[اسم مستعار]

انا عندي سيارة كامري 2007 قير اتوماتيك لكن المشكلة لما ارجع ريوس (للخلف) اسمع صوت (طقة) .. وديتها الوكالة فرع الدمام قالوا انهم بيصورون السيارة مع الصوت ويرسلونها لجدة لمعرفة السبب ... الرجاء من الاخوان اللي مرت عليه هذي المشكلة يفيدني ...

ولكم جزيل الشكروالعرفان

[عاشق الكمر]

المشكلة طبيعية جداً يالغالي

لا توسوس واجد ، سيارتك جديدة و أن شاء الله ما تشوف منها الا كل خير

[سراب كامري]

هذا الصوت طبيعى بالنسبة للقير الاوتو
وسيارتك ما فيها شي

[بروووووك]

هل الطقه عندك تحس انها مكتومه شوي ؟؟

والطقه هاذي تجيك من نمرة P وانت نازل الى R

او من نمرة N وانت طالع لنمرة R عند تعشيقك

شوف اخوي انا بعطيك تجربه عشااان تتأكد اذا كان طبيعيه الطقه

امسك بريك وحط الموتر بنمرة الريوس وحاول ترفع رجلك من البريك شوي شوي شوي

شوي اذا سمعة الطقه فهاااذا شي طبيعي عندي سيارتي كذاااا

اما اذا سويت نفس الطريقه وانت شال رجلك

بسرعه وسمعة طقه فأنا انصحك تمر على الشركه

وعساااني افدتك بشي

تحياتي

[أسير حائل]

تراها عاديه انا كذا


تقبل مروري

[همسة غلا]

انا عندي Se 2007 اوتو وكان يطلع الصوت مثل ما قلت

بس فتره وراح الحمد لله

لها الحين شهرين تقريبا معاي ولا شفت فيها اي خلل الحمد لله

تحياتي لك

[اسم مستعار]

شكراً للمرور إخواني الاعضاء

لكن للمعلومية تم الاتصال بي أمس من فرع الشركة بالدمام وقالوا جات النتيجة من جدة بأن يغيروا العكوس الأمامية لأن الصوت منها . لكني صراحة خايف على السيارة لأنها جديدة وخايف يلعبون فيها والسيارة ماشية 11 ألف كيلو بس وماني مقتنع بأنها العكوس لأن الصوت يطلع بعد ما أرفع رجلي عن البريك وأدوس على البنزين بسرعة يطلع الصوت وللمعلومية قام يطلع الصوت اذا مشيت قدام .... انقذوني تكفون يااخوان ... اروح للوكالة وإلا ماأروح

[جاسم اوريون]

هذي يمكن عندك الريوس مكسور منه ترس من تروس التبديل
والاحتمال الثاني انه طبيعي

[اسمي]

انا عندي نفس المشكله
بس اذا مشيت قدام وعند اول تغييره تسمع طقه
للمعلوميه السياره تماتيك .. بس بصراحه .. انا ضربت بكفر يسار اللي قدام ضربتين
وحده منها اعدمت الجنط .. فقلت يمكن السبب من الضربه
والصوت كأني اسمعه جهت اليسار والله اعلم