[ابوعلي الانسي]

السلام عليكم
لدي كامري 2005 gli قير أتوماتيك
لاحظت منذ فترة شهر ظهور صوت غريب
-الصوت يشبه خرير الماء
-الموقع في الديكور الذي خلف الدركسون (المقود)
-الوقت عند تشغيل السيارة وهي باردة وعند السير بها لمسافة سيطة ثم التوقف يظهر هذا الصوت
-أرجو ممن له خبرة في هذه الحالة أن يخبرنا ماهي ؟

[كوع نمله]

شيك على سير المكينه

اللى اسمه الجنزير سابقا


أتوقع يبغا له تغيير

[مصرقع الشرقية]

واللة عندي نفس المشكلة لكن جاحدها

[ابوعلي الانسي]

نرجو المشاركة من كل من لديه معلومة عن هذه المشكلة

[أسير الليل]

نصيحه جربوا هالطريقه يمكن تنفع
شغل السياره سخنها اطلع فيها مسافه اكثر من 10 كيلو بعدين شغل الدفايه على الاقل 10 دقايق
ان شاء الله تروح المشكله اذا ما راحت جرب اكثر من مره

[ابوعلي الانسي]

أخوي أسير الليل
شكرا على تفاعلك
وش المقصود بالدفاية
هل أشغل المكيف على الحار
أم أشغل المروحة الحارة فقط
بمعنى هل اضغط على a\c أم لا

[مهندس استقبال]

أخوي مشكلتك هذي دايم يعانون منها الكوامري من موديلات 2003 الى 2006 وحد ضررها الصوت الي أنت تسمعه على حسب تعبيرك صوت خرير ماء أو مثل صوت شلال وهو بسبب عدم أحكام غلق بلف المكيف الموجود خلف الطبلون فيمكن مرور قليلا من الفريون حتى يغلق كاملا وخلال فترة الأغلاق الأخيره هذه تسمع هذا الصوت
وحله بتغير بلف المكيف الذي يسمى (EXPENTION VALVE)
اكسبنشن فالف

تحياتي

[ابوعلي الانسي]

أخوي أسير الليل
أنتظر الرد والتفصل منك

[أسير الليل]

سامحني على التأخير
كنت مشغول هاليومين
نعم اقصد المكيف الحار يعني خلي الزر المكتوب عليه A/c مطفي

[كامري كاشميري]

اخوي حدد بالضبط ممكن من بره السيارة وممكن من جوه
انا عندي 2006 وكنت لمن اشغل السيارة كان يطلع صوت من المكينة انفجعت ورحت الشركة على طول
وما قصرت الشركة قالت ما تخاف هذا جنزير المكينة يبغاله تغيير وغيروه على الضمان والحمد لله راح الصوت

اما اذا الصوت اللي عندك من الطبلون فهذه مشكله معروفة في الموديلات من 3 الى 6 واذا سيارتك تحت الضمان لسع وديها الشركة ويصلحوه على الضمان واذا خلص الضمان برضوا وديها الشركة راح يصلحوا لك وما ياخذوا الا شي قليل اتمنى اني افدتك

[ابوعلي الانسي]

أخوي : كامري كاشميري
المشكلة فغلا داخلية في الطبلون
إذا كانت هذه المشكلة فعلا منتشرة فما هي بالضبط من خلال تجربتك وخبرتك
ــــــــــــــــــ انتظر الرد ـــــــــــــــــــ

[ابوعلي الانسي]

أين أنت يا أخوي كامري كاشميري
ـــــــــــــــ انتظر الرد منك ـــــــــــــــــ

[مملوح الكون]

شيك المواصير حقت المكيف وان شاء اللله يبين شي معك

[مبتكر]

هذي موجوده في اغلب السيارات .. ماتجي الا اذا صارت السيارة باردة وخاصة في وقت الشتاء ..

انت لاتعشق على D وتمشي علطول والسيارة باردة .. ماراح يطلع معك الصوت اذا صارت السيارة حاره ..

معروفة المشكلة .. تحس ورا الطبلون صوت شلال موية كأن الموية بتخش عليك ..

[مصرقع الشرقية]

واللة انها جاتلي ها المشكلة وجحتها فترة ورحت والحين ولا فكرت فيها
وكان يقهرني ها الصوت اكثر شي لا جيت اوقف

[كامري الرياض]

والله عندي نفس المشكلة لكن جاحدها
والله عندي نفس المشكلة لكن جاحدها
والله عندي نفس المشكلة لكن جاحدها
والله عندي نفس المشكلة لكن جاحدها

يمكن مؤثرات صوتية من أبو جميل

والله أعلم

[الحــل الصعب]

المشاركة الأصلية كتبت بواسطة مهندس استقبال

أخوي مشكلتك هذي دايم يعانون منها الكوامري من موديلات 2003 الى 2006 وحد ضررها الصوت الي أنت تسمعه على حسب تعبيرك صوت خرير ماء أو مثل صوت شلال وهو بسبب عدم أحكام غلق بلف المكيف الموجود خلف الطبلون فيمكن مرور قليلا من الفريون حتى يغلق كاملا وخلال فترة الأغلاق الأخيره هذه تسمع هذا الصوت
وحله بتغير بلف المكيف الذي يسمى (EXPENTION VALVE)
اكسبنشن فالف

تحياتي

الله لا يضرك اخوي

كلامك صحيح 100%