[تميمي وافتخر]

السلام عليكم ورحمة الله
وشلونكم يا الغالين وشلون المزيونة معكم

احترت يا شباب في عدة اشياء صارت بالسيارة هل الضمان يشملها او يخلف الله
اولا : واتوقع انها عامة وهي مشكلة كفرات التويو عندي بدت تتقطع الاطراف والزوائد شف الصورة ولا تقول كفر وانيت 76 معقول يكون سوء استخدام والسيارة ما تمت 8 شهور !!
]


ثانيا : لاحظت في موضوع سابق الكثير يشتكون من علبة المساحات انها انخرقت ووهذا الي حصل لي ماء المساحات مباشرة يخر ولا يجلس دقيقة سؤالي هل يشمله الضمان ام لا

انتظر اجابتكم

[الهايم وهو نايم]

بالنسبة لعلبة المساحات اتوقع يشملها الضمان اما الكفرات لا يشملها الضمان الانها من الاشياء الاستهلاكية واتمنى يفيدونك الشباب اكثر

[صاحب الأفالون]

الكفرات لا يشملها الضمان وايضآ قربة المساحات الله يعوض عليك

[وااوأفالون]

للكفرات لايشملها للضمان
إما علبة للمساحات إتوقع يشملها للضمان

للضمان لايشمل للقطع الإستهلاكيه فقط

[الحـ(درب)ـب]

الضمان يشمل الآتي
اي شي تحت غطاء المكينة وتحت السيارة ويكون غير استهلاكي
او له عمر إفتراضي 4 سنين
وينتهي بأقل من سنه
مثل المكينه + الجير + البخاخات + الإستارت( السلف ) + الدينامو + وايرات + اي قطعة كهربائية ، كتات + فيوزات + وصلات كهربائية + جامبينات + أشياء اكترونية خاصة بالتحكم + الهرن + اشياء اكترونية لاتتعلق بسوء الإستعمال داخل المقصورة(مثل الكراسي الكهربائية-الستارة- الشنطة وكيف تفتح + صوت داخل الطبلون)+ البطارية ( بعض الوكلاء)

اشياء لايشملها الضمان
الأشياء الإستهلاكية بشكل عام
( البريك + الأنوار + المسجل + شي انكسر + التواير+ الجلد + واغلب الأشياء الإستهلاكية اللي ماتحضر ببالي الحين)


تقبل مروري

[انا عزوز]

المشاركة الأصلية كتبت بواسطة الحـ(درب)ـب

الضمان يشمل الآتي
اي شي تحت غطاء المكينة وتحت السيارة ويكون غير استهلاكي
او له عمر إفتراضي 4 سنين
وينتهي بأقل من سنه
مثل المكينه + الجير + البخاخات + الإستارت( السلف ) + الدينامو + وايرات + اي قطعة كهربائية ، كتات + فيوزات + وصلات كهربائية + جامبينات + أشياء اكترونية خاصة بالتحكم + الهرن + اشياء اكترونية لاتتعلق بسوء الإستعمال داخل المقصورة(مثل الكراسي الكهربائية-الستارة- الشنطة وكيف تفتح + صوت داخل الطبلون)+ البطارية ( بعض الوكلاء)

اشياء لايشملها الضمان
الأشياء الإستهلاكية بشكل عام
( البريك + الأنوار + المسجل + شي انكسر + التواير+ الجلد + واغلب الأشياء الإستهلاكية اللي ماتحضر ببالي الحين)


تقبل مروري

ماقصروا الشباب كفو ووفو مشكورين وابو فجر بالذات يعطيك العافية بس تعديل بسيط المسجل يشمله الضمان لو صار له خلل يغيرونه -حسب علمي-

[الحـ(درب)ـب]

المشاركة الأصلية كتبت بواسطة انا عزوز

ماقصروا الشباب كفو ووفو مشكورين وابو فجر بالذات يعطيك العافية بس تعديل بسيط المسجل يشمله الضمان لو صار له خلل يغيرونه -حسب علمي-

صحيح فديت خشمك
بس المسجل في وكالات كثير مايكون ضمن الضمان
وأغلب الشركات لو كان سبب الخراب شي انت كسرته داخل المسجل او كسر الباب

وانا ضفت جملة شي انكسر

وتسلملي ومشكور على التعديل

للعلم
وكالة المرسيدس اغلب الأشياء داخل وخارج السيارة تشملها الضمان
ماعدا البريك وتغير الزيوت

[مبتكر]

ياأخي المفروض الكفرات ماتتآكل من الطرف ..
السبب لأن أذرعة السيارة غير موزونة بشكل صحيح والكفر عند فيه ميلان على الطرف بحيث ان الحمل صار أغلبه على جانب الكفر ومع الوقت تآكل الطرف أكثر من الوسط ..

الكفرات الله يعوض عليك لكن حتى لو تغيرهم راح ترجع لك المشكلة ومالك الا تروح تفحصها بالوكالة وتخليهم يشوفون حالة الكفر علشان يعرفون وين ميلان الذراع في سيارتك ..

واتوقع علبة الماء على الضمان لأنه ليس سوء استخدام ولا هي قطعة استهلاكية وهذي تصير من قوة الظغط عليها من الطرمبة حقت الماء ..

والله يعينك .