[رقيب]

السلام عليكم
اليوم رحت لصيانة الخبر لفحص مشكلة تنسيم الهوا في ES 2008 وطلعوا معي فني علشان يجرب السياره وطبعا كان رده ان هذا طبيعي ومافيه اي مشكله لان كل السيارات اللكزس مثل كذا (نصاب طبعا)؟؟؟؟ المهم اني قلت خلك مع الكذاب الى باب الدار و طلبت تجربة سيارة ثانيه (Test Drive Car) وافق الفني واكتشفت انه اخذ وحده من السيارات اللي انتهت صيانتها علشان التجربه!!! شوفوا الامانه ؟؟؟ طبعا انا رفضت فقالوا لي روح لصيانة الدمام علشان تجرب سيارة Test Drive Car انتبهوا على سياراتكم وسجلوا العداد بدقه قبل دخول الصيانه وشيك السياره بعد الصيانه؟؟؟

والله على ما اقول شهيد

تحياتي

[هشام بن ناصر]

اخر صيانة لي اكتشفت ان العداد زاد 20 كيلو و ما اقتنعت انها للتجربة بعد الفحص!

وش رايكم كم الممشى الطبيعي للتجربة بعد الصيانة؟

[فايف بوينت سفن]

يااخوى الموضوع ياليت على كذا وبس
واحد من الاخوان فى المنتدى انسرقت سيارته افالون داخل الورشه يعنى جاء يستلمها بعد الصيانه قالوا له بكل بروده دم والله سيارتك انسرقت

واحد ثانى صار على سيارته لكزس حادث داخل الوكاله انصدمت فى مكانيين مختلفين يعنى حادث كامل وبعد ضيعوا مفتاح السياره
ويا كثر القصص اللى كذا لكن صحيح من امن العقوبه اساء الادب

[ابووابراهيم]

الله يجزاك خير على التنبيه
انا كان معي كامري 2003
والله كنت محافظ عليها وكل مره اشيك عليها لين اكتشفت اللعب الكبير من العمال حقين الصيانه
كنت ادخلها مثلا عشان التنسيم تطلع بعد يوم او يومين المشكلها مازالت موجوده ولكن طلع شي جديد وهو طقطقه بالعكس اليمين الظاهر انهم اخذوه وبدلو بداله واحد مستعمل او غير اصلي وعلى ها الحاله
والان معي هايلوكس والحمد الله ماعمره طب عندهم بالوكاله
اذا احتاج شي الله لايهين الصناعيه مليانه عمال وارخص واجود
وشكرا للتنبيه
وحسبي الله على ابو جميل

[حسونه]

لا حول ولا قوة الا بالله
بارك الله في علي التذكير
والطامه الكبرى أنه لم يعد أمانه
لا في والوكالة ولا حتى الورش ( إلا من رحم ربك )
انا لله وانا اليه راجعون

[اتعب في هواك]

لا حول ولا قوة الا بالله العلي العظيم

والله الواحد ما صار يثق حتى يشوف السياره بعيونه وما تدري يمكن يلعبون عليه


تقبل مروري

[سجلت اخيرا]

المشاركة الأصلية كتبت بواسطة ابووابراهيم

ولكن طلع شي جديد وهو طقطقه بالعكس اليمين الظاهر انهم اخذوه وبدلو بداله واحد مستعمل او غير اصلي وعلى ها الحاله

والله .. مثلي مثلك

أشك ...(ولا أجزم) أنه أثناء صيانة 20 ألف ... بدّلوا لي واحد من الجنوط فيه حكة جامدة .. وأنا فضلاً عن أني أتفقد السيارة بإستمرار .. ما أخبر أني حكيت بالسيارة في رصيف .. لأني أصلاً ما أقرب من الرصيف خير.. شر

وواضح إن الحكة قديمة .. ولا كان قلت أنحكت في الوكالة أثناء التجربة ..
خصوصاً إني طلبت ترصيص ووزن أذرعة وهذه كما تعرفون تحتاج إلى تجربة خارج الورشة قبل وبعد التصليح

ولكن .. فوق كذا ما أظلمهم .. ولكن ما أقول غير حسبي الله عليهم لو إنهم سرقوه

[الاوريون الحلوه]

الله يعينكم يا اخوان ومشكور اخوي على التنبيه

[ابوفيصل]

المشكلة من بنود شروط اصلاح السيارة في الفاتورة

( للشركة الحق في تجربة السيارة على الطريق للتأكد من الخلل ومن صلاحيتها للعمل بعد الاصلاح )

يعني حتى لو سجلت العداد وليقته زايد راح يقولون جربنا السيارة بعد الاصلاح وانت وقعت على الموافقة !!

