[شيخ البانوراما]

.

كنت حاب اسئل عن القفل اللي يركب على الجنوط او الكفرات ويتركب بدل وحده من الصواميل ..


هل يجيب نتيجه فعلاً ..

والا ممكن يجي واحد ومعه المفتاح حق القفل (شاري نفس القفل) ويقدر انه يفك الصواميل؟



الحقيقه ما عندي فهم كامل لطبيعة عمل القفل ...اذا فيه واحد عنده خبره بالموضوع يا ليت يفيدنا..

.

[أبوحمد]

الا ينفع ..

وما يجي اثنين بمفتاح واحد ابدا

عندك أقفال المحلات نفس الشكل تماما لكن ولا مفتاح يفك الثاني الا اللي هو مخصص له ..

وفكرته ممتازه ويكفي انه يعيق الحرامي وما تصير المسألة رفع الموتر بالعفريته وفك بأي مفتاح صواميل وخلاص .. يدري أن الموضوع يبي له معاناه .

والله يكفينا وإياكم شر هالحرامية ..

[شيخ البانوراما]

.



اخاف انك فاهمني غلط اخوي

القفل اللي اقصده يجي على شكل سنه وماله مدخل مفتاح...

ارفقت صوره عشان اوضح الشكل اللي اقصده...

.

[قلم حبر]

هذي السنة ما تطلع بسهولة..

فهو مجرد اعاقة للسارق و تصعيب عمله

والله يكفينا شر السرقات

[المهندس عبدالله]

ياخي ركب جنط اسود وان شاء الله ما احد يسرقه :d

[بات مان]

الله عالم

والله ما اعرف شي

[شيخ البانوراما]

المشاركة الأصلية كتبت بواسطة المهندس عبدالله

ياخي ركب جنط اسود وان شاء الله ما احد يسرقه :d

.

وانا وش مركب الله يهديك ...

جنوط سوداء وكفرات بالون وصدامات .. وادور في الشوارع على بالي دوريه

بس اخاف في الليل يجون هاللي ما يخافون الله ويقولون بالدوريه حقتي وانا نايم


بيني وبينك بعد صورتين لـ 460 على بلك وانا قلبي على يدي .. قصدي يدي على قلبي من الخرعه الله يستر بس لا وازيدك من الشعر فله على شارعين ..

جيت قبل امس ولقيت اللوحه مسروقه ...


ما اقول الا

الله يستر علينا وعلى جميع المسلمين

اللهم آمين

.

[شيخ البانوراما]

المشاركة الأصلية كتبت بواسطة بات مان

الله عالم

والله ما اعرف شي

.

هلا والله اخوي بات مان..

والله مدري وش افهم من هالرد

حياك اخوي..

[هشام بن ناصر]

حسب فهمي من الاقفال هذي فهي تجي مع مفتاحين واحد في الوكالة وواحد عندك وهالمفتاحين ما يفتحون الا هالقفل اللي عندك فقط

[شيخ البانوراما]

المشاركة الأصلية كتبت بواسطة هشام بن ناصر

حسب فهمي من الاقفال هذي فهي تجي مع مفتاحين واحد في الوكالة وواحد عندك وهالمفتاحين ما يفتحون الا هالقفل اللي عندك فقط

.

اللي اقصده ماهو القفل اللي يستخدمونه الجيوب للأستبنه العلاقي ويجي مفتاح فعلي كنها مفتاح سياره قديم..

يجي مثل السنه ويتركب عليها الراس الموجب وبعدين اركب عليه مفك العجل..


مثل اللي في الصوره تقريباً

.

[موبايلي]

هل هالقفل يحمي الكفرات من السرقه

الواحد يخاف يصحى من النوم ويحصل سيارته واقفه على بلوك





بس وين أحصل هالقفل إلي تتكلم عن يا شيخ
في الرياض وكم سعره

[هشام بن ناصر]

المشاركة الأصلية كتبت بواسطة شيخ البانوراما

.



اللي اقصده ماهو القفل اللي يستخدمونه الجيوب للأستبنه العلاقي ويجي مفتاح فعلي كنها مفتاح سياره قديم..

يجي مثل السنه ويتركب عليها الراس الموجب وبعدين اركب عليه مفك العجل..

مثل اللي في الصوره تقريباً

.

فاهم قصدك اخي الكريم و نفس الرد اعلاه

له مفتاحين واحد معك وواحد يكون عند الوكالة

يعني مهوب اي مفتاح يفتحها

[المهندس عبدالله]

الحل الاضمن يانك توقفها داخل البيت (لا تخليها في الشارع)

او انك تنام فيها :d

[شيخ البانوراما]

المشاركة الأصلية كتبت بواسطة موبايلي

هل هالقفل يحمي الكفرات من السرقه

الواحد يخاف يصحى من النوم ويحصل سيارته واقفه على بلوك





بس وين أحصل هالقفل إلي تتكلم عن يا شيخ
في الرياض وكم سعره

.



هلا بك اخوي موبايلي

تلقاه في محلات الزينه ( 100% في الغرابي ) انا اشتريت واحد من العليان اللي على طريق خريص بـ 25 ريال ولكن ما جربته الى الآن وشكل الصواميل والله اعلم صغيره ..اول ما اجربه بردلك خبر

بس الظاهر شكله عادي يعني لو يجي واحد ويشتري مثلي قدر يفتح الصواميل

وفيه موقع لإكسسوارات لكزس على النت ان كان تبون نسوي مثل حركة الجلده حقت المفتاح ونشتري منه جمله ...

بس ان قيمته 41 دولار غير الشحن ( حوالي 150 ريال)

التفاصيل فيذا

وهذي بعض الصور ، اللي عاجبني في القطعه انها ما تشوه شكل الجنط ..

اما اللي اشتريتها من العليان فهذ هي:

.

[شيخ البانوراما]

المشاركة الأصلية كتبت بواسطة هشام بن ناصر

فاهم قصدك اخي الكريم و نفس الرد اعلاه

له مفتاحين واحد معك وواحد يكون عند الوكالة

يعني مهوب اي مفتاح يفتحها
[/right]

.

اخوي هشام بن ناصر

ما فهمت وش تقصد بالوكاله...

.

[هشام بن ناصر]

هذي اللي في الصورة تلقاها موجودة في وكالات لكزس في امريكا

اذا شريتها عطوك مفتاح وخلوا عندهم مفتاح احتياط

وكالة عبداللطيف جميل ما ادري عندهم هالقفل او لا