[عدي وخل التحدي]

بالنسبة لكلتش الهيلكس اللي عندي عندما اضغط عليه واركب نمرة 2 ولما اشيل رجلي من الكلتش يطلع صوت طقه تقول شي بينكسر!! رحت بدلته في الوكالة وراح الصوت وبعد تقريبا 3 شهور رجع الصوت!!! أيضا بالنسبة للجمبينات اللي ورا على كل مطب يطلع صوت قوي وديت الموتر لغسيل جك وقالي ممنوع الديزل والآيل قال انا باغسلك بماي بس. ومافي فايده الصوت مثل ماهو . وش تنصحوني اسوي؟؟

[ابو داحم]

ارجع للوكالة واطلب المدير واكيد بيفيدونك انشااللة وبالتوفيق

[أبوحمد]

أنا أتوقع أنه اي سياره قير عادي وتستند على عمل الكلتش ضروري يطلع معك هذا الصوت لا تنسى أنك تدعس الكلتش وترفعه بسرعه يعني ضروري يكون في ردة فعل

لأن الكفرات مع الجربوكس مع عمود الكرنك اللي اسفل السياره واقفه تماما ,, والمكينه تدور بسرعه ما تقل عن 500 دورة بالدقيقة وأنت تشيل رجلك بسرعه أكيد بتسوي صدمه قوية !!

أنا يطلع الصوت في الكروزر اللي معي وايضا في الهايلكس ,, حتى بعض الاحيان أقوم السياره بالثاني يطلع !!

علشان كذا أشوف الاوتو أفضل وأسلس على جميع أجزاء المحرك ..

[عدي وخل التحدي]

مشكوووورين على المرور ماقصرتوا ....


يعطيك ألف عافية أبو داحم... لو الوكالة بيفودوني مارجعوني لهم مره ثانية عشان نفس السبب . وللعلم كلمت المدير في اخر مره رحت فيها الوكالة ومافي فايده!!!!




أبو حمد نورت الموضوع بردك الجميل صحيح كلامك القير الاوتو أحسن في هالاشياء من العادي بس والله ابتلشنا بالسيارات الجديدة اول ماتطلعها من الوكاله مايمديك تتهنا فيها الا وانت مرجعها لهم عسا مااااااشر ... طيب خلك من هالسالفه الحين وش الحل مع الصووووت. يعني ادعس كلتش بشويش عشان مايطلع الصوت ؟؟؟؟؟!!!! والله يابو حمد أن رجلي اليسار صارت أكبر من رجلي اليمين من كثر ماأبدل عشان مايطلع الصووووت ههههههههههه على العموم تسلم وماقصرت بو حمد

[أبوحمد]

المشاركة الأصلية كتبت بواسطة عدي وخل التحدي

أبو حمد نورت الموضوع بردك الجميل صحيح كلامك القير الاوتو أحسن في هالاشياء من العادي بس والله ابتلشنا بالسيارات الجديدة اول ماتطلعها من الوكاله مايمديك تتهنا فيها الا وانت مرجعها لهم عسا مااااااشر ... طيب خلك من هالسالفه الحين وش الحل مع الصووووت. يعني ادعس كلتش بشويش عشان مايطلع الصوت ؟؟؟؟؟!!!! والله يابو حمد أن رجلي اليسار صارت أكبر من رجلي اليمين من كثر ماأبدل عشان مايطلع الصووووت ههههههههههه على العموم تسلم وماقصرت بو حمد

هههههههههههههههههههه

أما عاد رجلك اليسار كبرت ,, أفضل مني اللي طلع في رجلي اليسار عضلات ..

والله يخوي مثل ما قلت أنت يبيلك تدعس بتركيز شديد ووزنية دقيقة !!

علشان يروح صوت الطقه اللي تسمعه أنت وأنا أيضا ..

اللاندكروزر اللي معي ما ودي أبيعه صراحه ممتاز ,, ماعدا القير العادي مكرهني جدا بالموتر !!

[عدي وخل التحدي]

يعطيك العافية بو حمد ياخوي حتى الركبه عضلت عمرك سمعت بركبة معضله خلها على الله بس





تحياتي