[خلاد المدني]

السلام عليكم

باركولي انضممت لكم في نادي ملاك الـ Es 350 واعتبروني تلميذ اتعلم منكم واستفيد

الحمد لله السيارة وصلت امس لكن في كم شغلة حاب اسالكم واستشيركم فيها بعد الشراء خاصة وانا عليمي جدا ومن صغري ماالله اعطاني اهتمام بالسيارات وولوازمها . (تراني شاب 24 سنة مو شايب)

1/ هل تنصحوني بالتضليل و ايش انسب انواع التضليل (الكامل) للسيارة عشان الجي بي اس ما يتأثر مثل الفي كول واخواتها .
2/ هل تنصحون بوضع المادة العازلة اللي هي زي الشمع والله مدري وش يقولون لها المهم انها تحافظ على البوية .
3/ هل في امكانية وضع اكثر من CD في السيارة وتشتغل تلقائي زي بعض السيارات
4/ هل ياتي مع السيارة سي دي الخرائط ام لا وهل من الممكن تعريب الخريطة واللغة صوت وكتابة .

هذا اللي ببالي واي نصيحة لا تبخلوزن علي فيها الله يعطيكم العافية

[شيخ البانوراما]

.

الف مبروك اخوي خلاد المدني

الله يعطيك خيرها ويكفيك شرها انشالله

بالنسبه لأستفساراتك اسمحلي اجاوب عنها بمعلوماتي المحدوده


1/ هل تنصحوني بالتضليل و ايش انسب انواع التضليل (الكامل) للسيارة عشان الجي بي اس ما يتأثر مثل الفي كول واخواتها .

التضليل ضروري خصوصاً عند شمسنا اللي ما تخلي شئ في حاله ولكن انصحك تأخر الموضوع الى آخر الشتا منها تاخذ لك جوله وتسئل عن الانواع الموجوده واسعارها
والآن اغلب محلات التضليل الحراري الكبيره عندهم نوع خاص ما يأثر على الى اشارة الجي بي اس بس لازم انك تطلب الشئ هذا من البدايه.



2/ هل تنصحون بوضع المادة العازلة اللي هي زي الشمع والله مدري وش يقولون لها المهم انها تحافظ على البوية .

على البويه لأ وبتلقى الشباب في المنتدى ما ينصحون فيها ، الا بالعكس يذمون فيها .." مالها فايده" ، "خساره" وانت ماشي ...

بس اللي انصحك فيه هو حمايه وجه السياره لأنه فعلاً ضروريه يعني لو تقدر تركبه بعد ما تطلع من المعرض على طول يكون احسن برضه ،

انا كنت ابأجل الموضوع فتره بس جا في الصدام ضربتين بحصى صغير وكشطوا البويه والماده هذي تمنع مثل هالتشوهات.


3/ هل في امكانية وضع اكثر من CD في السيارة وتشتغل تلقائي زي بعض السيارات

يس يو كان ، بس عشان تدخلها لازم تضغط زر ( لود ) حتى تولع لمبات مدخل السي دي باللون الاخضر وتكرر نفس الحركه حتى السي دي ( او الدي في دي ) السادس


4/ هل ياتي مع السيارة سي دي الخرائط ام لا وهل من الممكن تعريب الخريطة واللغة صوت وكتابة .

يجي مع السياره دي في دي للخرائط شد بلد (المفترض يكون 2007\2008)

اما العربيه في الخرائط غير ممكنه ولكن في التوجيه الصوتي فمن الممكن اختيار اللغه العربيه.

ونصيحتي لك شيك على المنتدي فيه مواضيع اكثر من رائعه وبستفيد منها كثير

واكيد انك مع الوقت بتبدى تظهر لك استفسارات ثانيه وحنا حاضرين.

.

[كرديان]

الف الف مبروك

[خلاد المدني]

جزاك الله خير اخوي

صدق من سماك شيخ البانوراما كفيت ووفيت لكن استحملني عليمي ويبغالي من يطول باله علي

المشاركة الأصلية كتبت بواسطة شيخ البانوراما

.

3/ هل في امكانية وضع اكثر من CD في السيارة وتشتغل تلقائي زي بعض السيارات

يس يو كان ، بس عشان تدخلها لازم تضغط زر ( لود ) حتى تولع لمبات مدخل السي دي باللون الاخضر وتكرر نفس الحركه حتى السي دي ( او الدي في دي ) السادس

.

يعني لما اضغط زر اللود يبلع السي دي والثاني والثالث وهكذا ,, والا يخزنها بميموري خاص؟

واذا باطلع السي دي هل في طريقة والا لا ؟ (كثرت اسالة لكن بما انه جاوبت استحملني هالمرة)

المشاركة الأصلية كتبت بواسطة شيخ البانوراما

.

