليل سيختلف عن النهار!! السيارة فيها حساس للشمس خاص للمكيف...

[الـــمـــلـــك]

والله والمعلومات الي قريتها فعلا رائعه