[أبـــو عـــزام]

أكيد أخوي الصاعق الخشب أخف من الحديد وما دام الدعوه تفصيل بيكون الاختيار حر الله يعطيك العافية

أبو عبدالرحمن الله يعطيك العافية أنا أشهد أنك ما قصرت ورايتك بيضاء

بس الحين وشلون إذا كان فيه تانكي خلف المرتبه الثانيه وأبي اصفطها وأخلي الدعوه جلسه أرضيه للأطفال هل بيصيل التانكي طالع في النص وبارز أو بيكون تفصيل بحيث أني أوزنه على نفس ارتفاع المرتبة الثانيه وهي مصفوطه.

شيء ثاني لو اجي القصيم وأفصلها هي والتانكي متى بأخلص لأني بأرجع في نفس اليوم

وهل هم بيعرفون يسوونها للسيارة بدون ترهيم وتربيط مسامير في السيارة وغيره

[أبو عبدالرحمن خ]

المشاركة الأصلية كتبت بواسطة أبـــو عـــزام

أكيد أخوي الصاعق الخشب أخف من الحديد وما دام الدعوه تفصيل بيكون الاختيار حر الله يعطيك العافية

أبو عبدالرحمن الله يعطيك العافية أنا أشهد أنك ما قصرت ورايتك بيضاء

بس الحين وشلون إذا كان فيه تانكي خلف المرتبه الثانيه وأبي اصفطها وأخلي الدعوه جلسه أرضيه للأطفال هل بيصيل التانكي طالع في النص وبارز أو بيكون تفصيل بحيث أني أوزنه على نفس ارتفاع المرتبة الثانيه وهي مصفوطه.

شيء ثاني لو اجي القصيم وأفصلها هي والتانكي متى بأخلص لأني بأرجع في نفس اليوم

وهل هم بيعرفون يسوونها للسيارة بدون ترهيم وتربيط مسامير في السيارة وغيره

هلا فيك اخوي ابو عزام احنا هنا لنتعاون معا

بالنسبة لسؤالك الأول التانكي يكون موازي للطاولة بحيث لا تحس بوجودة مع الطاولة على حسب التفصيل وهم عندهم خبرة بالشيء هذا
بالنسبة للمرتبة الثانية طبعا الفورتشنر تكون ارفع بقليل لأن الصور اللي حاطها اخوي الصاعق هي لللاند كروزر لأن الفورتشنر تكون مراتبه عند الصفط مرتفعة قليلاً ولا حظها انت لما تسفطها تكون مرتفعة من جهة حاملات الرأس

انظر الصورة ولاحظ الخط الأحمر



هي فقط تصلح لما تريد النوم عليها لو اضطريت لها

ولا تحتاج أي ترهيم ولا شيء بل انت اللي تركبها وتنزلها لأنها متحركة ممكن تنزلها في اي وقت وتركبها في اي وقت ممكن تخليها طاولة خارج السيارة بالبر لو اردت وهي بالسيارة لا تحس بأي صوت أو قرقشة منها

بالنسبة لو تجي للقصيم طبعا تحتاج وقت طويل للتفصيل على حسب الضغط اللي عليهم

طيب اليس موجود بالرياض ممكن تسأل عليها عند متخصصي الرحلات غريبة انها ما تكون بالرياض

لكن لو اردت ارسل لك رقم هاتفهم أو تريدني أسألهم وأردلك بكل التفاصيل أنا ما عندي مانع

وأي شيء انا حاضر

[راعي حائل]

[quote=أبـــو عـــزام]الله يحييك أخوي راعي حائل بين أخوانك وربعك وإن شاء الله تفيد وتستفيد

مشاء الله تبارك الرحمن الأبيض في البر شكله روعه


الله يسلمك طال عمرك

[راعي حائل]

المشاركة الأصلية كتبت بواسطة الأستاذ محمد

راعي حايل أهلاً وسهلاً بك معنا في منتديات تويوتا العربية وما شاء الله منظر السيارة مع الجبال جميل جدًا والله يعطيك خيرها ويكفيك شرها...

الله يجزاك خير طال عمرك

[راعي حائل]

المشاركة الأصلية كتبت بواسطة أبو عبدالرحمن خ

ما شاء الله تبارك الله

هلا والله براعي حايل حياك الله معنا

الله يبارك فيك طال عمرك

[أبـــو عـــزام]

عساك سالم يا أبو عبدالرحمن الرياض على حسب علمي ما أعرف إلا محل محلين واللي في الغرابي من زمان عنهم (حقين الخيام) لكن بكره بأمرهم وأشوف.

