[فيصل]

السلام عليكم ورحمة الله وبركاته



يا شباب انا كاتب في قسم الافالون موضوع استفسار عن الافالون اكس ال وفي اعضاء كثر نصحوني بالاوريون

ورحت الوكاله علشان اطلعها بس قال بعد شهر تجي الدفعه


وصراحتا فكرت في الاوريون كثير وعندي استفسارات


اولا السياره هي اوريون قراندي لان في واحد من الاعضاء قال في محل في الدمام اضن اسمه شهار او اسم كذا يقول تقدر تركب شاشه بـ 3500


فسألي هو الشاشه الي بركبها نفس شاشة الوكاله تشغل الملاحه ؟


وكيف فخامتها لاني صراحتا من داخل ما عجبتني كأنها كامري


وايضا ابي اسألكم هل فيها aux

وهل الجلد فيه تسخين لان مع البرد الجلد يصير لا تعليق من جد يصير نكبه


وهل هي هاديه في الخط وهل فيها صوت هواء عند 120 ؟


وكيف قوتها اقصد في القومه


وسؤال اخير هل داخليتها كذا :



في التحكم بالتكييف


انا اسف على الازعاج يا اخوان بس ابي اتأكد من السياره هل تستاهل سعرها او لا

[بلحروووز]

اولا السياره هي اوريون قراندي لان في واحد من الاعضاء قال في محل في الدمام اضن اسمه شهار او اسم كذا يقول تقدر تركب شاشه بـ 3500

فسألي هو الشاشه الي بركبها نفس شاشة الوكاله تشغل الملاحه ؟
بالنسبة للشاشة اجمل من شاشة الوكالة وراكبة عالديكور و راح تلقى نفس الشاشة بالوكالة ..لكن لا ادري عن الافضل


وكيف فخامتها لاني صراحتا من داخل ما عجبتني كأنها كامري
العكس من الداخل حلو بكثير لانو فيها شغلات تفرق عن الكامري مثل الشاشة و الطبلون و زر التشغيل و المكيف الالكتروني جلد .... الخ

وايضا ابي اسألكم هل فيها aux
لا ما فيها
وهل الجلد فيه تسخين لان مع البرد الجلد يصير لا تعليق من جد يصير نكبه
للاسف لا

وهل هي هاديه في الخط وهل فيها صوت هواء عند 120 ؟
جدا هادية و ما تسمع صوت الماكينة اما صوت الهواء هو نفس الصوت في جميع سيارات تويوتا بلا استثناء شبه مزعج

وكيف قوتها اقصد في القومه
ماشاء الله قومتها ممتازة و ما عليها كلام .... لكن ايش تبغى في القومة الصراحة تعتبر ضرر للمحرك مع الزمن


انا اسف على الازعاج يا اخوان بس ابي اتأكد من السياره هل تستاهل سعرها او لا
لا عادي احنا بالخدمة باي وقت .... و الصراحة تستاهل و بقوة

لكن انا اسألك هل الافالون اكس ال تستاهل سعرها بوجود الاوريون الجراندي

وبالنسبة للداخلية فهذه داخلية التورينج و ليس الجراندي و فيها اختلاف كبير من حيث وجود تخشيبة و مكيف الكتروني و طبلون زينون عكس ما هو موجود بالصورة

تحياتي

[دقات قلب]

^

يعطيك العافية .. ورايتك بيضاء

[العتيبي عبووود]

والله السياره تستاهل ..

اذا تبي تاخذ السياره يعني تبيها منظر من برا خذ اوريون .

واذا من داااخل خذ افالون لانه صرااحه الافالون شي من دااخل

[يـزيـد]

اول شي حياك الله اخوي فيصل ومنور المنتدى والله يوفقك بالسياره الي تاخذ ويجعلها ناصية خير عليك انشاءالله
وبالنسبه للسياره والله انا انصحك بالاوريون اول شي شوف الفروق الي بينها وبين الافلون xl الاوريون تشغيل ذكي الافلون تشغيل عادي الاوريون زينون وكاشفات ضباب وستاره الكترونيه وجلد وكرسي السواق والراكب الكتروني وغسيل الانوار الكتروني وهذي كله مهب في الافلون جنوط 17 الاوريون الافلون 16 الافلون بدون تخشبه يعني مافيه فخامه على مية الف اخوي تاخذ لك اوريون 98350 من المعارض وتركب شاشه من مهام الجزيره 3900 فيه نفقيشن وusb ومخرج ذاكره وبلوتوث وكمره تركب عليها تصير لكزس مشاءالله ومن ناحية القوه هي اقوى من الافلون ومشاءالله السياره راسيه بالخط ماعليها كلام ومن ناحية التنسيم نفس الافلون وعندك الحساسات حساسين امامين واربع خلفيات ويطلع لك بالشاشه اي حساس يعمل
وهذي صورة الشاشه راكبه



