[روعة النسيان]

السلام عليكم

اخواني انا ناوية اشتري سيارة لكزس es350

سعرها بالامارات 165 رقم 1 و 155 لرقم 2

انا اريد اشتري رقم 1

عندي سؤال بسيط اخواني

1 - هل فتحة السقف تسبب لي مشكله في المستقبل ؟؟
2 - هل فعلا القير فيه مشاكل مثل ماقريت لكثير من الناس اللي اشتروها هني ؟؟
3 - هل هل المكينة لها صوت عالي مثل ماسمعت ؟؟
4 - هل في صوت للهواء مزعج مثل ماقريت هني ؟؟
5 - هل فعلا هيه احسن من gs 2008 ؟

اتمنى القى الاجابة بمنتداكم اخواني

وشكرا

[ظبياني_رايق]

توكل على الله ولا تفكر السياراه مافيها اي شي انا عندي 2008 والحمدلله مرتاح فيها

[عين الامارات]

هلا روعة النسيان

في الفطيم السيارة ب 165 بس في البهوان 160 مع خصم 3000 درهم بالاضافة الى
الخدمة المميزه اللي عندهم .. بس اهنية في مشكلتين راح تواجهج واللي انا الحين تواجهني
في هذا الوقت:
1- السعر زاد حسب علمي في البهوان الى 170 ولكن في آخر مره قالوا الامر لم يحسم بعد في الزيادة
ويمكن تلغى هذه الزيادة فا عليج انج تحجزين (1000 درهم قابلة للاسترجاع) باسرع وقت حتى تتفادين الزيادة
2- السيارة راح تتأخر شوي يعني شهر شهر ونص حسب الشحنات اللي توصل ...

فا النصيحه لج تاخذينها من البهوان عند الاخت منى تعاملهم جدًا مميز افضل من الفطيم اللي الكل يشتكي منهم


واذا في اي سؤال حاضر

بالتوفيق

[ظبياني_رايق]

,والله صح كلامك عين الأمارات انا انصحج تاخذينها من البهوان الفطيم معاملتهم وايد خايسه والله كل تشييك لازم اتضارب وياهم نصابين

[روعة النسيان]

وين البهوان هذي باي امارة ؟؟؟

[صالح الرسام]

1 - هل فتحة السقف تسبب لي مشكله في المستقبل ؟؟
ج- مستحيل وخاصة والسيارة لكزس

2 - هل فعلا القير فيه مشاكل مثل ماقريت لكثير من الناس اللي اشتروها هني ؟؟
ج- بفضل من الله اسمع عن المشكلة فقط في المنتدى والحمد لله ماوجدتها

3 - هل هل المكينة لها صوت عالي مثل ماسمعت ؟؟
ج-بالعكس صوت الماكينة لايكاد يسمع وخاصة ان الدفع امامي اهدى من الدفع الخلفي بكثير السيارة قمة في النعومة
وقوة الاداء والراحة المتناهية والاهل كانوا معي في خط سفر وقالوا ماشاء الله كأنها لاتمشي على الارض من شدة
النعومة التي يحسها الركاب وهذي الشي موجود في ES منذ 2002 الى 2008 وهو مايميزها عن باقي فئات لكزس

4 - هل في صوت للهواء مزعج مثل ماقريت هني ؟؟
بصراحة انا كان عندي 2002 و 2006 واجد 2007 و2008الافضل مشكلة الهواء موجودة بس اتذكر اني في سيارة
وجسم يصتدم في الهواء الخارجي اكيد له صوت بس بفضل الله اجد الموضوع طبيعي جداً يعني اقل من سيارات اخرى بدون ذكر اسماء

5- هل فعلا هيه احسن من gs 2008
اوكي احسن من نواحي كثير
1- السعر اقل
2- الحجم اكبر حتى ان احد زملائي شاهد سيارتي ES بجوار GS قال عن GS هذي الفئه الاصغر صح !!!!
3- GS دفع خلفي وشكل رياضي و ES عائلي وشكل فخم قريب من شكل LS460 مصغره
4-قوة المحرك في ES اقوى من GS300 بفارق احصنه كبير
5- زملائي اصحاب GS يشتكون من قسوة المطبات وهذا الشي موجود بـES ولكن تعتبر الاقل بين فئات لكزس

