[رهين المحبسين]

حبايبي
عضو جديد عليكم حبيت أعطيكم تجاربي مع الكامري بس حبه حبه بالتقسيط

أنا معي كامري 98م أربع سلندر قير أتوماتيك بصراحه ما شاء الله مرتاح معاها

بس غثتني بالفحمات والهوبات كل شهرين إلى ثلاث شهور تبي لها تغيير

ومن واقع خبره وتجربه حبيت أفيدكم بخصوص الفحمات اللي عقدتني في البدايه

لما أركب ما تقوم يومين إلا الصرصه يسمعها اللي مقبل انت عليه من بعد كيلو

صراحه عقدتني من جد ..

رحت مره لميزان المجد المشهور اللي بالصناعيه القديمه بالرياض ونصحني المهندس اللي هناك

بشراء الفحمات من الوكاله أو من أحد الوكلاء المعتمدين لأن الفحمات الموجوده في محلات قطع الغيار من وارد الامارات والمشكله يوجد بها قطع حديده تسبب الصرصره صحيح انها أصليه لاكن هذي مشكلتها
واما الوكاله فتأتي من اليابان مباشره
ولما استخدمتها خف الصوت كثير فعرفت المشكله وأردت توضيحها لكم
لكن لا أعلم عن السيارات الجديده شيئا من 2003 فمافوق ,,

لكم تحياتي

[خليفه راشد]

اشكرك على الموضوع يالطيب

[نديم الشوق]

هالمشكلة اعاني منها

ماقصرت

الله يعطيك العافية شكرا لك

[جرح زمن]

السلام عليكم شباب انا ماكنت اغير الا من الوكاله اقمشه خضرا الون الاصليه اللي تجي وكاله وامل ماتشتري السياره وكانت بقيمه 160 ريال وفيه نوع ثاني العادي الاسود ب90 ريال
وكلها ماكانت تكفيني سته اشهر وطبعا اغير 160 ريال وشغل يد ب20 ريال ومع الحركات ب200 ريال اللي هو عصير وماء وزيت فرامل ونصحني واحد وقال في اقمشه هنديه مره حلوه وانا كاره شي اسمه تقليد وهو خوي قال جربها وماجاك علي وهو طبعا ب 20 ريال وشغل يد ب20 ريال وعلبه زيت ب5 ريال وحركات من ماء وعصير ب5 ريال يعني ب50 ريال اي ربع القيمه وصارت تجلس اقل شي سبعه اشهر والهوبات طبعه تكفيني في الاول واللحين 3 سنوات وهذي تجربتي والصرير يكون في البدايه الشهر الاول ولكن بعدين تصير احلي من الحلاوه نفسها وهذه تجربتي
وللمعلوميه اول سنتين كنت استخدم النوع الاول والنوع الثاني استخدمته لي الحين حوالي اربع سنوات وزود
ومافيه اي مشاكل

[رهين المحبسين]

أخوي جرح زمن
الكامري ما فيها قماشات الله يسلمك كلها هوبات وفحمات فقط القماشات على الونيت
وتشكر على المعلومه
وارد ابو هنود صار هو الاصلي