[سلطان الدمام]

السلام عليكم


انا من عشاق تويوتا ولاكن هذه المره سوف اشتري لاند كروزر ولاول مره

وسوف تكون الوحش الكاسر 2008 باذن الله



محتار بين gxr 8

gxr6

انا مو راعي بر واجد واحب الكشخه علشان كذا محتار بين ابو جميل و اليحي علما بان اليحى تخشيب وزوائد خارجيه وجناح احلى



طبعا 8 سلندر عند اليحى 195 الف ريال gxr
8 سلندر ابو جميل 168الف ريال gx


6 سلندر عند اليحي 176 الف ريال gxr

6 عند ابو جميل 162 الف ريال gx

فهل تنصحوني بـ 6 سلندر من عند اليحى

او ال8 سلندر من عند ابو جميل

gx 8 او gxr 6 والله محتار والسعر يفرق كثير

اتمنى تسعفوني لاني من والله محتار ولا احب اجازف واخاف اندم

[راعـي الاولـه]

انا مثلك محتار

بس لو تحسبها صح بيكون الحسبه لصالح ابوجميل والمكينه انا عندي اهم من الاكسسوارات

يعني سياره فوق المية الف سته سلندر ماتصلح الثمانيه مركبها راهي واقوى اريح وتعطيك الثقه بالموتر اسال مجرب

وثاني شي فرق بين الثمانيه سلندر وارد بوجميل والثمانيه سلندر وراد اليحي حوالي 27 الف مب شوي قيمة سياره ثانيه للبر خخخخخ

اخوي اخذ من بوجميل افضلك حتى سعر الموتر مايطلع كثير عليك وثاني شي وهو الاهم انه يوجد ضمان خصوص انه السياره جديده ماتدري شو خراباتها ؟؟

وانا اعطيك الفروقات بين الاثنين

جناح السعودي تجاري لاباس فيه جناح اليحيى اصلي
من داخل الفرق التخشيب + المسجل يفرق والدي في دي لصالح اليحيى
والسعودي ينقصه عن وارد اليحيى الدفلوك والونش
ومن برا الدعاسه للارضيه حق السعودي تجاري وحق اليحيى اصلي
ارباقات السعودي ثنين قدام فقط اليحيى اثنين قدام وثنين ورا
كبوس الضباب السعودي تركيب اليحيى اصلي
المرايات + مقابض البيبان السعودي نفس اللون اليحيى كروم
السعودي بدون خطوط وبدون سله اليحيى يوجد به الاثنين
السعودي يوجد فيه طشاشات ماي اليحيى لايوجد فيه
علامات السعودي وشبكة كروم اليحيى مذهب
السعودي يجي جي اكس اليحيى يكون جي اكس ار

يعني انا انصحك لاتبعد عن الثمانيه سلندر لاحنه بالخط ولا مشاكل خصوص انه المكينه نفس الي كانت في الموديل القديم ومجربه لمدة 10 سنوات تقريبا ومافيها اي مشاكل

انصحك ياخوي بالسعودي لانه فرق سعر كبير 27 الف وانا عطيك الخيارات قدامك وعطيتك الفروقات بالكامل

وانت مخير تبي ثمانيه سلندر وبضمان ورخيص
والا تبي ثمانيه سلندر غالي وبدون ضمان

[الحب الصادق]

انا مع الاخ راعي الاوله
بسبب انه ابو جميل نصاااااااااااب وايد نصاب كل الاكسسوارات الموجودة فيه تجارية وواضحه جدا لما تقارنها بسياره من مكان ثاني اهني نكشف

بس بنسبة الى 6سرندل او 8 سرندل
شوف حاجتك وينها فيه
هل انت محتاج للثمانيه سرندل يعني
بتطلع طلعات وقومات وبر وجبال ووادي وتحميل ((اخذ ثمانه سرندل))
او انت بس تبي تتنقل فيها بين المدن او وسط المدينه لا اقل ولا اكثر ((اخذ سته سرندل))

في امان الله

[فايف بوينت سفن]

