[فوررتشنر]

السلام عليكم ورحمة الله وبركاته
حبيت اسئل عن الفورتشنر اربعه سلندر فقط لا احد يقول ستة سلندر ههههههههههه
خويي يقول انه العايدي اخف على السياره من الاتوماتيك اقصد ما يقلل من عزمها والدليل اذا حطيت القير في D يحمل على المكينه
هل هذا الكلام صحيح او انه افضل من العايدي في زياده العزم
وشكرا مقدما للجميع

[راعــ الاند ــي]

سلام عليكم ورحمة الله

شف اخوي بالنسبه للقير الاوتو هل يضعف عزم السياره ام لا ؟؟

يعتمد هذا الشي على القير الاوتو كم نمره وهل هو رياضي ام لا

يعني عندك مثال الاند كروزر

بالنسبه للـgxr الوتو اربع تغيرات فهو يضعف عزم السياره مقارنه بالعادي باستثناء السرعه في الخط

الاوتو افضل لان العادي تروسه قويه جدا فتضعف السياره في الخط اعني السرعه اما الاوتو فهو بنمره واحد من 120
الى 200 وهي النمره الثالثه بعد استخدام الزر الموجود في القير O/d فهو يطول النمره

اما بالنسبه للـvxr فالقير الاوتو افضل في القوه والسرعه وخفت السياره لانه 5تغيرات اما العادي فيه قوة عزم مثل الجكسار وليس فيه سرعه بسبب قوة تروس القير والكارونه

طبعا موترك اربعه سلندر فهو من الاساس ضعيف فيؤثر فيه اي شيئ فالقير العادي افضل له من ناحية القوه والسرعه

اما ان كان قيرك 5تغيرات اوتو فهو ليس بالضعيف اما المشكله تكون اذا كان 4تغيرات فهنا يؤثر على عزم السياره

ولايخفاكم ان الاند 2008 قيره الاوتو 6تغيرات فهو خيال ماشاء الله وهو بنظام التربوتنك

ارجو اني وضحت لك الفكره

[فوررتشنر]

مشكور يالغالي على مرورك

[حسونه]

خذها نصيحة من أخوك
بالنسبة للـ4 سلندر لا تتعدى ( القير العادي )
أما الـــــ6سلندر فلا يليق به إلا ( القير الأوتوماتيكي )

[محمد بن عمر]

معروف العادي 4 والتوماتيك 6 هذا الخيار المناسب للأثنين

[أبوحمد]

المشاركة الأصلية كتبت بواسطة حسونه

خذها نصيحة من أخوك
بالنسبة للـ4 سلندر لا تتعدى ( القير العادي )
أما الـــــ6سلندر فلا يليق به إلا ( القير الأوتوماتيكي )

أنا أؤيد هذا الكلام

لكن في حالة عدم وجود 6 سلندر وايضا في حالة عدم وجود 5 تغييرات

ففي الحاله هذي بنخرب القاعده وبناخذ أوتو على 4 سلندر مثل ماهو صاير على الهايلكس الدفرنسين !!

[أبـــو عـــزام]

المشاركة الأصلية كتبت بواسطة أبوحمد

ففي الحاله هذي بنخرب القاعده وبناخذ أوتو على 4 سلندر مثل ماهو صاير على الهايلكس الدفرنسين !!

ما يصير 4 سلندر ودفع رباعي مستمر وقير أتوماتيك الظاهر يا أبو حمد حين شراءه بتبيعه من ثاني يوم

جيب بدون 6 سلندر مشكله في جميع الأحوال

الله يوفقك ويوفق الجميع

[أبوحمد]

المشاركة الأصلية كتبت بواسطة أبـــو عـــزام

ما يصير 4 سلندر ودفع رباعي مستمر وقير أتوماتيك الظاهر يا أبو حمد حين شراءه بتبيعه من ثاني يوم

جيب بدون 6 سلندر مشكله في جميع الأحوال

الله يوفقك ويوفق الجميع

وش نسوي يخوي أبو عــــزام

الهايلكس الدفرنسين نزلوه قير أوتو بأربع سرعات وأربع سلندرات فقط .. يعني لو خلوه 5 سرعات كان يمكن زان شوي !!

