وذلك بسبب كرهي للقير العادي من أول على هايلكس 2006 والحين الكروزر 2007 ..
لكن تفاجئة بعدم وجود صور لسيارات الاعضاء خاصة وأني متردد على كم لون
وأشوف الاعضاء ما شاء الله ماخذين سيارات بعدة الوان مختلفه يعني
بالمثل وليس للحصر
سيارة الاستاذ محمد لونها رمادي
سيارة الاخ المحظوظ لونها أبيض
سيارة الاخ فورتشنري لونها فضي
يعني لو كل واحد مصور لنا سيارته كان شفنا اللمسات الجمالية على السيارات وايضا للي وده يشتري هذي السياره يشوف صور للسيارات بالالوان اللي يفكر فيها
ياليت كل واحد ينزل كم صورة لسيارته ودنا نشوف جمال السياره باللون اللي عليها
وعلى فكره ابوحمد تر القير العادي حلو مافيه شي رياضه ههههههههههه
انا عندي احسن من التماتيك واذا جربت التماتيك راح تحس بالفرق بالقوه هذا ثقيل ويمشي على كيفه والله يوفقك
يخوي بالنسبة للعادي
دايما وليس أحيانا مايقبل الريوس الا بالطقاق حتى لو تعطيه قبلها رابع أو ثاني وقير الهايلكس كان أهو من اللاند كروزر !!
في الصباح يكون القير ثقيل مره ,, أدري انه بسبب البرد بس الاوتو حطه بالدي وانسى ..
السيارات الحديثة ماتقوم بالثاني بسلاسة مثل مالقديم !!
السياره وهي شغاله في كراج تسمع صوت غريب -- ادعس الكلتش يروح الصوت حتى في السيارات الجديدة
أما الهايلكس لحالها !! يطلع لك صوت ديزل وأنا مجرب !!
أنا بطبيعتي أعتني وأصون السياره وما تعجبني المقاومات والسباق بجميع أشكاله - أجل وش لي ووش للقير العادي !!
السيارات الحديثة ماتنزل الا أوتو اجباري
أخوي أنا صح أحتاج رياضه بس حرام تكون مقصوره فقط ليدي اليمين وقدمي اليسار ؟؟
في الحقيقة يا أستاذ محمد أنا متأمل أشوف موترك بصور واضحة ونقية لأني أحس أن اللون الرمادي بيجمع مابين الجمال وروعة الاكسسوارات عليه مثل الخطوط الجانبية والحساسات والجنوط الكروم ..
ويليه اللون الفضي ومن ثم الابيض .. أتوقع أن هذا نفس تقييمك اللي أنت كتبته كرد لأحد المواضيع يطلب الرأي في إختيار اللون المناسب ,,
وما شاء الله عليك عرفت تقيمه مضبوط ..
تسلم يالغالي والله لا يحرمنا منك ,, وبإنتضار صورك ومشاركة الاعضاء الاكــــفاء ..
ما شاء الله يا دفع رباعي موترك مليء بالاكسسوارات ياليت تتحفنا بداخليته أيضا ,,
وعليك لمسات ابداعية وحركات مميزه ومنها لون النسافات بنفس لون السياره صراحه منظر .. والدعامه الخلفية راكبه على الموتر صح .. وغطاء الاسبير فكرة ممتازه ..
موضوع ممتاز وموفق فيه يا ابوحمد...بالنسبة لناقل الحركة الاتوماتيكي فعلا مريح ولكن انا شخصيا فضّلت ناقل الحركة العادي لكونه يشعرك بأن السيارة رياضية وتستمتع بقيادتها ايضا لا تنسى ان ناقل الحركة العادي تتحكم فيه على عكس الاتوماتيك هو الذي يتحكم بالسيارة ولكل شخص وجهة نظرة الخاصة ......بالنسبة لسيارتي فهي موجودة في توقيعي وهذة الصورة بعد خروجها من الوكاله بـإسبوع فقط (منذ 6 اشهر تقريبا) وهي بدون اي إضافات حتى الآن لإني لا احب التعديل على السيارة وانما تبقى كما هي !!! فقط عملت تغطية للأرضيات و كذلك المقعاد فقط لاغير
تحياتي - المحظوظ
ما شاء الله كفو يا وليد ,, والسياره من وقفتها روعه
بس الله لا يهينك نبي أكثر من صوره ومن عدة زوايا يعني من الخلف والامام وايضا مابين الامام والجانب ,, وأنا منتضر بفارغ الصبر صور الداخلية أرجو أن لا تنساها ,,
ولا تنسى صور قريبه للقيرات والدركسون ودي أشوف طريقة شغل الجلد لهذي السنه !
