وش يصير لو طعست عليه

استغفار الله · 12-19-2007, 06:41 PM

استغفر الله العظيم

سبحان الله وبحمده

سبحان الله العظيم

ــــــــــــــــــــــــــــــــــــــــــــــــــ ـــــــــــ

الموتر كرووزر جي وماشي 300 كيلو
وانا خايف عليه ومشتهي اطعس
وش رايكم اتوكل على الله واخربها واطعس بالموتر

صحيح تذكرت هواء الكفر كم اخليه

عبدالعزيز السيد · 12-19-2007, 06:53 PM

ابصراحة الشيخ انا انصحك ما اتدخله الرمل لان حرام موتر جديد (ريحة الوكالة فيه) شوف لك موتر ثاني غير الكروزر
اذا بتدخل الرمل هواء الكفر اتخليه 20 وشكرا

استغفار الله · 12-19-2007, 06:56 PM

عبدالعزيز السيد شكر على مرورك
وانا اتابع المنتدى اشوفك تسأل مثلي يعني عندك
كروزر جديد دخلت فيه الرمل نعم او لا

مدور الحب · 12-19-2007, 07:15 PM

لا تطعس وحافظ على الموتر ، حتى تواير الوكالة ما تساعد للتطعيس
الله يوفقك

استغفار الله · 12-19-2007, 07:20 PM

مدور الحب شكر لمرورك الكريم

وش افضل كفرات للتطعيس

ابن بامطرف · 12-19-2007, 07:25 PM

دامك لسة ما كملت ال1000 عبارة المكينه بعدها ما تمرنت عدل

اصبر على الأقل لين ال1000 و بعدين توكل على الله ^_^ (و لو بتركب كفرات .. حط بالون 900)

استغفار الله · 12-19-2007, 07:30 PM

ابن بامطرف شكر لمرورك الكريم

بس سمعت ان كفرات البالون غير مريحة بالزفلت

شكمان ابوكنداسه · 12-19-2007, 07:35 PM

اصبر اقل شي 3 اشهر او 4 اشهر ثم طعس عليه لانه حسافه تطعس على الموتر وهو جديد

استغفار الله · 12-19-2007, 07:38 PM

ابوكنداسه شكر لمرورك الكريم

فتكاتي · 12-19-2007, 09:41 PM

كلام الاخوان صحيح

بس عني انا ما تريا السياره تمشي 1000

امشيها لين ال 400 وبعدين عل طول دعاس و بر

مـحـمــد · 12-20-2007, 12:06 AM

توكل على الله اخوي ورح للبر وطرب حالك ترا الموتر مخصص للبر ولاتخاف عليه تراه يعجبك ماشاء الله تبارك الله بس خف هواه وتمشى على الراحة وراح تشوف بنفسك منتهى المتعة في قيادة اللند الجديد وكانك مجرب القديم راح تعرف ليه الحجز على الموتر يوصل الى 3شهور توكل على الله والله يبارك لك فيه

استغفار الله · 12-20-2007, 01:18 AM

فتكاتي ومحمد شكر لكم وشكر لمروركم الكريم

الديحـاني · 12-20-2007, 01:34 AM

يصير موتر مطعس فيه

استغفار الله · 12-20-2007, 01:57 AM

يا مرحبا بالخبير الديحاني والله انك صادق بس
خويك زين كمل المبلغ واشترى الموتروخايف عليه
وقصدي
استفيد منك ومن الاعضاء الاخرين بخبرتهم

الديحـاني · 12-20-2007, 02:54 AM

اقتباس:

المشاركة الأصلية كتبت بواسطة استغفار الله

يا مرحبا بالخبير الديحاني والله انك صادق بس
خويك زين كمل المبلغ واشترى الموتروخايف عليه
وقصدي
استفيد منك ومن الاعضاء الاخرين بخبرتهم

تسلم وابشر بالفائدة

لاتشغل الدبل الا بعد الالف

وكذلك التعطيس يحمل السياره طاقتها الكامله اذاً لابد من تغيير زيت الماكينه لانه خفيف

أبـــو عـــزام · 12-20-2007, 03:08 AM

أخوي شاري جيب ليش أنت!!

رح وطعس ووسع صدرك بس أنتبه تجور على الموتر خلك على خفيف بدون دعس قوي ولا تطلع به قص كبير

وكفراته زينه ما عليها خلاف لا تفكر في البالون

وخل الكفرات على 15 وأحرص أنه يكون معك منفاخ هوا عشان ما تمشي عليه للمحطه وهو ناقص

بالتوفيق أخوي

فايف بوينت سفن · 12-20-2007, 08:10 AM

استغفار الله
(ريحة الوكالة فيه)على قول عبدالعزيز السيد
اذا راحت واختفت تماما طعس وانت مطمن