[ابوعبادي]

سعد الله اوقاتكم جميعا انا بصراحه اول مره اشارك معاكم ويسعدني تفاعلكم مع المواضيع وتبادل الخبره والمعلومات وتقديم المساعده لبعضنا البعض

انا عندي سياره لكزس ls 400 موديل 93 صناعه الماني والمشكله عندي انو ماقدرت احصل عداد السرعه لاقطع غيار عند الوكيل ولا تشليح بعد ومتوهق لي ثلاث شهور ادور عليه المشكله انو خلاص انتهى مايتصلح نهائيا ملعوب فيه من ها الكهربائيين الله يسامحهم
ارجو المساعده يا اخوان كيف اقدر احصل عليه حتى لو استورده من المانيا

مواصفاته انو السرعه 280 كم في الساعه
عداد الكيلومترات كهربائي يعني شاشة ارقام الكترونيه
طبعا يختلف نهائيا عن عداد السعودي والامريكي


واي معلومه ممكن تفيد قولولي اكتبها حتى لو كان اسمي هههههه

ارجو المساعده من اهل الخبره تكفون يالربع والله يجزاكم كل خير

[الغامدي بوغلا]

الله يعينك اذمالقيك في التشليح لاتدور قطع الماني معدوم في السعوديه

[مجاريح]

هلا أخوي
ليش ما تأخذ رقم القطعة وتكنبها في أحد محركات البحث ( googel ) مثلاً وإنشاء الله تطلع بنتيجة
والله يوفقك وتلقاها
تحياتي .....

[ابوعبادي]

الغامدي ابوغلا شكرا على الرد والمواساه ونا فعلا مالقيتها بالتشليح

اخوي مجاريح فعلا اشكرك مافكرت بالحركه بس فكره رائعه على الاقل تعطي شوية امل نجرب ويارب
الحقيقه انا قلت يمكن ربك احد من هالخبراء يكون عنده شي احد محصل والا يعرف مكان به شي

على كلا اشكركم من كل قلبي والله على تفاعلكم بالرد
ويمكن نحصل احد يجيب الغايبه

شكرا شكرا شكرا