[فـ @ ـد]

السلام عليكم ورحمة الله وبركاته

كيفكم ياشباب ان شاء الله بخير

حبيت انزل هذا الموضوع ليعرفو الاعضاء عن مميزات الكورولا وعيوبها

وماقصر اخوي الجواد نزل مثل هذا الموضوع لكن اكثر اللي ردوا ما جربوا السياره

وان شا الله الشباب يستفيدو من تجربتي

سيارتي نوعها XLI مطور

السلبيـــــــات

1- تصرف بنزين يعني مشيت عليها حوالي 80 كيلو على سرعه 120 الى 140 راح النص البنزين 91

2- مهي راسيه في الخط (( السياره تروح يمين ويسار ))

3- في المنعطفات تحس ان السياره تبي تنطل

4- الدركسون خفيف مره ما تقدر تتحكم فيه (( مايمديك تمسك خط الاصفر مثل موديل 2007 )) هع هع

5- اضاءات الطبلون و المكيف برتقالي اما المسجل وفاصل الكشافات لونه اخضر
يعني واضح ان عبداللطيف جميل مرهم المسجل وفاصل الكشافات

اما الايجابيــــــــات

1- عوازل صوت

2- عوازل حراره (( تحت غطاء الكبوت وخلف المكينه ))

3- اختفت حنة المكينه في هذا الموديل

4- فرامل ABS (( انا اشوفها نكبه ))

5- مراتب مريحه للسواق تتحكم فيها يعني تنزل وترتفع (( يدوي ))

6- مافيه انتل للراديو خارجي صار مدمج مع خطوط الحراره اللي في القزاز الخلفي


وهذي الملاحظات اللي لاحظتها في السياره

والصراحه اشوف العيوب خطيره يعني يمكن الواحد يروح فيها لا سمح الله

واي ستفسار ثاني انا في خدمتكم




تحياتـــي للجميع

[آي ام ون]

تسلم أخوي كــــلام عــــدل 100 × 100

وحاب اضيف بعض السلبيـــــــات بالنسبه للـ GLI

فتحات مكيف للمقاعد الخلفيه ( لا يوجد )

عداد يوضح حرارة الاجواء الخارجيه ( لا يوجد )

تحكم في مقعد السائق كهربائي ( لا يوجد )

طريقة فتح غطاء تانكي البنزين وشنطة السياره الخلفيه أسفل المقعد ( طريقه غير مريحه )

زر لقفل جميع الابواب لدى الراكب الامامي ( لا يوجد )

[فـ @ ـد]

الله يسلمك يالغالي

واشكرك على اضافتك بعض السلبيات للــ Gli

والله يكون في عونا على الكورولا


تحياتي لك

[بو سعود]

والله سلبيات جامدة



الله يعين

[آي ام ون]

لدي مشكله في الشنطه الخلفيه للسياره بعض الاحيان تعلق ما تقفل . . .

يوم سألت في الشركه قالوا لي لا تشيل هم اذا عيب سوف نغير لك القفل كامل جديد . . .

حبيت أتأكد اذا كانت عندكم نفس المشكله . . .

[فـ @ ـد]

هلا وغلا بالغالي آي ام ون

عندي نفس المشكله لازم تقفلها بقوه

الله يعين على ذي السياره يا كثر عيوبها


تحياتي لك

[مهند 008]

حتى اانا الشنطة لازم تقفلها بقوة ,,,
وعندي صوت بالكفرات زي صوت التصفير مايطلع الا في اول ما اشغل السيارة وبعدين يروح ...عندكم مثله ؟؟؟؟

لكن السيارة بشكل عام ماشية الا الان 4500كيلو والحمد لله تمااام التماااام

واسف على الاطالة

[فـ @ ـد]

هلا فيك يخوي مهند

بالنسبه للصوت التصفير ما عندي مثله والحمد لله

لكن عندي صوت طقه في اليمين اذا لفيت


تحياتي لك

[آي ام ون]

الحمد لله لا طقه ولا تصفير . . .

بالنسبه لموضوع الشنطه كلمة الوكاله يقولون اصبر هذا عيب وسوف نغير جميع الاقفال التي يوجد بها مشاكل . . .

والسياره رائعه وتحس انها متماسكه وجودتها اعلى و اكثر من كامري 2007 . . .

لاني استخدمتها سنه وقلبها اخوي الصغير في الخط السريع قبل أسبوع وتراه سالم والحمد لله . . .

[حسونه]

تسلم بارك الله فيك على هذا التوضيح
أتمنى عمل مقارنة مع الموديل 2007
وايهما الأفضل
والاجابة تكون بلغة العقل
بدون عاطفه بارك الله فيك

[عاشق المازدا]

معقول نص التانكي على 80 كيلو بس

قسم بالله الأوريون 6سلندر اقتصادية أكثر منها بكثير

إذا الكورولا تصرف بنزين أجل الناس تشتريها ليه؟؟؟؟؟؟؟؟؟؟

[محمد اس اس]

المشاركة الأصلية كتبت بواسطة عاشق المازدا

معقول نص التانكي على 80 كيلو بس

قسم بالله الأوريون 6سلندر اقتصادية أكثر منها بكثير

إذا الكورولا تصرف بنزين أجل الناس تشتريها ليه؟؟؟؟؟؟؟؟؟؟

اخوي على فكرة في الخط صرفية البنزين 6 سلندر اقل من 4 سلندر والضغظ ايضا على المكينة اريح بكثير من 4 سلندر

[محمد اس اس]

واتمنى اتسون مقارنة مع السيفك لان السيفك خطيرة جدا

[آي ام ون]

مشكله أخرى . . .

وهي ( الريموت كنترول ) بعض الاحيان يشتغل وبعض الاحيان ما يشتغل . . .

يعني على كيفه وإذا فتح ما يقفل . . . واغلب الاحيان ما يقفل السياره . . . ما أتوقع ان البطاريه ضعيفه . . .



اخوي بالنسبه للسيفك اتمنى بأن لا تتم المقارنه لكي لا نتعذب . . .

هي أفضل السيارات الصغيره بدون منازع . . . ولو كانت قطع غيارها رخيصه لكانت السياره الشعبيه الاولى في العالم بدل الكورولا . . .

[فـ @ ـد]

المشاركة الأصلية كتبت بواسطة محمد اس اس

واتمنى اتسون مقارنة مع السيفك لان السيفك خطيرة جدا

كلام اخوي آي ام ون 100 %

الصراحه السيفك ما تتقارن مع الكوريلا بس عيبها قطع الغيار


تحياتي لك لك

[فـ @ ـد]

[quote=آي ام ون]مشكله أخرى . . .

وهي ( الريموت كنترول ) بعض الاحيان يشتغل وبعض الاحيان ما يشتغل . . .

يعني على كيفه وإذا فتح ما يقفل . . . واغلب الاحيان ما يقفل السياره . . . ما أتوقع ان البطاريه ضعيفه . . .

هلا بك اخوي

بالنسبه للريموت انا الصراحه متأذي منه انه يفتح على طول ومن مسافه بعيده

يعني ذاك اليوم الله ستر في اخر الليل وشنطة سيارتي مفتوحه وانا داخل البيت

كله من الريموت الحساس