سيدي النفيقيشن للكزس 2004 -2006 وارد امريكا خريطة الخليج

سو ميت · 01-18-2008, 08:10 PM

السلام عليكم ورحمة الله وبركاته

سيدي خرايط الخليج للكزس وارد امريكا موديل 2004 الى موديل 2006

- تشغيل جميع الوظائف الخاصة بالنفقيشن باستثناء الناطق باللغه العربية كون بوكس النفيقيشن مخصص لامريكي
التوجية باللغة الانجليزية.
- خارطة دول مجلس التعاون لسنة 2007 كاملة.
- قياس المسافات بالكيلومتر مع الامكانية التغيير للميل

سعر السيدي 1000 درهم

للطلب او الاستفسار الاتصال على
محلي 0507733369
دولي 00971507733369

بعض صورة النظام شغال على نفس السيدي

نديم الطيف · 01-19-2008, 04:24 PM

غالي 1000 درهم بارك الله فيك

نزل السعر شوي لعلي اشتري منك

سو ميت · 01-20-2008, 03:16 PM

يانديم الطيف انت الغالي ياخوي

ياخي السعر عادل لاني انا الى مشتغل على السكربتات وتعبت لين ما عدلتهن عشان يشتغلن على البوكس الامريكي الى هو مخصص لامريكا مش اي دولة ثانيه.

بعدين انت لو بتحاول تشغل البوكس ماراح يشتغل عندك يعني لازم تغيير البوكس ببوكس خليجي او انك تاخذ السيدي الى عندي.

يعطيك العافيه والله يرزقك الرزق الحلال.

بدر المانع · 01-20-2008, 10:34 PM

ياجماعة الخير انا اقول السيدي يستاهل اكثر من الف بصراحه لان انا واحد غيرت بوكس النفيقشن كله عشان سي دي والبوكس قيمته 2500 درهم ومستعمل وبدون ضمان وبعد مايشتغل الصوت والف درهم عند ولد البلد ولا 500 درهم عند الغريب والاجنبي

سو ميت · 01-21-2008, 08:53 AM

هلا اخوي بدر مبروك عليك تشغيل النفقيشن. بس ابغي منك خدمة اذا ممكن نسخة من السيدي الياباني الى عندك بحاول ابرمجه واذا ضبط اول نسخة لك بدون مقابل عشان تشغلها على البوكس الياباني الى عندك.

ويعطيك العافيه واعتز بمعرفتك

سو ميت · 01-21-2008, 04:26 PM

اعذروني ياجماعه لاني ما اقدر ارد على اي رسائل لين مايوصل رصيدي من المشاركات 50 مشاركة

يمكن مرسالتي على بريد الاميل

تحياتي

بدر المانع · 01-21-2008, 11:31 PM

ابشر بسعدك اخوي سول ميت وانا راح اجي هالاسبوع الامارات وبتصل فيك ان شاء الله وبعطيك السيدي بكبره وان الله شباب السعوديه اللي يبي شي منك اعتبره عندي والله يرزقك ..يعجبني فيك انك انسان عملي وجاد واتوقع انك تسوي اشياء محد بيسويها

مرتاح البال · 01-22-2008, 04:52 AM

يعطيك العافيه أخوي سو ميت عالمبادره الطيبه
والله انا لو ماني مركب من قبل كان رخذت نسخه من عندك لا وركبته بـــ3000 درهم بس يالله الله كريم
ومشكووور يا أخ بدر المانع عالروح المعنويه وتستاهلون كل خير يا أخوانا السعوديين

دمتم برعاية الله

سو ميت · 01-26-2008, 08:49 AM

للرفع للرفع للرفع

مياس الأعطاب · 01-26-2008, 10:17 PM

السلام عليكم

ياغالي انا بالرياض وأبي السيدي ..؟
ممكن تقولي طريقة عشان أشتريه منك .؟
سيارتي أمريكية 430 موديل 2005
انا جاي الخبر إن شاء الله بعد 3 أسابيع ، فهل ممكن اقابلك بالخبر أو بالبحرين أو بالدمام ؟
أو ممكن الأخ بدر يتكرم ويساعدنا ربي يوفقه .

بدر المانع · 01-26-2008, 11:59 PM

اخوي مياس اعتبر السيدي وصل عندك من غير تقديم على الله انا هالاسبوع رايح الامارات وراح اجيبه لك من اخونا سوميت ..ابشر بسعدك ومايحتاج تجي للشرقيه يوصلك للرياض ومن غير شحن الربع مايقصرون ...بس عندي سؤال لك اخوي مختلف هل انت دارس برا على نظام الملك للبعثات ومبروك التخرج؟

مياس الأعطاب · 01-27-2008, 12:40 AM

للأسف مالحقنا على البعثات الله يوفق الطلبة كلهم وكل اللي يبون يدرسون .
انا رايح أكثر من دورة لغوية وفي مجال عملي .

الله يوفقك ويحفظك

سو ميت · 01-27-2008, 11:04 AM

اقتباس:

المشاركة الأصلية كتبت بواسطة مياس الأعطاب

السلام عليكم

ياغالي انا بالرياض وأبي السيدي ..؟
ممكن تقولي طريقة عشان أشتريه منك .؟
سيارتي أمريكية 430 موديل 2005
انا جاي الخبر إن شاء الله بعد 3 أسابيع ، فهل ممكن اقابلك بالخبر أو بالبحرين أو بالدمام ؟
أو ممكن الأخ بدر يتكرم ويساعدنا ربي يوفقه .

اذا تبغي ممكن ارسله لك عن طريق الارامكس الشحن يكلف 100 درهم

للتفاصيل اتصل علي 00971507733369

ويعطيك العافيه يا بدر على المجهود الطيب.

تحياتي

مياس الأعطاب · 01-27-2008, 03:30 PM

الأخ سوميت أبتصل عليك إن شاء الله أو أنسق مع الأخ بدر .

بس خلني أخلص من المشكلة الكبيرة اللي في السيارة دعووواتك .

سو ميت · 01-28-2008, 05:03 PM

اقتباس:

المشاركة الأصلية كتبت بواسطة مياس الأعطاب

الأخ سوميت أبتصل عليك إن شاء الله أو أنسق مع الأخ بدر .

بس خلني أخلص من المشكلة الكبيرة اللي في السيارة دعووواتك .

الله يوفقك وحاضرين لاي مساعده

مياس الأعطاب · 01-29-2008, 09:10 PM

أخ بدر ياليت تظيفني على الإيميل
حاولت ارسلك رسالة خاصة لكنها غير مفعلة لدي .!

أو ترسلي رقم أتصل عليك لاهنت

أجمل تحية

سو ميت · 02-17-2008, 05:49 PM

للرفع للرفع للرفع