[ولد أميري]

السلام عليكم ورحمة الله وبركاته

تذكرون موضوعي عن جامبينات السيارة وان صيانة عبدالطيف جميل قالت لي ان السيارة مافيها الا العافية

http://toyota-arabia.com/forum/showthread.php?t=17926

اول امس وديت سيارة الاهل كامري 2003 حق الصيانة عند الوكيل كانو فرع الرفاع المهم المهندس كان ياخذ معلومات السيارة سألته قلت له عندي مشكلة في كامري 2007 ان الجامبينات يطلعون لي صوت لما اصعد المطب ولا حاجة وانا لاف السيارة على طوول قالي صدر السيارة والجامبينات اتبدلون اربعتهم لأن هذا عيب موجود بالكامري 2007 من يشكي العميل من اي صوت نعرف المشكلة ونبدل له الجامبينات قالي جييبها لنا قلت له انا شاريها من عبد اللطيف جميل من السعودية اتعرفون شنو قالي؟ قالي الميكانيكيين عند عبد اللطيف جميل اخس ميكانيكيين في الخليج ؟؟؟ اغلبهم مايفهمون حاجة الا تبديل الزيت وفحمات السيارة والاشية البسيطة واقسم بالله العظيم اني لما جفت الصيانة عند كانو سبيت ولعنت القرار الي خلاني اشتري من عبداللطيف اقسم بالله ان شغل محترفين والسيارة مايخشوونها عنك نفس عبداللطيف تروح وتجوف كل شي جدام عينك وش يسوون في السيارة بس انا قلت مالي الا اروح عند عبداللطيف واسوي بلبلة عشان يجوفون حل حق مشكلة الجامبينات عندي وسلامتكم.

[كمورة القمورة]

الله يعينك والله صج مفشلنه هال .........................................

[واحد غير]

والله ممكن شي جايز بس مااعتقد ان مهندسين عبد اللطيف فاشلين

وتحياتي لك

[بروووووك]

اصااااااابعك موووو سوى

[فارس الرياض]

عبدالطيف افشل وكاله عرفها التاريخ / سيارتي 2007 كامري وحاط فيها انوار زينون جهاز انذار ومركب على الجنط قفل علشان السرقه ومفتاحها معي
وقلت لهم شيكو على السياره وبدلو لي الكفرات يعني الى قدام حطوه بالخلف والعكس

واكتشفت انهم قالو لي اننا بدلنها وكان مفتاح القفل معي يعني ابن امه يفتح الجنط الا بحاله وحده انه يكسر الجنط
وكذلك ماشيكو على الأنوار لأنه الزينون يلغى الضمان وكذلك الأنذار الأضافي

يعني شغل حرمية

[الشمااااالي]

وحنا المساكين مالنا إلا نقول
ياللللللللللللللللللللللللللللللليل ماطولك

[الموت هين]

الوكاله فاشلين و مع كل هذا ياخذون منك دبل الدبل حق التصليح

[اسمي]

عندي السياره كانت تطامر .. وتحذف .. وتطلع اصوات مع المطبات
رحت سويت كبس مساعدات ووووووووو الحمد لله

بلا وكاله بلا خراااااااابيط والله ماعندهم الا الدجه والكذب الله لايوفقهم
ياخذون فلوووس على الفاضي

[طرمان]

وعليكم السلام ،،

انا انصحك بالذهاب لعبداللطيف واقعد صايح عندهم وادخل ع المدير ،،

وان شاء الله تنحل مشكلتك ،،

تشكراتي ، ، ،

[ولد أميري]

مشكورين يا جماعة على مروركم انا عندي حل بس يمكن يكون مبالغ فيه شوي ويمكن تضحكون علي بعد كككككككك بس يالله بقوله شرايكم نسوي حملة تواقيع نعبر فيها عن استيائنا من صيانة عبداللطيف جميل ونطرشها حق الشركة الام وبدل التواقيع كل واحد يحط اسمه ورقم سيارته ورقم الشاصي بس نبي واحد يعرف شلون يوصل لهم شرايكم ؟

[فارس الرياض]

ردد يا ليل مطولك يا ولد اميري يعني وش تتوقع من شركه شريكها امير يعني تبيهم يرسلون لها الغاء وكاله
كل ارقام الشاصيات المرسله لهم راح يوقفون السياره عن طريق الأقمار الصناعية

[قاطع اشاره]

والله اللي قالك ان كانو احسن مايفهم لاني محد خلاني ابيع الكامير الا كانو من تروح له على طول بدل وبدل وفي النهايه مافي فايده ولا ياخذ عليك مبالغ على ولا شي لان الي بدلهم صاحين اصلا بس تدريي ايش يقول ( يالله مدام بدلتهم خلاص بدل ماتشك فيهم احين اندور شي ثاني ) بالله عليك هذا كلام ولا كل ما ودي لهم السياره القى فيها ضرر من شمخ ضربه اشياء مفقوده مثل الكاب مال الرنقات والله اني كرهتها وبعتها

[ولد أميري]

والله يخوي قاطع اشارة محد قالي الكلام الصيانة كانت جدامي وشايف كل شي بعيني

[كمورة القمورة]

انا اقول لاتنخدعووو بكانوو وب عبد اللطيف اثنينهم ...................................

عموماً يعتبر عبد اللطيف جميل من احسن الصيانه عندنا انتون لو طبون الجميح او التكويلات او عبدالله هاشم كان تعرفون ان الله حق

[أسير الليل]

الأخ ولد أميري الفني اللي قالك هالكلام معروف انه يتكلم كلام هو مو قده انا عندي مشكله الصوت في المساعدات الامامية ولحد الحين ما عرفوا المشكله في مدينة عيسى طبعا وهو الكراج الرئيسي اما الرفاع فهو غير مصرح له يعني باختصار هالرجال (طالع فيها على الفاضي)
اما عن المساعدات الخلفيه فهي اكبر قصه صارت لي معاهم وانا صاحب اول سيارة تم تغيير المساعدات في البحرين بعد ما وصلت المشكله الى استراليا
راجع مشاركاتي وانت تعرف

[المنسق]

اول شئ تأكد ان ابوجميل تختلف صيانته من وكاله الى وكاله من فرع الى فرع

وكلامك ان تبي ترفع شكوى الى الشركه الام (الرد انا سامعه قبل كم سنه من طلاب مبتعثين للتطبيق عن طريق جامعه الملك فهد الى اليابان قامو بزياره رسميه الى معظم شركات تصنيع السيارات وتكلمو مع تويوتا بخصوص المواصفات والاحتيال اللي عندنا يالسعوديه كان رد المركز الرئيسي السعوديه اكبر مستورد في المنطقه ويسجل ارقام قياسيه كل سنه فالمهم لنا كالشركه العائد المالي )

الزبده تويوتا تبي فلووووس وبس

اسف على الاطاله

[المنسق]

المشاركة الأصلية كتبت بواسطة كمورة القمورة

انا اقول لاتنخدعووو بكانوو وب عبد اللطيف اثنينهم ...................................

عموماً يعتبر عبد اللطيف جميل من احسن الصيانه عندنا انتون لو طبون الجميح او التكويلات او عبدالله هاشم كان تعرفون ان الله حق

صدقت والله