[مخاوي لكزس]

بسم الله الرحمن الرحيم

بغيت اعرف اللي عنده علم يعلمنا كم توزيع العجلات يعني مثلا السوبارو (ليجاسي) توزيع عجلاتها 50/50امامي وخلفي بواقع %25 لكل عجله فاللي يعرف لا يبخل علينا

[مخاوي لكزس]

شباب وش دعوه المشاهدات 22 ولا احد يعرف كم؟؟؟

[هاروك]

اليجاسي يالغالي نظام دفعها / رباعي مستمر ، أما اللكزس is فنظام الدفع مختلف وهو دفع خلفي ( يعني يعتمد في الدفع على العجلات الخلفية فقط) وليست مثل الليجاسي جميع العجلات

[حسونه]

اللكزس الـ is
دفع خلفي فقط

[طالب جامعي]

^^^^^^
الis300 المتواجدة لدنيا هي بنظام الدفع الخلفي ولايوجد لدنيا is بنظام الدفع الرباعي ......

أما الis350 فهي تأتي بنوعين من الدفع إما خلفي أو رباعي (بصراحة لاأعرف نسبة توزيع الدفع في الرباعي )

الis250 في تأتي بمحرك ذو ستة أسطوانات بسعة 2.5 لتر وبدفع رباعي (أيضا لا علم لي بنسية توزيع الدفع )


وشكراً ......

[مخاوي لكزس]

مشكورين وما قصرتوا والله خبر محزن وانا كنت اراهن على قوتها مع اللجياسي خساااره ليه بس كذا اشين السيارات تجينا

[طالب جامعي]

^^^^
أخوي كيف حكمت عليها أنها أضعف من اليجاسي ؟؟؟؟

بس عشان اليجاسي دفع رباعي والis300 دفع خلفي ؟؟

اليجاسي تملك محرك ذو سته أسطوانات بسعة 3000cc

is تملك محرك ذو سته أسطوانات وأيضا بسعة 3000cc

تقربيا القوة متقاربة جدا ولكن الدفع الخلفي ستكون له الغلبة في الأجواء المعتدلة (الجافة) والدفع الرباعي ستكون له الغلبة في الأجواء الماطرة

الظروف المناخية هي التى سوف تحدد من الأقوى منهما (أقوى = أسرع)

[مخاوي لكزس]

طيب كم تسارع اللكزس بالضبط على فكره انا مع الاي اس لو انها الاضعف بس ابي اعرف لان راعي الليجاسي يتحداني

[ليكزي]

المشاركة الأصلية كتبت بواسطة مخاوي لكزس

طيب كم تسارع اللكزس بالضبط على فكره انا مع الاي اس لو انها الاضعف بس ابي اعرف لان راعي الليجاسي يتحداني

هذه مسألة اختلف فيها العلماء والمفسرين
هناك أكثر من تسارع (رقمي) لـ IS300 ، انا سأذكرها لك مع (المصدر) ..
لان للأسف، أغلب المواقع العالمية تذكر تسارع IS350 بمحرك سعة 3.5 ليتر (التي تنتج عالميا) ..
طبعا حنا يالخليج (يعتبرونا) مو جزء من هالعالم اوهالكرة الأرضية ..

- تسارع لكزس IS300 من 0 إلى 100كم / ساعة خلال 6.9 ثانية
(موقع autozine.org)
ملاحظة: التسارع تابع لـ GS300 ، لكنه نفس محرك IS300 (ربما الـ IS أقل بقليل لانها اخف وزنا) .. وعدد الأحصنة المشار اليها في الموقع هو 245. واعتقد بانها عدد (الأحصنة الإجمالية) في السيارة، بينما 228 حصان هو عدد (الأحصنة الصافية) ..

- تسارع لكزس IS300 من 0 إلى 100كم / ساعة خلال 7.7 ثانية
(مجلة بي سي العربية)

- تسارع لكزس IS300 من 0 إلى 100كم / ساعة خلال 8.4 ثانية
(جريدة الرياض السعودية)

وصلة مفيدة:-
كم هو أعلى تسارع حققته في لكزس Is300 ?!

و في الحقيقة، هذه الأرقام، اقل ولا تقارن بأرقام السيارات الأقل (سعرا) منها كـ أوريون وأفالون من ناحية (التسارع) ، مما يعني ان IS300 لاتعدوا كونها (سيارة صغيرة فخمة + اقتصادية في البنزين تقريبا) .. لذا، ضع هذا في بالك .. لكن هي أفضل منهم كـ تجهيزات تقنية و جودة + (الدفع الخلفي) & ثبات + الإسم ! ..

باختصار، لا تقول ان راح اشتري IS علشان اسابق واقاوم فيها .. بالعكس، خليك رايق وامشي باحترام ..
اما اذا كانت السرعة تفكيرك، فانا لا انصحك بـ IS300 .. لان الـ IS بعيدة (بأرقامها) عن هذا المجال و لن ترضي شففك !..

وبيبي وبينك، يا رجال اشلك بالسرعة، صدقني ماوراها خير وانا خوك ..

اتمنى باني افدتك ..

تحياتي
ليكزي

[مخاوي لكزس]

اخوي لكيزي مشكور وما قصرت كفيت و وفيت لاكن الكلام الاكيد من اللي جرب السياره لان 8,4 بطه مو سياره رياضيه مشكور مره اخرى