هذا الرشاش الي يغسل الانوار



وهذا الداخلي بس بدون التخشيب الي على الطاره وبدون الشاشه



وهذا الداخلي من قريب بس بدون الشاشه لان الي بشاشه تجي 110 ولاحصلت صوره لمسجلها



واتمنى اني افدتك ولا طولت عليك

[جاسم اوريون]

والله حلوه وتستاهل السياره خوش سياره قويه

[فيصل]

اشكر الاعضاء الي ردو علي والله يعطيكم العافيه يا اخوان وخاصتا الاميره اوريون

والله مدري اش اقول لك وانا اخوك الافالون تستاهل سعرها لانها فخمه من داخل اكثر من الاوريون القراندي بس انا ابي اسألك اخوي يزيد شوية الاسأله وأحكم


اخوي يزيد ارجوك ابي رد

الصوره هذي :




هل هي من مهام الجزيره ؟ او هذي الاصليه حقت تايوتا

وايضا سؤال اذا بركب شاشه هل تأثر على الضمان

وسؤال اشوف الشاشه فيها ارقام كيف تضغطها علشان تكلم ( لا تكون شاشه حقت لمس بعد ياشيخ تطلع لكزس )

واين هذا المحل اول مره اسمع فيه مع اني ساكن في الدمام

تكفا ابي جواب لان من جد اعجبتني الشاشه


واحتمال اطلع اوريون بدل الافالون

[يـزيـد]

حياك الله اخوي فيصل وبالنسبه لا أسئلتك اتمنى ان تكون الاجوبه كافيه
هل هي من مهام الجزيره ؟ او هذي الاصليه حقت تايوتا
موجوده بمهام الجزيره وعند الوكاله نفسها بس بالوكاله غاليه بخمس الاف مع الخصم والفرق بينهم ان الي عند مهام الجزيره عليه ضمان صيانه فقط والي عند الوكاله مع القطع الضاهر
وايضا سؤال اذا بركب شاشه هل تأثر على الضمان
لا مأتأثر لا انها تركب بدون تقطيع اسلاك وبدون شي وانا سال الوكاله بنفسي قال مايلتغي
وسؤال اشوف الشاشه فيها ارقام كيف تضغطها علشان تكلم ( لا تكون شاشه حقت لمس بعد ياشيخ تطلع لكزس )
نعم عن طريق اللمس وشوف القلم حقها فوق مكتوب جنبها openوتقدر برضو من دون قلم يعني باليد
واين هذا المحل اول مره اسمع فيه مع اني ساكن في الدمام
عندكم بالخبر المحل واذا تبغى رقمه اعطيك اياه اذا ما أمسح من عندي وفيه برضو بالغرابي بالرياض 3500 بس مادري اذا نفس الشكل ولا لا لانه مهب انا الي شايفها
تكفا ابي جواب لان من جد اعجبتني الشاشه


واحتمال اطلع اوريون بدل الافالون
الله يوفقك بالي تختار واتمنى اني اكون افدتك واذا بغيت اي شي امر اذا ماجوبتك انا ماراح يقصرون معك الشباب

[البررررق]

والله كفيتوا ووفيتوا يا ياشباب و(الاميره اوريون) ما ساب لنا شى نقوله
تحياتي

[فيصل]

هلا اخوي يزيد ... عندي سؤال انت عندك افالون او اوريون لانك كاتب في المعلومات الشخصيه افالون


اذا عندك اوريون انت من وين ركبت الشاشه من المحل الي في الخبر او الرياض ؟


وهل تتوقع ان فخامة الاوريون مثل فخامة الافالون ؟


معليش على الازعاج ياغالي

[يـزيـد]

