[هبوب طويق]

وش رايك يا ابوحمد في الهاي لوكس 2008 غماره هل هو جدير بي ان الوحد يشتريه بصراحه افكر في واحد بس وانا اخوك تعبت من كلام الناس واحد يقولك سياره قويه وميحتاج تشكك فيها والثاني يقولك لا والله الهايلكس القديمه احسن من ناحية المحركات والبدي والعزم في النفود وغيرها والكذب خيبه انا كان معي الهاي لوكس موديل 1996 وموديل 2003 بس بعمري ما جربة الجديده يقولون مايمديك ترهم عليها زي القديمه مثل مسعدات واذره وغيرها من الترهيمات القديمه وايضن يقولون عزمه يطيح بي النفود والقير مهوب قوي زي القديمه ويهرقل بسرعه هل هذا صحيح بس الي ابيه منك ومن عشاق الهاي لوكس النصحيه الطيبه والمشهوره وشرح العيوب المجوده فيه اذا وجد تراني علي وشك الشراء الله يجزاكم بالخير يا اخواني الكرام

[أبوحمد]

شف يالغالي

من ناحية الهايلكس 2008 كسياره فهي ما يحتاج وقوية وممتازه .. وتتفوق عن القديمات بأشياء كثيره

ولكن العيب الوحيد في نظري هبوط السياره عن أول وخاصة وجهية الموتر ..

في طرق كثيره علشان ترفع الوجه وتنصب الموتر

أنت أشرت أنك تبي تعدل من مساعدات وترهيم في أكثر من مكان بالسياره ,, أنا في الحقيقة ما أقتنيت الغماره وماعدلت كثير في تعليق الهايلكس بشكل عام كنت أركز بترهيمي على الشكل والاكسسوارات فقط

ممكن أساعدك بشي واحد فقط وبحطه لك على الخاص .. وبحكم أنك جديد وبريدك ماراح يستلم
بسوي لك عنوان موقع بيفيدك إن شاء الله خذه من الموضوع وأفتحه وإن شاء الله تستفيد .

[الجربوع]

هلا باخوي الغالي
يقولون مايمديك ترهم عليها زي القديمه مثل مسعدات واذره وغيرها من الترهيمات القديمه ؟

تقدر تركب مساعدات عندك مساعد فيكسار اومرسدس وترفع السيارة بكعكات اوترفع بيايات وتطلع الوجهية ثابتة

اتمنى اني افدتك

[محمد بن عمر]

خذ جي إل عطي الله وارتح بس تراه مريح بدون ما تسوي به أي شي أنا ما سقته بس على كلام اخوي يقول أنه ساقه يقول مريح مره بس ارفع الوجهية وجنوط مرسيدس وكفرات خط ولا تغسله ولمع الكفرات يبي يصير نصبه

[جاسم اوريون]

مشكور اخوي على المرور