[ضلع]

بسم الله الرحمن الرحيم

شكراً لك أخي على تفضلك وقراءة هذه الموضوع ... الذي اتمنى ان تشارك فيه برأيك


في الحقيقة يا شباب أنا محتار بين اوريون 2007 فل كامل قراندي بدون شاشة ( مستعمله )
أو اشتري اوريون جديدة من الوكالة 2008 تورنق فتحة او حتى بدون فتحه ( جديدة )


والسبب ان فلوسي ما تتعدى 88 ألف


فياليت الشباب اللي جربوا الأوريون .. يقولونه رأيهم ونصيحتهم

هل هناك فروق اساسية وهامة بين السيارتين في الأعلى ؟؟

وشكراً جزيلاًُ لكم

[دقات قلب]

نصيحتي لك ..

خذ لك جديد .. افضل من المستعمل ..

بالنسبة للفروق بين فئة الجراندي والتورينح بسيطة ..

جلد , تشغيل ذكي ونظام البصمة, جنوط 17 , شاشة نافقيشن ودي في دي يشيل سي دي واحد فقط وكاسيت (التورينج يشيل 6 سي دي وبدون كاسيت)

[بلحروووز]

^^^^^^^
^^^^
^^

ما راح ازيد على كلام دقات قلب

و خلك عالجديد افضلك و اضمن

تحياتي

[أوريوون]

صحيح القرآندي طلع وفله وحركآت وفكرة إنك تشتري وحده مستعمله مو شينه

بس رآيي من رآيي الشباب جديد أفضل

على العموم مبرووك مقدمآ وأحسنت الآختيآر

[عاشق المازدا]

المشاركة الأصلية كتبت بواسطة دقات قلب

نصيحتي لك ..

خذ لك جديد .. افضل من المستعمل ..

بالنسبة للفروق بين فئة الجراندي والتورينح بسيطة ..

جلد , تشغيل ذكي ونظام البصمة, جنوط 17 , شاشة نافقيشن ودي في دي يشيل سي دي واحد فقط وكاسيت (التورينج يشيل 6 سي دي وبدون كاسيت)

حرام عليك وين بسيطة

قسم بالله إني ندمان إني ماضغطت على نفسي وأخذت الجراندي

ماأقول إلا الحمدلله على كل شيء

أضيف على مواصفات أخوي دقات قلب:

طبلون الجراندي يختلف اختلاف كلي عن تورينج
المكيف الكتروني منفصل
غسالات أنوار
تخشيبة
4حساسات خلفية

وبصراحة ماأدري ايش أقول لصاحب الموضوع

أنا معاي تورينج وندمان ماأخذت الجراندي
بس كمان الجديد أضمن

شوف تبغى نصيحتي
شوف الجراندي
جرب السيارة وسوقها حاول تدقق فيها هل فيها أصوات غريبة هل فيه شيء غريب في مشيها وتأكد إن كل شيء شغال تمام
إذا كلو تمام خلي راعيها يوريك فواتير الصيانة يعني تأكد إنه محافظ على جدول الصيانة
عشان تتأكد من وجود الضمان وحتى لو طلع شيء في السيارة تقدر تردها لشركة
وبعدين لازم تتأكد بأن السيارة ماجاتها أي صدمة أو رشة

إذا والله شيكت على اللي قلت لك عليه وكان مشيها قليل وسعرها مناسب
توكل على الله وخذ الجراندي

إلا ماقلتلنا بكم حصلت الجراندي؟؟؟ وايش لونها؟؟؟

[البررررق]

والله انصحك بفل كامل 2007 بس ما تكون ماشيه كثير طالما حددت المبلغ اللي معاك

[باد مان]

اخوي روح افحصها بالكمبيوتر وفحص شامل على الشاصي وكل شي واذا اهيا تمام اخذها وتوكل على الله ولا تنسى الاستخاره

[دقات قلب]

هلا بك خي عاشق المازدا ..

