[راع الحيزى]

السلام عليكم

ياشباب فيه حادثه غريبه شوي صارت قدام عيني قبل العيد باسبوعين .....!!
كنت مع اخوي وكان يدور على لكزس جديد .... رحنا المعارض ومرينا على حسن جميل وشفنا العروض الي عنده ثم بعدها رحنا لليحيى نشوف اللكازس الي عندهم.....المهم وحنا جالسين نتفاوض مع المصري شوي ويدخل علينا موظف حسن جميل المصري ويحجز 3 او 4 جيوب لاندكروزر GXR 2008 وقاله راعي المعرض الأستلام بكرى او بعد بكرى بدون لوحات !!!

مادري ياشباب وش رايكم ..... هل فيه تعامل بين الأثنين او وش السالفه

تحياتي للجميع

[الرحالة]

لا حسن جميل موزع لعبداللطيف
وتراهم نصابين
قبل 4 أيام سئلت عن الفي اكس عند حسن جميل
قالي عندنا جلد تركيب حسن جميل مو أصلي بــ 225 ألف وسعر الوكالة عبداللطيف 214 ألف جلد ياباني
قلت طيب الجلد الأصلي كم ؟
قال 240 ألف لو يوصل
وانا مسوي حجز عند عبداللطيف في اكس بــ 214 ألف ووصل اليوم وبندفع المبلغ بس جاي من طرف مدير المبيعات بالمنطقه الشرقيه
بس شف كيف النصب !!

[من الخفجي]

اخواني الاسمين وجهين لعملة واحدة
اخوي الرحالة مبروك الموتر نبي تقرير عند الاستلام وش اللون اللي اخترتة ومن متى حاجز
تحياتي

[الرحالة]

^
ابشر ان شاء الله الأمور تسير بخير
الله يسلمك بداية الحجز كانت جي اكس 8 سلندر بس شفنا فروقات كبيره حتى بالشكل والاهم من هذا الجلد الي يرغبون فيه الأهل ..وطلبنا لون أسود لكن قال مدير المبيعات بالمنطقه الشرقيه الأسود يمكن يجي بعد شهر " واسطه " وسوينا حجز أسود من ثالث يوم بالعيد وطبعا الحجز بمكالمه هاتفيه ,,تفاجئنا بعد أسبوع يقول وصل لون أبيض لؤلؤي حبه وحده بس وجايه من جده وفي دفعه وياها بس حقت ناس كباريه :d تبون الأبيض أو تنتظرون الأسود يمكن شهر او يزود على حسب وبصراحه الرغبه هنا أبيض إلا الوالد وانا وياه أسود توكلنا على الله ومنتظرين بكره يوصل لحوشهم بالخبر حق فرع الوكاله وندفع المبلغ يعني عالأسبوع الجاي يكون موجود والله يعطينا خيره ويكفينا شره وان شاء الله الأخوان مايحصلون معاناة مع انها موجوده بصراحه ياكثر ماتمرمرت على المعارض وخاصة اليحيى بس فارق السعر كبير والفي اكس مايختلف عن اليحيى وبالعكس حقنا اجمل مافيه خطوط

[احب الكروز]

حسن جميل ماله اي علاقة بعد اللطيف جميل فقط تشابه اسماء
العلاقة بينهما ان حسن جميل هو موزع لعبد اللطيف الشرقية مثل الشورى في الرياض والموزعين الاخرين لتويوتا في انحاء المملكة

[حسونه]

المشاركة الأصلية كتبت بواسطة احب الكروز

حسن جميل ماله اي علاقة بعد اللطيف جميل فقط تشابه اسماء
العلاقة بينهما ان حسن جميل هو موزع لعبد اللطيف الشرقية مثل الشورى في الرياض والموزعين الاخرين لتويوتا في انحاء المملكة

تقريباً هذا الصحيح

[الرحالة]

حسن جميل معروف موزع معتمد حاله من حال الكفاح والشورى وباقي الموزعين في المحافظات بس يشرط أن لا يزيد السعر وعلى فكره حسن جميل اخو عبداللطيف !