[تميمي وافتخر]

حبايبي وشلونكم طيبين ان شاء الله

كنت اسولف مع اخوي عن الشراء من امريكا وطال الحديث ,, الزبدة انه بعد القرق الواجد بدت فكرة تحوس براسي
ماذا لو اشتريت وكملت سيارتي بالنواقص الموجودة في الافالون الامريكية وعلى راسها (شاشة الملاحة )
هل القضية معقدة ماذا لو بحثت عن شخص مسافر هناك وطلبت منه يشتريها مباشرة او عن طريق النت بالفيزا

عموما افكار كثيرة ابي نناقشها مع بعض وارجو محد يقول لا تلعب بالسيارة لان الكلام عن الشراء والتركيب يحلها حلال

بانتظاركم يا الغالين

[فوو سبورت وود]

فكرتك حلوه اخوي نحاسي بل ممتازه جدا ً ، ولكن ..
فكرة الملاحه صعبه جدا ً ، لانه يحتاج تغيير الضفيره بأكملها ..

اما عن اشارة المرايات والمرآه والتعداد يطول فهي عادية ..
وان شاء الله الشباب يفيدونك بس اقولك (حلات الشيء شد بلد) ..


.: فائق الاحترام :.

[المتـــيم]

فكرة حلوة ,
لكن بوجهة نظري الشخصية المتواضعة الأفالون كاملة والكامل وجهه اللهم الشـاشـة
هي اللي تستاهل وغيره الحمدلله الأفـالون مكفية وموفية وأنا أشهد إنه عن عشر رجال <***** تحمس

[عزوووزي]

اطلبها من امريكا وبلاش فك وتركيب

وتبي تقولي اجوائنا يختلف عنهم

فأنا اقولك في ولايات ومناطق مثل جونا بالضبط...

وتكلفه الشحن هو قيمة القطع اللي تشتريها..

[ميتم الروح]

أخوي أنا واحد أيدك ..
ما أعتبر هذا لعب بالسيارة أبداً ..

القطع أصلية 100% و ،
صدقني ، هذي هي مواصفات الخليج ..
بس وكلاء الخليج يطلبونها بدون الشاشة و باقي المواصفات عشان لا تكسر سوق اللكزس ،

أهم شي هو النظام الصوتي لما يتغير ،
لانه راح يشغل الإم بي ثري ، و الدفيدي ..
و الشاشة تغيرها ..
و المرايا الجانبية شغلها سـهل
و تبقى الصعوبة في البلوتوث و الكروز كنترول فقط ،

[جارجر_سابقا]

ماعتقد راح تقدر تسويه مثل الامريكي بالضبط مهما سويت ...

اول شي عندك تركيب الملاحة فيها تغيير ظفيرة ولعب في الكمبيوتر ماتقدر انك تشتريه بالفيزا بهالبساطة وتغيير سستيم الكاسيت الى سستيم ريموت للملاحة..
ولازم تغير السكان لانه الازرار على الدركسون غير ..
ولاتنسى نظام الليزر اللي يخفض السرعة تلقائيا هذا مستحيل راح تقدر تركبه...
خذلك من وكالة امريكا هو الحل الوحيد بنظري والسموحة...

[تميمي وافتخر]

شباب الفكرة ما انطبخت صح والي يخليني بصراحة افكر هو انها شاشة ملاحة اصلية
صح تبقى مشكلة التركيب والخبرة والضمان لانه بصراحة السعودية كلها ما فيه محل مثل الناس تضمنه
وتتكل عليه

من خلال سؤالي تبين لي ان المغامرة هذي تفقدك الاستفادة من المسجل و التحكم بالمسجل من الدركسون

لازلت انتظر راي بقية الشباب

دمتم بافضل حال

[أبو ريان]

انا من ناحيتي .... شلت فكرة الشاشة لعدة اسباب

1- مافيه خرايط للسعودية أو الخليج <*****<***** يعني مثل قلتها
2- سعرها مكلف جدا وتحتاج تغير أشياء كثيرة
3- مافيه احد يركبها لك أو حتى يساعدك

أعتقد السبب الأول كافي أن الواحد يشيل فكرة تركيب الشاشة، وخاصة إنها ما تشغل الـ Dvd

[الحـ(درب)ـب]

لحظة

قبل لاتطلب وتعب نفس
اسمع الكلام اللي بقوله:

اول ماشريت افالوني فكرت نفس تفكيرك
واتصل بربعي اللي بأمريكا
وماقصروا الشباب
سألو عن النيفيجيشن وطلع علي 1600 دولار ( مستعمل )
بس بالموضوع مشكله: حاولو يركبو النيفيجيئن بأفالون XL
وكانت النتيجية يجب تغيير ضفيرة كهرباء كاملة للسيارة وبلاويها وبلاوي وقص الوايرات وتغير علبت الفيوزات عشان تشتغل السيارة بشكل طبيعي وبدون مشاكل
وجاني الرد ان الأفالون اللمتد الخليجية ظفيرتها مشابهه لنفس ضفيرة الافالون الـ XL الأمريكية

يعني
اذا بتفكر فكر بالزيادات العادية
بس النيفيجيشن ( انسى )
وبعد اخونا افالون وبس حط موضوع اثبت ان جميع الأمريكيين اشتكوا من النيفيجيشن الموجود بالأفالون
وفيه مشاكل ومن هالقبيل


وتقبل مروري

[ميتم الروح]

أنا أنصح بالنظام الصـوتي
و كذلك . المرايا الجـانبـيــة

و البلوتوث المدمج في السكان ،
و أخيرا الكروز كنترول إذا كان تركيبه غير معقد فليش لا ،؟

[تميمي وافتخر]

قهرررررررررررررررررررر

والله ما لقينا لك حل يا الافالون !!

[المتميز دائما]

اتوقع انها ما تركب ... لأن الأفياش حقت القطع غير ....

غير كذا الوكيل راح يشيل يده من الضمان