والسبب ان فلوسي ما تتعدى 88 ألف
فياليت الشباب اللي جربوا الأوريون .. يقولونه رأيهم ونصيحتهم

اخونا العزيز ... قال انه فلوسة مراح تتعدى 88 الف ..

كم قيمة الجراندي(جديدة) الآن .. اتوقع بـ 99 الف بدون ملاحة

يعني الفرق 11 الف .. تعود للشخص نفسه إذا بإمكانه اضافتها على جديد .. الله يوفقه

هل هناك فروق اساسية وهامة بين السيارتين في الأعلى ؟؟

الفروق الاساسية
ربما .. اكون غلطت بوضع كلمة بسيطة ..
ولكن هذه في تصوري اشوفها بسيطة .
لأنه نفس الماكينة , القير <***** هذه الاساسية في نظري
باقي الأمور مثل البصمة , المكيف الالكتروني... إلخ هذه ربما تعتريها خلل او خلافه
عشان كذا قلت له خذ لك جديد وافضل دام ان فلوسه مراح تتجاوز 88 وهي للتورينج

عموماً .. ان شاء الله نكون قد بينا لأخونا الفروقات ..

وفق الله الجميع لما يحب ويرضى ..

شكراعلى ملاحظتك اخي عاشق المازدا .. دمت بود .




صاحب الموضوع إليك هذا الرابط ..
.*. تقرير مدعم بالصور عن الاوريون .*.

.*. تقرير مدعم بالصور عن الاوريون .*.

[الاوريون الحلوه]

ماشالله الشباب ماخلو شي كفوو ووفو كالعاده

بس ناقصنا معلومات اخوي

كم ماشيه الاوريون 2007
ووش لونها
وهل هي نظيفه

وحاول تزيد 11 الف وخذ جديد فل بدون شاشه
واذا ما قدرت تزيد عاد نرجع ل 2007
ترا الفل حلوه مره وفخمه

[الفدع]

[quote=دقات قلب][color="DarkGreen"][b]هلا بك خي عاشق المازدا ..



اخونا العزيز ... قال انه فلوسة مراح تتعدى 88 الف ..

كم قيمة الجراندي(جديدة) الآن .. اتوقع بـ 99 الف بدون ملاحة

يعني الفرق 11 الف .. تعود للشخص نفسه إذا بإمكانه اضافتها على جديد .. الله يوفقه
^^^^^^
هو ذكر أنها جراندي مستعملة مهي جديدة !!!1
كلامك أخوي عاشق المازدا صحيح 100% وأجمل رد في الموضوع ,,, فرق غير بسيط واذا حصلت جراندي 2007 مستعملة لا تفوتها خاصة بعد الفحص وان يكون ممشاها قليل

[quote]

[عاشق العنبرى]

والله ياخوى اذا الجراندى نظيفه اخذ الجراندى اسن لك والفروقات كثيره بين التورينج والجراندى واعتقد الشباب ما قصرو واذكروها لك
انا عن نفسى اذا الجراندى نظيف وموماشى كثير ولا فيه مشاكل راح اخذ الجراندى بدون اى تفكير وهاذى وجهت نظرى
انت استخير وشوف الى يصلحلك ولا تحمل نفسك مبلغ كبير فى النهايه كلها سياره جراندى ولا تورينج
مبروك مقدمن والله يعطيك خيرها ويكفيك شرها
تقبل سلامى اخوى الكريم

[ضلع]

مشكووووووووووورين يا حبابيب قلبي الغالين

على تفاعلكم ومشاركاتكم في الموضوع


ما قصرتوا وكلن افادنا الله يجزاه خير


والأختيار راح يكون على .... خلوها مفاجأة الله يسهل الأمور

[العتيبي عبووود]

2007 و 2008 ما فرق عنهم شي

خذ الفلل كامل وانت مرتاح

بس شرط تكووون انها نظييفه وانت افحصها وشوف

[جاسم اوريون]

صحيح كلام اخوي دقات قلب

[اوريون_وبس]

اخذ 2007 وذا لقيت مستعمل نظيف لايطوفك

السياره مانزلت الا من موديل 2007 يعني اكيد حتى المستعمل جديد

........