المشاركة الأصلية كتبت بواسطة شيخ البانوراما

4/ هل ياتي مع السيارة سي دي الخرائط ام لا وهل من الممكن تعريب الخريطة واللغة صوت وكتابة .

يجي مع السياره دي في دي للخرائط شد بلد (المفترض يكون 2007\2008)

اما العربيه في الخرائط غير ممكنه ولكن في التوجيه الصوتي فمن الممكن اختيار اللغه العربيه.

.

عشان لا اظلم الشركة (طبعا اخذتها من عبداللطيف جميل) فين يكون موجود لاني ما لقيت لا دي في دي ولا سيدي فاذا هو محطوط بمكان معين بالسيارة غير الدرج وجهوني لاني راعي مشاكل ولو رحت باخش بعيونهم ويا شين الخشة لكانت غلط

المشاركة الأصلية كتبت بواسطة شيخ البانوراما

.

المشاركة الأصلية كتبت بواسطة شيخ البانوراما

اما العربيه في الخرائط غير ممكنه ولكن في التوجيه الصوتي فمن الممكن اختيار اللغه العربيه.

.

يعني قصدك الاوامر الصوتية اما التوجيه روح يمين ويسار ما يمديني ,, والا انا فاهمك غلط ؟

شكرا لك مرة اخرى

معليش يمكن الاسئة يمدني اعرف جوابها عن طريق الكاتلوج لكن باقراه على رواقة وهالامور مستعجلة شوي

[خلاد المدني]

المشاركة الأصلية كتبت بواسطة كرديان

الف الف مبروك

الله يبارك فيك حبيبي

[شيخ البانوراما]

.

هلا بك اخوي خلاد المدني

ابد ياخوي انت تامر امر وناخذها وحده ..وحده..


يعني لما اضغط زر اللود يبلع السي دي والثاني والثالث وهكذا ,, والا يخزنها بميموري خاص؟

بالضبط بس لازم يعطيك النور الاخضر عند فتحة السي دي وبعد ما تدخل الاول لازم تستنى اللين يدخل وتضغط لود ثانيه وهكذا

...وتكون موجوده في النظام السمعي ولا يسجلها


واذا باطلع السي دي هل في طريقة والا لا ؟ (كثرت اسالة لكن بما انه جاوبت استحملني هالمرة

اكيد ، تختار السي اللي تبي تطلعه من القائمه في الأوديو وبعدين تضغط على زر ايجكت عند فتحة السي دي شيك على الصوره تحت

عشان لا اظلم الشركة (طبعا اخذتها من عبداللطيف جميل) فين يكون موجود لاني ما لقيت لا دي في دي ولا سيدي فاذا هو محطوط بمكان معين بالسيارة غير الدرج وجهوني لاني راعي مشاكل ولو رحت باخش بعيونهم ويا شين الخشة لكانت غلط

فيه طريقه ابشيكها لك بكره تدلك على النسخه الموجوده في النظام بس لازم اطقطق في الشاشه حبتين والرد يكون عندك..


يعني قصدك الاوامر الصوتية اما التوجيه روح يمين ويسار ما يمديني ,, والا انا فاهمك غلط ؟

لا الثنتين تقدر بالعربي ، بس الخرائط نفسها ما فيه الا انجليزي


وابد اخوي في اي وقت انا حاضر

.

[خلاد المدني]

يا شيخ روح الله يفتحها وشك دنيا واخرة

جاوبت وكفيت ووفيت بس في نقطة

المشاركة الأصلية كتبت بواسطة شيخ البانوراما

.

عشان لا اظلم الشركة (طبعا اخذتها من عبداللطيف جميل) فين يكون موجود لاني ما لقيت لا دي في دي ولا سيدي فاذا هو محطوط بمكان معين بالسيارة غير الدرج وجهوني لاني راعي مشاكل ولو رحت باخش بعيونهم ويا شين الخشة لكانت غلط

فيه طريقه ابشيكها لك بكره تدلك على النسخه الموجوده في النظام بس لازم اطقطق في الشاشه حبتين والرد يكون عندك..

.