سلطان الدمام
انا لو مكانك اخذ 8 سلندر بدون تفكير
اليحيي او البازعي
بالتوفيق اخوى

[تــ تيربوــــون]

الــــ 8 سلندر وبس وخلك من مكينة البرادو

وانا اخوك اخذ لك وارد السعوديه وركب لك احسن تخشيبه في السوق بالف ريال اذا طار سعرها

ولا تنسى انه وارد السعوديه فيه دي في دي واليحيى ما فيه


هذا وسلامتك

[دحوم2010]

رائيي اليحيى 6 سلندر جي اكس ار فل كامل ... ويكفي في نظرته وان الي معك اصلي

[أبو راكان]

مشكلة ابو جميل انه مستحيل تحصل فتحة مع هزاز
يعني اذا تبي فتحه مافيه هزاز
انا كنت البارح عند اليحيى والبازعي
اليحيى ال8 ىسلندر فيه دي في دي فل كامل فتحه وهزاز ونش
انت احسبها صح واستخر اذا المبلغ مايفرق معك خذ اليحيى او البازعي
سراحه ابو جميل خربها عاجز يجيب هزاز

[سلطان الدمام]

طيب احبائي وصلت الفكره تقريبا 8 سلندر افضل واريح مافي شك

سوالي :: احد يقدر يجيب ليه خبر 6 سلندر بعد ماكان في 2007 .... 221 حصان

وصار الان في 2008 ... 242 حصان

افضل من اول بالنسبه للعزم والقوه ... ولا مافي اي تغيير

ياليت احد يسال من مجرب

ويعطيكم العااااااااااااااااااافيه

[راعـي الاولـه]

لا فيه تغير

الجديد ال V6 = القديم V8

يعني اقوى من القديم السته سلندر بواجد

والثامنيه سلندر الجديده فرق عن القديمه بواجد لانه صارت نظام فورتك غير النظام الاولي


يعني الزبده V6 الجديده تروح ع القديمه بفرق كبير بس ماتخلو من الحنه بالطريق يعني تسمع صوت المكينه بس مب مثل الي قبل وهذا عادة V6 انا شغلتها صوتها وايد مرتفع واضح كنك في برادو يوم تسمع الصوت خخخخ

[فقط دبي]

انا مجرب السته .. اشوف السيياره عزمها ووايد احسن عن قبل ..

[قول قسم]

والله ياشباب عندكم ميزه حلوه وانتوا مادري ليش مو مقتنعين فيها
الوكيل وفر لكم جي اكس 8 سلندر يعني شي ولا اروع
والله لو متوفر عندنا كان ماشريت الجي اكس ار
اصلا مافي فروق بينهم
واذا على الجناح والدعاميه اطلبه بدونهم بيطلع ارخص لك واذا انت حاب الجناح ركبه بعدين
هذا رأيي المتواضع

[بن عتير]

يقال من استشارك دخل ذمتك
ولو كنت مكانك لاخذت 8 سلندر
لان من عيوب الاند الشرعية هو عزمة
اما باقي الامور هي
استثنائيـــــــــــــــــــــــــــــــــــــة

[السياغي]

6 سلندر اليحيى هدا رايي

[سموك مان]

هلا والله اخوي سلطان الدمام

انا الصراحه مثلك محتار بين ال 8 سلندر وال 6 سلندر مو عارف وش اخذ

طبعا الوالد مستحيل يشتري سياره غير وكاله ابو جميل
ومثل ما انت ملاحظ ان فرق السعر بين ال 6 وال 8 سلندر فقط 6 الاف ريال

لكن اتمنى من جرب ال 8 سلندر يخبرنا عنه عن عزمه وهل مكينته مزعجه والا لا
وكيف الاستهلاك بالنسبه للوقود .


وشكرا لكم

[الجرفلي]

اخوي خذ 8 سلندر من ابوجميل لان الاساس هو الضمان والباقي اكسسوارات تقدر تركبها على رواقه

[سلطان الدمام]

يعطيكم العافيه

الضاهر نهايتها 6 سلندر فل من عند اليحى

وكل عام وانتم بخير