حياك الله اخوي فيصل ولا في ازعاج ولا شي بالعكس وبالنسبه للمعلومات المعرف حق اخوي وكان معه افالون وانا معي اوريون 2008 قراند ولسا ماركبت الشاشه بس سأل عنها واخذ معلومات ومن ناحية الفخامه الافلون الي كانت معنا ليمتيد ولاتقارن بالاوريون من ناحية الفخامه الداخليه الافلون احلى بكثير بس انت الي تبي تاخذ Xl ولافيها فخامه زي الاليمتيد الي ميز اليمتيد كأنها لكزس من الداخل فاذا راحت عليك كل المميزات الي باليمتيد التشغيل الذكي والمكيف بالمراتب والجلد والفتحه والتخشبه والستاره الخلفيه والزنون وش بقي اخوي بينما تاخذ اوريون بنفس سعر Xl وفيها تشغيل ذكي وفتحه وزينون وستاره خلفيه يعني فيها من مميزات الافلون كثير الفرق بس الافلون فيها تكيف مراتب وهذا رقم جوال مندوب مهام الجزيره ابوسام0504984809 يخبرك وين محله وش موصفات الشاشه وطريقة التركيب انا سألته يقول بس ثلاث افياش تشبكها واي شي تبغى انا بخدمتك اخوي فيصل

[عاشـــق اللاند]

الاوريون سعرها مناسب على عكس الافالون سعرها غالي وبالنسبه للشاشه ناس واجد ركبوها من هالمنتدى ويمدحونها وفيها تلفزيون وديفي دي وسيدي وفيها جيبي اس ومواصفاتها روعه ماشالله

[اوريون ي ي س]

يعطيك العافية اخوي يزيد وانا رحت الشركة تويوتا وقالي حق الاكسسوارات تكلف 5300 ومع تركيب الكاميرا + 1700 = 7000 مع الكاميرا

بس ما ادري هي فيها شاشة ارقام زي اللي في الصورة

ولا لا

[الحـ(درب)ـب]

شوف يافصيل ياعزيزي

الأفالون الأكسل عاديه مقارنه بالأوريون الجراندي
بس تبقى بوجهة نظري الافالون أحلى اذا كنت عائلي
وإذا كنت شبابي تبقى الأوريون انسب لك بوجهة نظري

وتقبل مروري

أحد ملاك الأفالون العملاقة

[بلو جراندي]

بما أنك تريد سيارة عائلية، خذلك أفالون...وهذي بعض الميزات اللي تمتاز بها الأفالون على الأوريون عندنا في مسقط... أفالون فيها 7 أكياس هوائية أما الأوريون جراندي بدون شاشة فيها بس 2 أكياس هوائية... أفالون فيها 12 سماعة مع نظام Jbl أما أوريون فيها 6 سماعات عادية... أفالون بعد فيها زينون و رنجات 17 إنش و 4 حساسات خلفية... أفالون فيها كاسيت أما الأوريون جراندي بدون شاشة ما فيها... أفالون فيها أزرار للمكيف على المقود الأوريون ما فيها... الأفالون أوسع... مسند الظهر للمقاعد الخلفية قابل للتعديل في الافالون و هذا الشي ما موجود في الأوريون... شاشة الأفالون وايد متطورة، تعطيك وايد معلومات... على سبيل المثال، لمن تكون درجة الحرارة 3 أو أقل، الشاشة تعطيك تنبيه أن في احتمال وجود ثلج في الطريق... و هذا بس مثال واحد من المعلومات الكثيرة اللي شاشة الأفالون ممكن تخبرك... و الافالون هادية وايد في الخطوط... ما تسمع لا هواء و لا محرك... و الافالون تعتبر أعلى سيارة صالون في تويوتا و معروفة أنها ما فيها مشاكل... نحن عندنا في مسقط الأفالون منتشرة أكثر من الأوريون بوايد بوايد... يعني ما في مقارنة بين انتشار الأفالون و الأوريون... و الأوريون في الأساس هي عبارة عن كامري 6 سلندر و اعتقد أنت قرأت في المنتدى أن الكامري 6 سلندر لا ينصح بشرائها... أنا أشوف الافالون أكثر مضمونة... يعني ما بتطلعك مشاكل إلا بعد فترة طويلة... أما الأوريون فممكن تطلعلك مشاكل أكثر و أسرع من الأفالون... و مرة ثانية أذكرك، افالون فيها 7 أكياس هوائية، و بما أنك تريد سيارة عائلية فأنت تحتاج عدد كبير من الأكياس الهوائية عشن إذا صار حادث لا سمح الله محد يتعور من أهلك... أما الأوريون بدون شاشة بس فيها 2 أكياس هوائية... يعني أي حادث من جانب السيارة لا سمح الله بيسبب أصابات خطيرة...