[اوريون الرياض]

السلام عليكم ورحمة الله وبركاتة :


احبائي الافاضل تحية طيبة ابارك لكم الامطار الغزيرة في مناطق المملكة جعلها الله سقيا رحمة اما بالنسبة للامطار في الرياض فلم تتوقف ترى ماجانا شي الله يخلف كلها رش بسيط وروح وبرد يفقع السبد



المهم

سؤالي هام للجميع


ماهي مدة تسخين السيارة في وقت الشتاء انا بصراحة كعادتي يومياً 5 دقائق وبعدها احرك لاني دايم اتاخر عن الدوام ولو فيه وقت ماقتنع الا ب10 دقايق عطوني نصيحتكم بناء على خبرة او صحة معلومة .


اخوكم ومحبكم /
اوريون الرياض

[بلحروووز]

امس عندنا ببريدة سالب اربعة و شغلت السيارة و حميت ب 10 دقايق

يعني اهم شي خلي المؤشر يطلع فوق اول خط ابيض

تحياتي

[المستشار بارود]

هلا اخوي

على طاري البرد امس وصلت درجة الحراره بالرياض -3 الساعه 3 تقريبا

نرجع لموضوعنا التحميه مالها وقت محدد

إذا شغلت السياره في حق الحراره بمجرد ياصل الخط لحرف ال c يعني على اول خط توكل على الله

تحياتي

[اوريون الرياض]

المشاركة الأصلية كتبت بواسطة الاميرة اوريون

امس عندنا ببريدة سالب اربعة و شغلت السيارة و حميت ب 10 دقايق

يعني اهم شي خلي المؤشر يطلع فوق اول خط ابيض

تحياتي

مشاء الله تبارك الله اشوف الصورة 4- بس ماترتفع بصراحة الا اذا حركت ترتفع على العموم مشكور واتوقع لو اقعد 10 دقايق تاخرت عن الدوام كفاية كل يوم ساعة وش علاج النوم

[اوريون الرياض]

المشاركة الأصلية كتبت بواسطة المستشار بارود

هلا اخوي

على طاري البرد امس وصلت درجة الحراره بالرياض -3 الساعه 3 تقريبا

نرجع لموضوعنا التحميه مالها وقت محدد

إذا شغلت السياره في حق الحراره بمجرد ياصل الخط لحرف ال c يعني على اول خط توكل على الله

تحياتي

اجل بنطبق كلامكم وعلى فكرة مشاء الله شكل واسطتك جامده او تعرف عبداللطيف جميل
اوريون معك

موديل 2000

[عاشق الكمر]

حياك الله يالغالي

السيارة مالها زمن محدد حتى تسخن

متى ما شفت مؤشر حرارة السيارة ارتفع إلى الربع أعرف أن السيارة سخنت

و مع هذه الأجواء الباردة جداً تقريباً تحتاج التسخين لوقت يتراوح مابين عشر دقائق و ربع ساعة

تقبل مروري المتواضع

[دقات قلب]

على حسب الشخص

ناس مهتمين مرة ويسخنوها 10 - 15 دقيقة

وناس شغل وانتظر دقيقتان ثم ابدء بالتحرك ولكن لا يزيد الضغط على 2 حتى يتحرك مؤشر الحرارة

[اوريون الرياض]

اشكركم جميعاً ومثل ماقال دقات قلب بنتظر المؤشر وانتهينا شاكر لكم

[طيار ومهندس]

مرحبا ،،،،

الصراحة أنا ساعات ما أنتظر ولا دقيقة علشان ما أتأخر ،،،،،،،،،،،،،،،،،،،،

الصراحة أنا أتعجب من الغش في البلاد العربية ،،،،،،

والله تروح بعض الدول إلي تطيح فيها الأمطار 24 ساعة وماشاء الله لا مياه تتجمع و لا شيء .

الحمد لله واللهم يجعلها أمطار خير وبركة ...

[شيخ البانوراما]

.

ببساطه اذا نزل عداد المكينه عن 1

اما السيارات اللي ما فيها عداد مكينه يعطيها الواحد خمس دقايق ويتأكد ان صوت المكينه صار اهدء ويقول بسم الله ويحرك

والله اعلم

.

[اوريون الشرقية]

حرام علي ماصخن السيارة ابدا حتى في الشتى انتظر دقيقة وامشي.....الله يعين سيارتي

[يـزيـد]

والله انا خمس دقايق بس شتى ولا صيف الله يستر على السياره بس

[العتيبي عبووود]

انا ما ارتااح الي لما اوصل 15 دقيقه ..

ومراتت اعطي الخدااامه المفتاح وتروح تشغلها لي < < طبعا اكون نايم

[عاشق العنبرى]

والله انا اخليها ربع ساعه اشغلها قبل لا البس هدوم الدوام واشرب شاى وسيجاره بعدين اتوكل على الله

[عبادي أوريون]

انا متعود ع هاليكس لحوالي 10 سنوات ... من جد الله يعين الأوريون عليه ههههههههههه


خايف عليها من جد بسبب سواقتي ومعاملتي


شغل وحرك وحتى الدقيقه يمكن ماتكمل .. بس احاول اغير عاداتي بعد السياره الجديده ماتوصل الأسبوع الجاي ان شاء الله

[الــمــجــروووح]

موشرط الوقت اهم شي العداد يتعدى الخط الابيض وحط رجلك لو نص دقيقه او عشر دقايق ميهم