[استرجاعها]

السلام عليكم ورحمة الله وبركاته
الوالد الله يحفظه و يطول عمره كان عنده GX 2001 وعطاني بعد مادخلت الجامعه سنة 2001====الوالد الله يذكره بلخير اهداني الموتر بعد ماقنص فيه مصر+شمال ووسط السعودية الموتر كان ماشي 40الف لما استلمته ==طبعا كنت اسرع (ايام الشباب) ههه و سويت حادث قوي لكن الحمدلله ماصابني شي+الشاصي ماصاده شي المهم صلحته وتميت استخدمه ==وانا لين الحين استخدمه للطلعات(الكشتات==مقانيص) الموتر ماشي 190.000KM وانا ابغي ابيعه انسام ب 60.000شرايكم انا ابغي ابيعه ب65.000...يستاهل!****
وقبل العيد بعت VXR LIMITED 97 ب45.000 الموتر ماشي 250.000 شرايكم?
المهم الحين ابغي موتر جديد للكشتات+المقانيص
عندنا بوحوض (شاص 2006) للتحميل والحين ابغي موتر
شرايكم
اخذ
2008 GX V6قيرعادي
فتك سفاري 2008 قيرعادي??
والله انا ابغي اجرب الفتك شرايكم=??
شلون ممشاه وشلون ممشى الGX?
====
انا حاجز VXR لكن حرام استخدمه فلبر!!
======
(طبعا انا ماابغي الموضوع يتحول لهوشه +ماابي تعصب كل واحد يقول رأيه)
=(هذامب موضوع مقارنة)==انا بس قاعد اسألكم لأني محتار
x_تحياتي_x

[أبو راكان]

وعليكم السلام ورحمة الله وبركاته
كان ودي افيدكم لكن ما عندي خبرة

[سلطان الدمام]

مادامك تبيه للبر والمقناص

انا انصحك بالفتك لانه اقوي واخف لك في البر

ولاكن يبيلك كل فتره تربطه ولا الموتر احسن من الاند واخف في البر

وبالتوفيق

[داحس]

وعليكم السلام
ههههههههههههه مدري ليه احس موهب لايق عليك فتك

اخذ كروزر وتوكل على الله شكل جديد وتويوتا وسعره فيه والفتك حلو بس يبي يتغير وانا السياره اللي تبي تغير ماتعجبني لين ينزل الشكل الجديد واذا نزل احن للقديم مدري ليه ومبروك مقدما

[خليفه راشد]

انا اقولك يا الفجي كروزر ولا الفتك صراحه اقوى مو ترين لين الحين
والسلام عليكم

[فايف بوينت سفن]

استرجاعها
مااصدق ---كبيره والله كبيره مشرف منتدى لاند كروز يفكر فى نيسان
شل من راسك+ انسي 4×4 غير الكروزر ميباخ الدفع الرباعي
Landcruiser
Nothing else comes close

[راعي الكروزر99]

المشاركة الأصلية كتبت بواسطة فايف بوينت سفن

استرجاعها
مااصدق ---كبيره والله كبيره مشرف منتدى لاند كروز يفكر فى نيسان
شل من راسك+ انسي 4×4 غير الكروزر ميباخ الدفع الرباعي
Landcruiser
Nothing else comes close

ههههههههههه

حلوه مايباخ الدفع الراعي ههههههههه
اي والله انها قويه مشرف منتدى الكروزر وعنده فتك

[مدور الحب]

حرام تاخذ GX 2008 للبر

[راعي الكروزر99]

بس إذا انت تبي تغيير يا أسترجاعها خذ فتك

بس إذا ما عجبك وفكرت تبيعه بعدين ترى صعبه لان الكروزرمثل ما انت عارف مثل الشيك في مخباك تاخذه وانت ظامن تبيعه بالسعر اللي تبيه

لكن الباترول تاخذه اليوم الثاني ربع سعره طاح

والكروزر انت مجربه من قبل وعارف ممشاه يعني انت تعرفه وتدري انه ما يخونك

هو صحيح انه حرام تنزل vx-r لكن اخوي هو تحت الضمان يعني اخوي لا تشيل هم وسعره فيه إّا فكرت تبيعه

هذا رأيي

[عادل الحجري]

حرام تاخذ GX 2008 للبر

[قاطع اشاره]

والله يا خوي نا اشوف ان مافي احد بينفعك اذا غرز عليك الموتر في الرمله وايش راح يكون موقفك اذا عندك جيب وساحبينك مي حلوه ها و مادام انك كشيت يعني انك تحب الإستكشاف والإثاره وهذا كله يبيله موتر خفيف وحربي وداخل البانيت ديناصور جبار يحرك موترك اذا مالك إلا الفتك واسمع وحس بقدرتك اللا متناهيه في ركوب امواج الرمال وفي النهايه لك الإختيار

[بن عتير]

كروزر وروح لهلك
اذا تبي رايي

[راعي الكروزر99]

المشاركة الأصلية كتبت بواسطة قاطع اشاره

والله يا خوي نا اشوف ان مافي احد بينفعك اذا غرز عليك الموتر في الرمله وايش راح يكون موقفك اذا عندك جيب وساحبينك مي حلوه ها و مادام انك كشيت يعني انك تحب الإستكشاف والإثاره وهذا كله يبيله موتر خفيف وحربي وداخل البانيت ديناصور جبار يحرك موترك اذا مالك إلا الفتك واسمع وحس بقدرتك اللا متناهيه في ركوب امواج الرمال وفي النهايه لك الإختيار

يا عيني وحش ديناصور كلها 9 احصنه فرق بينه وبين الكروزر

يعني فلتر وصارو متساويين والكروزر مثل الشيك في المخبى يا حبيبي

ولا تنسى انه 8 سلندر والبدي اقوى من بدي النيسان ^_^
ونصيحه مني خلك على مجنونك لا يجيك اللي اجن منه

[قاطع اشاره]

هذا عيب اللي ياخذ المواضيع بقلم وورق يا خوي على كلامك معناه ان البي ام دبليو( ام 5 ) يطوف الكورفت ال (ام 5 ) 500 حصان والكورفت 350 حصان ليش ما يطوف ال (بي ام دبليو ) الكورفت مع ان في فرق 150 حصان هذا مثال بسيط يوضح ليش قلت ديناصور

[فتكاتي]

لا يا ناس انا في حلم ول علم

مشرفنا بيفكر فالفتك

لا لا لا بعدين بنتناقش مع منو هو يقولي لاند وبس وانا اقوله فتك وبس

اذا كان للقنص عليك بالفتك واذا تباها نصيحه مني لا تاخذ لا سوبر سفاري ولا سفاري خذ SGL بو رفارف سود افضل نوع لسوالف البر والمقناص

وهذي الصورة اهداء مني لك اذا اقتنعت انك تاخذ فتك معني شاك وحاس انه الموضوع فركشه وبتفاجء الكل بصور الفي اكس ار الجديد

[استرجاعها]

السلام عليكم
هدوا اعصابكم يا ذيابه==انا شكلي راح اخذ فتك للبر اكيد مستغربين لكن انااحب التغيير==
الجي + فتك=عيال عم
شكرا اخوي فتكاتي على هذه الصورة الجبارة
x_تحياتي_x