[ابو طارق]

السلام عليكم ورحمة الله وبركاته


انا واعوذ بالله من كلمة انا عندي جيب فورتشنر 6سلندر في اكس 2 فل كامل 2007 ما شاء الله

توني شاريه قبل شهرين بس فيه مشكله اهوجس [أفكر] اني ابيعه واشتري هايلوكس 2008

لأاني متعلق به مره وبعض الاحيان حقيقه والله اني احلم به ولاني توي صغير عليه

ولا ادري وش اسوي افيدوني


لاتواخذوني على سؤالي ولاكن بعض المرات اذهب للمعارض عشان ابيعه واتردد


والسلام عليكم

[خالد الراشد]

هلا وغلا
ابو طارق

استخر ربك

[الأستاذ محمد]

وش مشكلة الفورتشنر معك يا أبوطارق ما ذكرت المشكلة ؟!

[المحظوظ]

طبعا حتفقد الراحة و القوة وسعة الركوب اذا اشتريت هايلكس وتكسب سعة تحميل كبيرة للعفش والاغراض...... ولكن تبقى الجودة معاك ولن تفقدها مع تويوتا في جميع الاحوال..
المحظوظ

[أبـــو عـــزام]

والله ما تقارن 6 سلندر بـ 4 سلندر أبداً

شف وأنا أخوك إن كان ما معك عائلة ولا يهمك السعه وبتأخذ هايلوكس دفع خلفي وليس دبل فأنا ما ألومك

لكن أنت معك الحين فورتشنر فل كامل والله أنه شي إلا في حالة إنك بحاجة دراهم فهذا شيء ثاني

وترا فرق بين واحد في الطعوس يتمشى بالسيارة وواحد يطلع مافي قلبها عشان يمشي في الطعوس ويشيل هم التغريز

والفورتنشر شبابي ورياضي وأصبر عليه الحين الشباب هابه فيه تشتريه عشان التطعيس وبتشوفه في الفتره القادمه وش كثره بالبر وسمعته وش زينها.. وكلاً يتمنى يبيع الهايلكس اللي معه ويشتريه.

وفعلاً لا تنسى الاستخاره

الله يوفقك أخوي

[الوضع الصعب]

الحين تبيع فورتشنر 000وتشترى هايلوكس000 من جدك أنت ؟

[المنسق]

المشاركة الأصلية كتبت بواسطة الوضع الصعب

الحين تبيع فورتشنر 000وتشترى هايلوكس000 من جدك أنت ؟

سيم سيم كلام


يا اخي خلك على فورتشنر ارز واكشخ واقوى

[الاوريون الحلوه]

والله انا اقول ان الفورشنر احلى من الهايلكس وخصوصا ان اللي معك فل ماشالله

ولاتنسى انه جيب يعني اكشخ على قوله الشباب ^^^ فوق

[فورتشنر وبس]

زي ماقالو الشباب أنا ما أأيدك تشتري هايلكس لان الفورتشنر أجمل وشبابية وعائلية ورياضية وكل الي تبغاه

[أبوحمد]

ماراح تلقى مثل الهايلكس




( هاه بتبيع لي الموتر ؟؟ )

[ابو طارق]

خالد الراشد

استخرت اكثر من مره ولا طلعت بنتيجه


الأستاذ محمد

المشكله وانا اخوك انه يصرف بنزين صرف

والقطع الغيار اللي سمعت انه غااااالي مره


المحظوظ

شف الراحه ما فيه كلام بتطير لأني لو شريت هايلوكس اباخذ غماره وحده

والسعه اكيد ياخذ محل كبير

والجوده وحده مع تويوتا

أبـــو عـــزام

انا احس ان الهايلوكس ازين

وانا منيب يم التطعيس ابد

الوضع الصعب

المنسق

والله افكر مدري هي فسقه

والمشكله الكبرى ان اخوي الصغير معه هايلوكس 2008 غماره وحده


الاوريون الحلوه

فورتشنر وبس

والله كلامكم مهب شين

الله يعافيكم ويجزاكم خير على التفاعل

وأبو حمد ما اقدر ارد عليك هالحين