رقم السنيدي عندي الله يعطيك العافية ولا أبي أكلف عليك أكثر من كذا الله يجزاك خير

رحت وقلبت في المراتب وصفطتها ثم رجعت ومديتها وتخيلت الطاولة موجودة ولاحظت أنه عشان أخلي السيارة كلها جلسه أرضيه (مع تصفيط المراتب الثانيه) لازم أنزل الطاولة وأنا عفشي حق البر واجد والعزبة مرتفعه وأبي كلش تحت الطاولة ولا يجي.

بأحاول أهندس لي خطة على الورق وأشاورك فيها في المستقبل ويهمني رايك يا أبو عبدالرحمن أنت والأخوان


الله يجزاك عنا كل خير ويدفع عنك البلا ويبارك لك في رزقك ويخليلك غاليك.. آمين يا رب العالمين


تصبح على خير

[أبو عبدالرحمن خ]

المشاركة الأصلية كتبت بواسطة أبـــو عـــزام

عساك سالم يا أبو عبدالرحمن الرياض على حسب علمي ما أعرف إلا محل محلين واللي في الغرابي من زمان عنهم (حقين الخيام) لكن بكره بأمرهم وأشوف.

رقم السنيدي عندي الله يعطيك العافية ولا أبي أكلف عليك أكثر من كذا الله يجزاك خير

رحت وقلبت في المراتب وصفطتها ثم رجعت ومديتها وتخيلت الطاولة موجودة ولاحظت أنه عشان أخلي السيارة كلها جلسه أرضيه (مع تصفيط المراتب الثانيه) لازم أنزل الطاولة وأنا عفشي حق البر واجد والعزبة مرتفعه وأبي كلش تحت الطاولة ولا يجي.

بأحاول أهندس لي خطة على الورق وأشاورك فيها في المستقبل ويهمني رايك يا أبو عبدالرحمن أنت والأخوان


الله يجزاك عنا كل خير ويدفع عنك البلا ويبارك لك في رزقك ويخليلك غاليك.. آمين يا رب العالمين


تصبح على خير

أحسنت هذا هو القرار السليم

لا تطب الا وانت متواسي فكر وخطط والتفيذ بيكون سهل جدا وتكون اتخذت رأي صائب ويطول معك على طول مكوث السيارة معك

[أبـــو عـــزام]

أبو عبدالرحمن خططت لي كم خطه بس تبي الصدق ماش يا أخي ما دام الواحد حاط في باله شي يلف ويدور ويرجع له

عندي طلب بسيط بأكلف عليك به وتراي منيب مستعجل

ودي تصور لنا صورة والشنطه مفتوحه من الخلف والطاوله مرفوعة آخر شيء والمرتبه الثانيه من غير صفط تكون باينه في الصورة ولا تغطي الطاولة يعني مثل الصورة اللي بحطها بالأسفل



وأبيك تقوسها بالشبر أو بالسنتي أدق وتقولي كم ارتفاعها وهي مرفوعة آخر شيء

أبي أشوف ارتفاعها عساه يصير مثل اللي في بالي عشان ادخل عفشي تحتها عندي عزبه السنيدي اكبر من الوسط شوي وعندي عدد 2 جراكل مويه قاعدتها مربعه حقات ارامكو وعندي سلة عدة في شبك مثل العزبه بس بدون قماش وعندي رواق 6 متر وارتفاعه اكثر من متر وسلاحين بنادق ودافور وسط ومفرش بر تنزاني وبساط مبطن تنزاني بحجم الفراش وهو ملفوف تقريباً.. وأبي بعد مكان شاغر للحطب وغيره من الطواري.

(ضنك كل هالعفش بيجي تحتها وهي مرفوعة آخر شيء)
(التانكي هونت عنه ما أبيه)

تكفى لا تنسى المقاس بالسنتي

الله يعطيك العافية

[أبو عبدالرحمن خ]

أبشر اليوم إن شاء الله

[أبو عبدالرحمن خ]

هلا فيك اخوي ابو عزام إن شاء الله انه تكون مثل ما خططت

اقصى ارتفاع تصل اليه المسمار 40 سم

وهذي هي الصورة

[أبـــو عـــزام]

الله يعطيك العافية أبو عبدالرحمن

40 سنتي حلوه خلني أقيسها وأطبقها على العفش والموتر وأقرر

الله يثيبك ويرزقك من حيث لا تحتسب

شكراً لك

سلام

[سيارتك]

الله يععطيكم خيرها ويكفيكم شرها

[الخل الوفي]

ما شاء الله تبارك الله، إبداعات رائعة في استغلال المساحة، الله يبارك لكم.

وهذه بعض صور سيارتي:

[الصاعق]

الخل الوفي

أهلا بك معنا في المنتدى

شرفتنا بتسجيلك في المنتدى

الصور الاولى طالعه لكن الباقي ما طلع

[الخل الوفي]