انا اللي اقصده في اسطوانة للخريطة تجي مع السيارة تبقى عندي والا لا يعني نسخة شخصية لي ؟


وترى الخريطة شغالة تمام وما فيها اي مشاكل الا اذا قصدك اني اقدر اعمل كوبي لبرنامج الخرائط فهذا شي ثاني <*****< صدق اني عليمي بس لكزس تسويها

[جوال نت]

أيضا هناك طريقه لي إدخال أـكثر من سي دي دفعه واحده


وهي إنك تضغط على كلمه load ضغطه مستمره راح يولع معك اللون الاخضر تدخل السي دي الاول وبعدها يولع معك اللون الاخضر تدخل السي دي الثاني وهكذا حتى السي دي السادس من غير ما تضغط كل مره على كلمه Load

ونفس الشي إذا أردت أن تخرج الاسطوانات كلها تضغط كلمه Reject ضغطته مستمره تطلع لك كل الاسطوانات إلى الخارج


معلومه حبيت أضيفها وأعذروني على المداخله

[ابووابراهيم]

الف مبرووك اخوي خلاد على الموتر
والله يعطيك من خيرها ويكفيك شرها

[هشام بن ناصر]

التضليل ضروري خصوصاً عند شمسنا اللي ما تخلي شئ في حاله ولكن انصحك تأخر الموضوع الى آخر الشتا

من الاخطاء الشائعة هي الاعتقاد بان التظليل يحمي داخل السيارة من الحرارة و الصحيح انه هناك اغفال لجانب مهم في الحماية و هي الحماية من الاشعة الحمراء و البنفسجية

فضروري التظليل يكون على قدر عالي من الحماية من الحرارة و من الاشعة, و لا يكون التظليل في الصيف فقط بل الاولى في الشتاء لكثرة ايقاف السيارة تحت اشعة الشمس.

مبارك عليك السيارة و الله يطعمك من خيرها و يكفيك شرها

[خلاد المدني]

جوال نشيط الله يزيدك نشاط ويبارك لك فيه

شكرا على الطريقة الاخرى ولا عدمنا من معلوماتك

:::::::::::::::::::::::::::::::::::::

ابو ابراهيم الله يبارك فيك

::::::::::::::::::::::::::::::::::::

هشام بن ناصر شكرا على المعلومة يا غالي لكن عندي استفسار بسيط

اي الشركات اللي تعتبر رائدة في هذا المجال . ياليت تعطيني خيارات وبدائل

[هشام بن ناصر]

انا مركب زيبارت (صاحبها الاول) لكن رجل اثق فيه مجرب اغلب الشركات نصحني ب سوبر كول

[شيخ البانوراما]

المشاركة الأصلية كتبت بواسطة خلاد المدني

يا شيخ روح الله يفتحها وشك دنيا واخرة

جاوبت وكفيت ووفيت بس في نقطة



انا اللي اقصده في اسطوانة للخريطة تجي مع السيارة تبقى عندي والا لا يعني نسخة شخصية لي ؟


وترى الخريطة شغالة تمام وما فيها اي مشاكل الا اذا قصدك اني اقدر اعمل كوبي لبرنامج الخرائط فهذا شي ثاني <*****< صدق اني عليمي بس لكزس تسويها

.

نعم وموجوده في السياره وتقدر تتعرف على اصدار النسخه اللي عندك من خلال الدخول على منيو وتلقى في زاويه الشاشه فوق على اليمين ايقونه اسمها ماب دي في دي اذا دخلت عليها يقولك الاصدار

انا اللي عندي مكتوب 2008/2007 version 1

اما موقع الدي في دي تلقاه في هذا المكان

بس لازم انك تفك القطعه المؤشر عليها بالاحمر ( واذا اضطريت انك تطلع الدي في دي انتبه وانت تفك هالقطعه لا يجيها خدوش)


اتمنى اني فدتك اخوي خلاد

.

[خلاد المدني]

المشاركة الأصلية كتبت بواسطة هشام بن ناصر

انا مركب زيبارت (صاحبها الاول) لكن رجل اثق فيه مجرب اغلب الشركات نصحني ب سوبر كول

المادة الشمعية وعرفناها باقي تكمل جميلك بالتضليلة وهل اضلل الامامي والخلفي كمان والا اكتفي بالجوانب

الحمد لله بفضلكم يالنشامى خلصنا من كل التساؤلات بس بقي موضوع التضليل النوع وهل اضلل الكل امام وخلفي بعد

[خلاد المدني]

المشاركة الأصلية كتبت بواسطة شيخ البانوراما

.
اتمنى اني فدتك اخوي خلاد
.

انت افدتني وبس ,,, انت كفيت ووفيت وما قصروا الشباب بعد خو الاجابة على تساؤلاتي بنسبة 110%

بس سؤال اخير للاستفادة
الان الخريطة شغالة دايركت من الدي في دي يعني ما اطلعه اخليه بمكانه والا احتفظ فيه بالبيت ؟؟

بارك الله فيكم جميعا