[المحظوظ]

المشاركة الأصلية كتبت بواسطة أبوحمد

وش نسوي يخوي أبو عــــزام

الهايلكس الدفرنسين نزلوه قير أوتو بأربع سرعات وأربع سلندرات فقط .. يعني لو خلوه 5 سرعات كان يمكن زان شوي !!

بسيطة يا ابوحمد ولا تزعل.........اطلب هايلكس دبل و ناقل حركة اتوماتيكي و 6 اسطوانات نفس محرك الفورتشنر VX بعد.........
ولكن من استراليا او جنوب افريقيا لإن هذا النوع متوفر فعلا في هذة البلدان (هذة للمعلومية فقط وحبيت امزح معاك يا ابو حمد والله اتمنى ان تجد طلبك ) تحياتي - المحظوظ

[أبـــو عـــزام]

المشاركة الأصلية كتبت بواسطة أبوحمد

وش نسوي يخوي أبو عــــزام

الهايلكس الدفرنسين نزلوه قير أوتو بأربع سرعات وأربع سلندرات فقط .. يعني لو خلوه 5 سرعات كان يمكن زان شوي !!

أتوقع الهايلكس ليس دفع رباعي مستمر وتستطيع من خلال قير الدبل جعله دفع خلفي إذا ما خاب ظني

ولكن الفورتنشر رباعي مستمر ثقيل جداً على 4 سلندر وخصوصاً إذا كان قير اتوماتيك

الله يوفق الجميع

سلام

[أبوحمد]

المشاركة الأصلية كتبت بواسطة المحظوظ

بسيطة يا ابوحمد ولا تزعل.........اطلب هايلكس دبل و ناقل حركة اتوماتيكي و 6 اسطوانات نفس محرك الفورتشنر VX بعد.........
ولكن من استراليا او جنوب افريقيا لإن هذا النوع متوفر فعلا في هذة البلدان (هذة للمعلومية فقط وحبيت امزح معاك يا ابو حمد والله اتمنى ان تجد طلبك ) تحياتي - المحظوظ

هلا فيك يالمحظوظ

ترى كلامك صحيح وكنت ناوي أستورد واحد من جنوب أفريقيا بس ماردني الا أن الطاره عندهم يمين !!

وترى كل سنه الهايلكس يحظى بإهتمام وكلاء الشرق الاوسط وأكبر دليل أنه نزل هذي السنه بقير أوتو ..

احتمال مع 2010 يتغير الشكل والمحرك ايضا ..

[أبوحمد]

المشاركة الأصلية كتبت بواسطة أبـــو عـــزام

أتوقع الهايلكس ليس دفع رباعي مستمر وتستطيع من خلال قير الدبل جعله دفع خلفي إذا ما خاب ظني

ولكن الفورتنشر رباعي مستمر ثقيل جداً على 4 سلندر وخصوصاً إذا كان قير اتوماتيك

الله يوفق الجميع

سلام

نعم الهايلكس دفع رباعي مؤقت ,, واحتمال يصير خفيف مع القير الاوتو ؟؟

أنا نفسي أجربه .

[أبوسعــد]

ليش ماتركب مكينة فور تشنر 6 سلندر..على الهايلكس يابو أحمد..


اذا تركب ترا شي جميـــل..

[أبوحمد]

المشاركة الأصلية كتبت بواسطة أبوسعــد

ليش ماتركب مكينة فور تشنر 6 سلندر..على الهايلكس يابو أحمد..


اذا تركب ترا شي جميـــل..

هـــــلا فيك أخوي أبو سعد

تراها ماراحت علي وفكرت فيها زين

بس يبي لك تغير القير والظفيره والكمبيوتر ويمكن بعد الدفرنس و.... و..... وكلها وجع راس

يازين الشي لا منه جاء شد بلد ..