[بارد القلب]

[align=justify] السلام عليكم شباب

الصراحه ابا اكلمكم في شي مضايقني شوي

وهو انه سكان( مقود) وفي السعوديه ( دركسون) الافالون يدوي

مش كهربائي

يعني مش مثل السيارات الثانيه

الصراحه سياره بها المستوى اقل شي يكون فيها السكان( الدركسون) الكتروني

يعني مثل الاند كروزر ال في اكس و مثل اللكزس سكانهم الكتروني

اول ما تحط المفتاح على طول يتضبط السكان توماتيكي

ليش هاي الخاصيه ماشي في الافالون؟؟

و هل يمكن اضافه هاي الخاصيه الى السياره ولا لا
لازم تجي من الشركه بس
و ثاني شي
هل يمكن جعل ابواب الافالون شفط
انا اعرف انكم بتقولون طماع
تبا كل شي في السياره
بس انا اقول هل يمكن جعله
يعني حاجه اضافيه
مش من الشركه
وهل الوكاله تقدر تخليه شفط؟
وثالث شي هل المفتاح الذكي يقفل السياره بعد ان تخرج من السياره؟؟؟
ولا لازم اقفلها انا بنفسي بالريموت
يعني لو طلعت من السياره و مشيت بدون ما اقفلها
هل بتم السياره مفتوحه؟؟؟
و اسمحولي على الازعاااج
[/align]

[الــوســيــم]

بالنسبة للمقود يا الغالي و الهل ما عندي خبر و نفس الشئ للشفط ,,

بالنسبة للتقفيل بصراحه انا سيارتي توني مستلمها ما تقفل نفسها لازم انا اقفلها ,,

و يقولون لي بعض الاخوان انه فيه طريقة او برمجه تقفل نفسها على طول ,,

و ان شاء الله مع صيانة الخمسة آلاف ابكلم الوكاله ,,

الـــوســــيـــم

[بارد القلب]

مشكور أخوي الوسيم ما قصرت

و عساك تم وسيم طول عمرك<------------------ يبي يضبط المشرف
يا ريت تسأل الاخوان وين هاي الترجمه الي تقفل السياره لوحدها
و بالنسبه لأسئله الهل ننتظر الاخوان يردون علينا بما هو مفيد
و ميغسييييييييي بكوووووو

[نصورافالون]

عزيزي انا جليست مع ناس من الشركه وسالتهم عن المساحات ليش ماتكون حساسه والابواب والستاره والدركسوون لان الدركسوناو السكان هو اكثر شي قاهرني في الموضوع

المهم قامو يصرفون شوي ومن التصريفات انه الماساحات ماهي حساسه لان منطقتنا مافيها مطر خخخخخخخخخخخخخخخخخخخ المشكله( يقولون اللكزس 430 وال 300 الجديده فيها هالخاصيه وهي بنفس المنطقة )
وبيني وبينكم لو انا من الشركه مستحيل احط مواصفات اكثر على الافالون لاني راح اضرب اللكزس ضربة تحت الحزام
يعني تخيلو كل هالمواصفات على سياره سعرها 118000 ولو قلنا زودو هالمواصفات بتصير لكزس 430 وسعرها تقريبا 128 الف يعني اكلت ال430 هوا مع الافالون يصير الفرق بينهم التحكم التكييف والاضاه والتسجيل من الخلف وحركة المقاعد الخلفيه وسنادات الراس الكهرائيه كديكور بغض النظر عن المكينه والامور الميكتنيكيه
ودمتم:d