[الامارة]

السلام عليكم ورحمة الله وبركاته

اليوم كنت في دار القضاء بالشارقة الملاصق لميناء خالد وشفت أعداد كبيرة من سيارات تويوتا في المواقف وفي الشمس والسيارات من كل الموديلات من برادو الى أفالون الى اللاندكروزر( أكثريتها vxr ) بس... ما عجبني شئ ، شفت لاندكروزر محملة بعدد كبير من الاطارت في الداخل بدل ما يحملوها بسيارات النقل وهي سيارة جديدة واقفة بالموقف!!

يالله ان شاء الله الي حاجز يحصل سيارته قريباً.

[استرجاعها]

تسلم ياالغالي على هذا الخبر..
بس ليش يوقفون السيارات في الشمس حرااااااام..
x_تحياتي_x

[مدور الحب]

ما تسوي شي شمس الشتاء

[الامارة]

مشكورين على المرور.

بصراحة الي حاجز ويشوف زيارة هناك بهذه الطريقة يمكن يغير رايه!!

وكثير من الوكالات أيضا تكون مخازنها ممتلئه فتضع السيارات بالشمس الحارقة ، أحد فروع وكالة الكابرس حاط السيارة بالشمس من 3 شهور تقريباً كل ما أمر أشوفها.

[أبوحمد]

معقوله محملين السيارات كفرات !!!!

هذا وهو وكيل !

لاحول ولا قوة الا بالله ..

[الغراااب]

اول شي مايمدي الشمس تسوي شي في السياره المده قصيره
وبعدين هي في المينا يعني مو عند الوكيل وهو يفرح يستلم سياراته باسرع وقت والدليل الحجوزات
وبعدين وشي سالفة الكفرات ........... لاتكون تقصد السبير
اخوي السيارات الجديده دايم يحطون الكفر (السبر العلاق )داخل وهو كفر واحد وجديد

[حسونه]

بالنسبة يا أخوان الشمس
مفيدة للسيارات الجديدة
حتى تمسك الألوان جيداً
وأيضاً الخطوط الجانبيه تكون أقوى
وأسأل أهل الورش

[الغراااب]

وين................................. مفيده قويه
ذا شايب قاعد في الشمس

[الامارة]

المشاركة الأصلية كتبت بواسطة الغراااب

اول شي مايمدي الشمس تسوي شي في السياره المده قصيره
وبعدين هي في المينا يعني مو عند الوكيل وهو يفرح يستلم سياراته باسرع وقت والدليل الحجوزات
وبعدين وشي سالفة الكفرات ........... لاتكون تقصد السبير
اخوي السيارات الجديده دايم يحطون الكفر (السبر العلاق )داخل وهو كفر واحد وجديد

نعم اقصد السبير+++ وهل تعتقد ان مع السيارة الواحدة أكثر من 7 مرصصين في الشنطة الخلفية ( احنا نقول الدبة ) وهذا يمكن يجرح بعض الأطراف في السيارة.؟؟!!

المهم هي فوق 200 سيارة وان شاء الله الحاجز يستلم سيارته باسرع وقت.
والظاهر ان احباب البرادو كثار لأن البرادو طاغية على الشحنة الي شفتها.
ان شاء الله اذا رحت مرة ثانية بصور السيارات، وعجبني الأفالون الجديد شكله حلو.

أضن المشرف غير العنوان من سيارات جديده وصلت الامارات الى سيارات جديده وصلت لدبي

والأصح الامارات لأن الشحنة وصلت الشارقة وتتوزع على فروع الوكيل بكل الامارات وليس دبي فقط.

[ابن بامطرف]

اليوم اتصلوا فيني من الوكالة و قالوا السيارة وصلت الميناء و مفحوص عليها و الي باقي اني ادفع الفلوس و استلم السيارة ^_^ ..

بس للأسف لازم ااجل الموضوع لمدة 4 أيام قبل ما احصلي فرصة اروح آخذها (امف منك يا كلية)