[كوكو حمراء]

صبّحكم الله بالخير . .


المشكلة وما فيها إن موتر واحد من أخوياي ES 350 2007 يبي يشغلها ما تشتغل

الراديو ، الأنوار ، المسجل كل شي عادي يشتغل ما عدا إنه إذا جاء بيشغل السيارة ما تشتغل

ويقول الفرامل صايرة ثقيلة ، غير عن أول .


فقلت مالي الا الله ثم أنتم ,

أفيدوني ؟؟

[رااايـــق]

ماله الا الله ثم الوكاله ينشب في نحورهم

وش اللي 2007 ولكزس وماتشتغل

الله يكون بعون خويك

خله ينشب لهم

في واحد من الشباب هنا في منتدى افالون سيارته فيها عيب مدري وش هو
نشب لهم اللين غيرو الموتر

[هشام بن ناصر]

خله يجرب يقرب المفتاح لزر التشغيل و يكون بينهم الا 1 سم و يجرب يشغل

ممكن تكون بطارية المفتاح منتهية او قاربت على الانتهاء.

[لكـ بانوراما ـز]

خله يجرب يقرب المفتاح لزر التشغيل و يكون بينهم الا 1 سم و يجرب يشغل

ممكن تكون بطارية المفتاح منتهية او قاربت على الانتهاء.

مالها إلا مثل ما قال أخوي هشام ..

وان ما نفعت هالطريقه ..

ماله إلا الله ثم الوكالة..





لكـ بانوراما ـز

[وارايق]

اخوي . لما يشغل السياره بتطلع لمبه خضراء في زر التشغيل؟

ممكن تكون الفرامل مضغوطه عشان كده لما يحاول يضغطها ما تشتغل اللمبه وما تشتغل السياره.

خليه يحاول يضغط على الفرامل اكثر وان شاءالله تشتغل . لانه قد صار لي زي هذا الموقف وكانت الفرامل مضغوطه

[دقات قلب]

هذا سلمك الله ..

احتمال يكون واحد قاعد يتعلم بالسيارة ..

سبق وان تركت سيارتي واقفه وبها اطفال ..

قاموا يلعبون بزر التشغيل وايضاً الفرامل لدرجة انو الفرامل صايرة محجرة او ثقيلة

الوضع ياعزيزي عادي ..

بالريمورت يوجد شعار بالخلف .. قرب الشعار لزر التشغيل وانتظر ثواني ..

بعدها اضغط على الفرامل بكل قوة .. ثم زر التشغيل .. راح تشتغل ..

[مجاريح]

أخوي جرب وقم بفصل أصبع البطارية الموجب ( + ) لمدة من خمس إلى عشر دقائق ثم ارجع وشبك الأصبع
وشف ... يمكن يطلع معك شئ ..

[(غير مسجل)]

حاول تضغط الفرامل بقوه اكثر...

[كوكو حمراء]

الله يعطيكم العافيه . .


أببلغه بكل اللي قلتوه ، ما قصرتوا