يعني المشكلة مالها حل اذا الصيانة فيها ناس عديمين ذمة وضمير وراح نظل تحت رحمتهم .

[لكازس]

والله الوكالة دمااااااااار خاصة اللي بالعليا زحمة وقرف وسرقة ولعب بالسيارة
قبل العيد كانت سيارتي عندهم وجلسة اكثر من اسبوع علشان يصلحون نافذة الراكب لانها كانت عطلانه
طبعا كان ودهم يقولون طبيعي القزازة ماتشتغل لكن ماتجي..!!

المهم لما طلعت سيارتي حلصت القزازة الأمامية كلها خدوش تقول لاعبين عليها لعبة O X
والسبب ان العامل اللي يغسل السيارة بعد ماغسل السيارة حصل القزازة الأمامية باقي عليها آثار الحشرات ماراحت مع التغسيل فبدل مايكحلها اعماها !!!!!!!!!
حاول ازالة بقايا الحشرات اللي على القزازة بليفة غسيل الصحون
وانتوا عاريف الليفة ايش تعمل بالقزازة
الصراحة بغيت اصيح حتى الوكالة مارجعت لهم ولا كلمتهم
والسيارة الحين ماشية عشرة آلاف ومتردد اوديها للصيانة ولا لا
والمثل يقول مالك الا خشمك ولو كان عوج
وعلى فكرة شمعت الزينون دايم تطفي وقالوا تم تغييرها والصراحة ماغيرو حاجة والمشكلة كما هي والشمعة ماتغير الا مرة واحدة على الضمان ؟؟؟
وآسف على الإطالة

[التقني]

كل عام وانتم بخير
نصيحة يا شباب تفحص السيارة عند الاستلام و الدبة و الاستبة
و في اليوم التالي افحص مستوى الزيت
لانه في صيانة 5000كلم كان ناقص عندي و رجعت لهم وتم تغييره بالكامل

[ابووابراهيم]

اانا اقول ان الحل لهذه المشاكل
هو دخول صاحب السيارة بنفسة مع السياره خلال الصيانه البسيطة او السريعة
كم مره حاولت ادخل مع موتري ولكن كان الرفض هو جوابهم
اخوي سجلت اخير مانقول الا حسبي الله ونعم الوكيل
والله يوعوضك خيررررر

[رقيب]

ياشباب ....مشكلتي اني اسمع صوت الهوا في الخارج وانا ماشي 120 ما ادري هو تنسيم والا مشكله ثانيه... هل هذي المشكله موجوده في كل سيارات Es 2008 ؟؟ وويش الحل؟؟
الوكاله تقول هذي مشكله في التصنيع واحنا ما نقدر نسوي شي! هل هذا صحيح؟؟ مع اني سألت المبيعات قبل ما اشتري السياره عن عزل الهواء وقالوا لي ((بيرفيكت))! شكلي برفع قضيه ضد عبداللطيف جميل

[يا زين اللكزس]

المشاركة الأصلية كتبت بواسطة رقيب

شكلي برفع قضيه ضد عبداللطيف جميل

هههههههههههههههههههه

يا عزيزي يا رقيب ... ابتسم فأنت في السعودية

ترى منت في نيويورك والا طوكيو علشان احد يسمع لشكواك

لكن عبداللطيف جميل يجيله يوم (طبعا هو متوفي الله يرحمنا ) لكن عياله موجودين

[ابو كيموو]

ماقول غير

حسبي الله ونعم الوكيل


تحياتي