[السبيعي لكزس]

السلام عليكم ورحمه الله وبركاته


طلعت لكزس Es350 2008 وماصار لها معي 3 شهور وانطقت بعين الله لايوفق اللي نظلني


السياره جتها دعمه في الصدام الخلفي وانطعج الصدام وراحت البويه


حكه في الصدام الامامي وطارت البويه



في الكبوت : طقتين من الحصى


داخل الغماره : غماره ؟؟؟! وين يالطيب تكلم عن هايلكس .... المهم داخل السياره انكب شاهي وتوسخ الارضيه وديتها التلميع حاولوا ولا راحت البقعه




السياره سافرت فيها لبنان ومع الطلعات والجبال هناك لاحظت ان عزم السياره طاح بعد مارجعت مو مثل اول



سيارتي ماشيه 11 الف لحد الحين وش الحل يالربع




تنصحوني اصبغ الصدام الامامي كامل ولا مكان الحكه فقط ؟


وبالنسبه للصدام الخلفي وين القى ورشه تسوي شفط في الخبر ولا الدمام ؟ وكم اسعارهم وموقعهم لاهنتوا ؟؟؟


وبالنسبه للبودي هل فيه اي شركه تسوي حمايه للبويه ؟ وهل تنصحوني بالطريقه ام لا ؟



ادري كثرت اسئله عليكم بس انا عند اخواني وربعي ولا راح استحي منكم جعلني ماخلا ولا اعدم





اخوكم المهندس / عبدالله السبيعي

[السبيعي لكزس]

شدعوه 90 مشاهده والردود صفر !!!!

[لكــــزس]

من وجهه نضري ان الي صارلك مب عين..الا سوء استخدام...ما صارلها معاك 3 اشهر وطالع فيها على لبنان!!

ــــــــــــــــــــــــــــــــــــــــــــــــــ ــــــــ
س_تنصحوني اصبغ الصدام الامامي كامل ولا مكان الحكه فقط ؟

اصبغ مكان الحكه فقط.. عشان بالمستقبل اذا جيت تبيعها ما يقولون لك الشريطيه ( سيارتك مصدومه كلها من قدام)
ــــــــــــــــــــــــــــــــــــــــــــــــــ ـــــــ
س_وبالنسبه للصدام الخلفي وين القى ورشه تسوي شفط في الخبر ولا الدمام ؟ وكم اسعارهم وموقعهم لاهنتوا ؟؟؟

بسراحه ما اعرف الورش عندكم.. بس الاسعار تتراوح بين 350 الى 400ريال..

[صالح الرسام]

يارجال الحمد لله على السلامة
ولاتقول عين لا ان شاء الله دفعة بلاء ان شاء الله واليوم 4 سيارات بانوراما 2008 في ورشة وحده وكلهم صدامات رش
واخوي الموضوع عادي جداً ان شاء الله انا صابغ الصدام 4 مرات وانا ارش فيها لكزس 2008 يرش صدامها وفيه 460 صدام خلفي وفيه وفيه والله يكفينا واياكم شر السيارات
الصدامات ماهي مشكلة ابداً وحتى ماتفرق في سعر البيع ولا ريال ولاتعيبها واسألني راعي سوق واعرف
وياليت اعرف ورشة في الشرقية وادلك لكن والله ماعرف الا بالرياض
والحمد لله على السلامة

[كرديان]

اخوي صالح

اي ورشة رشية عندها سيارتك وكيف شغلهم واسعارهم ؟؟؟؟؟؟؟

[السبيعي لكزس]

الله يعطيكم العافيه وماقصرتوا

[صالح الرسام]

اخوي كرديان

(تصويت) أفضل ورشة سمكرة وبوية بالرياض* خاصة حق اللون الصعب( الؤلؤي)(الكل يشاركنا)

[الكاسر ياسر]

احمد ربك على انها جت على كذا

والحمد لله على السلامه

[المتردد]

في ورشه بالخضريه بالدمام اسمها الباحه فيها شفط بس ما ادري بكم

[أبوبدر]

الله يكون بعونك

وانصحك توديها يم شيخ

هع هع

[كلنا لكزس]

فيه ورشة معروفه جدا اسمها الناجم ... ممتازة جدا ... وحسب كلام كثيرين شغلهم أفضل من الوكالة
حتى اذا رحت هناك تلقى سيارات فخمه واجد ..

خط الخبر الدمام السريع