[ربيع نجد]

السلام عليكم أحبائي أعضاء هذا المنتدى,,,
أود ممن لديه الخبرة في صيانة الكامري أن يتحفنا بما عنده وله من الشكر والدعاء,,,,
سؤالي هو:
سيارتي كامري2007 أوتماتيك مضى على استخدامها سنة وشهر وقد مشت 35000 كم ,,ومن شرائها لم أعمل لها صيانة فأرجو إفادتي فيما يجب علي الآن أن أعمله لأجلها وجزاكم الله خيراااااااااا,,,
أخوكم
ربيع نجد

[الــمــســافــر]

وعليكم السلام

اخوي اذا تحب تحافظ على السياره الافض تسوي لها الصيانه الشامله على الاقل

الصيانه الشامله هي 40 الف و 80 الف

تشمل التشييك على السياره من الصدام للصدام .. فحص وصيانه وتنظيف ووووو ....

ودايم ابو جميل زحمه مرررررررره فلذلك ممكن تسويها عند مراكز معتمده مثل رد كاب

[بروووووك]

السلام عليكم

اولا : تشيك على زيت القير اذا يحتاج تبديل وزيت البريك والبور حق الدركسون
ثانيا: تشيك على البلاكات ( البواجي حقت الكهرباء)
ثالثا : التشيك على البريك كامل اي القماشات والدرام ويل
رابعا: التشيك على الفيوزات اذا فيها شي محترق او تعبان
خامسا : التشيك على سيور المكيف اذا مشموسه او تعبانه
سادسا : التشيك عل فلتر المكيف الخارجي والداخلي اذا كانت مغبره او يبيلها تبديل
سابعا: التشيك على غاز المكيف اذا يحتاج زياده
ثامنا: تشحيم جميع مفاصل السياره الاماميه والخلفيه ومفاصل الابواب ( عشان الاصوات )
تاسعا: التشيك على الكفرات الخمس واهما الاسبير اذا كان منسم شوي تنفخه
عاااشرا والاخير: غسيل بستم ( بالماء فقط ) وتغير زيت السياره والفلتر ( السيفون )


اكيد لحست مخك ادري بس هاذا ترتيبي انا ( حتى عبدالطيف ماسواااهااا ههههه)

على العموم يفضل الين توصل بهااا خمسين الف ( بس اذا كنت كاارف السياره هاذا شي ثاني يلزم علي التشيك
اذا كنت خااايف على حلالك )

واسف على الاطاااله

[مرجوج بس عاقل]

أنا يالغالي أوصيك بفحص ( أداء الفيوز ) يعني تتأكد أنها مو محروقة وحالتها ممتازه
عشان سببين :
الأول بعد حفظ الله أن الفيوز هو خط الدفاع الأول لكل معدة وعند فقدانه فأنت تخاطر بما هو أكبر
الثاني أنه مسؤل عن توصيل الكهرباء وعدم كفاءته تجعله لايوصل للإنذارات الموجوده في الطبلون

بعط كذا يا ربيع لا تنسى الشغلات الصغيرة من الأصوات والرجه أو اللمبات المحترقه إلخ

وعسى الله يعطيك خيرها ويكفيك شرها ويهنيك بموترك

أخوك مرجوج بس عاقل

[ربيع نجد]

أخوي المسافر شكرا على الإضافة وبورك فيك....

أخوي برووووووك ما صار موتري جديد يا اخي كثرت علينا****************************لا تزعل يالغالي
وما طريقة تغيير زيت القير وكم يكلف؟؟؟ وشكرا

أخوي مرجوج الله يسلمك وش طريقة فحص الفيوز؟؟؟!!! أو أوديها لكهربائي وأنسى الأمر؟؟