الحمد الاجابة بفضل الله بعد تجربتي اكثر من 3 سيارات ES350 كانت الفل كامل هي الاقل صوت بصراحة

[روعة النسيان]

اشكركم اخواني على تفاعلكم وردودكم

واشكرك اخي صالح على ردك المفص على اسئلتي

الحين اشتريها وانا متطمنه

[روعة النسيان]

الاخوان .. عين الامارات - ظبي رايق

انا سمعت ان مواصفات اللكزس في البريمي غير عن الامارات لانها تي مواصفات ناقصه

ولما رحت وسالت الموظف هناك قالي ان رقم 1 بفتحه بالسقف ورقم 2 مافيها لا فتحه ولا شاشه ؟؟ الغريب اني شفتها بالعين فيها فتحه وشاشه بعيوني من هنيه عرفت ان المواصفات ناقصه عندهم

السعر رحت وشفته نفس الشي كلهم 165 مادري اذا تغير السعر الحين لان هالكلام من اسبوعين

- وفي نقطه مهمه انا لما رحت هم بصراحه ماعجبتني خدمتهم يهني على كثرهم مايهتمون بالزبون يخلونا واقفين فتره لو مانناديهم كذا مره مايردون علينا وتحسهم مالهم مخ لنا

- سمعت ان اللي يشتغلون بالشرطه بالبريمي لهم خصم لسيارة لكزس يوصل ل10 او 15 الف ناقص ؟؟ هل هذا صحيح ؟؟ ولو بخل حد من معارفنا هناك يطلعها لي على اسمي اقدر ؟؟ مب اهليه بس معارف ؟؟؟

[ظبياني_رايق]

وكاله البهوان في البريمي وعادي ايسير يطلعها بس لازم يكون عنده جوازج الأصلي وليسنج وانا عندي رقم اثنين فيها فتحه وشاشه وسعرها 155

[روعة النسيان]

ظبياني من فضلك ولا عليك امارة

ممكن تتاكد من سالف مواصفات السيارة في العين وفي البريمي اذا نفس الشي او فيها اختلاف

وسالفه انه ياخذ الجواز بس متاكد منها ؟؟ لانه قالو لي لازم تتسجل باسمه

ومشكور

[ظبياني_رايق]

اختي المواصفات في البريمي رقم اثنين اتييج بدون فتحه ولا شاشه بس في الفطيم اتييج بشاشه وفتحه رقم اثنين وسعرها 155 الف وعن التسجيل انا طرشت اخوي يخلص موضوع السياره وخذت صورة جوازي بس حتى ما خذ الجواز الأصلي والسياره بأسمي الحين واتمنى اني قدرت افيدج واذا تبين اي شي انا حاضر لأني عانيت وايد لين ما طلعت هالسياره بس والله ما بتندمين

[عين الامارات]

من اول ما نزلت السيارة البهوان ( البريمي) كان ينزل رقم 1 (بروراما) ورقم 2 ( فتحه بس بدون البرواما) ورقم 3 (بدون شاشه) ولكن شافوا الطلب اكثر على الرقم 1 ولان الفرق بسيط فا الغوا الرقم 2 ونزلوا رقم 3 بدلا ً من

اما عن الاسعار فا انا حاجز في شهر 12 على 160 مع خصم 3 ألف درهم .. وسمعت كلام انهم راح يزيدون في السعر بس لحد الحين مش اكيد

على العموم راجعي وحده اسمها منى في قسم اللكزس هي متخصصه في اللكزس وقولي لهم ان عندي احد من اهلي
مقدم عندكم وحاجز وانا اريد نفس الشي احجز (ولو قالو راح اطول على حسب اللون) وافقي على طول

اما بالنسبه لزيادة السعر 165 من 160 فهذا متوقع

ان شاء الله ما راح تزيد المهم راجعين منى مثل ماقلت لج ما تروحين عند احد من الهنود او غيرهم هذه متفيدج اكثر
وقولي لها ان احد من الاهل مقدم عندكم ....

بالتوفيق

[عين الامارات]

واول ما تستعجلين وتاخذينها فكري في اللوان زين

وهذه وصله للالوان كلها

http://www.toyota4arab.com/forum/showthread.php?t=8949

[روحي]

شو أحلى لون؟

وأمأنه شو أحلى للبنت لـ Es
ولأ لـ Rx350???

[عين الامارات]

Rx للعائلة

اما Es للبنت

هذا رائيي