عــروض على كامري 2011 لدى عبداللطيف جميل للكاش

[بين الحلول]

السلام عليكم ورحمة الله وبركاتة
عروض الأن لدى شركة تويوتا على الكامري القير العادي فقط
السعر السابق / كامري شركات 72000 الف ريال بعد الخصم 68000 الف ريال
السعر السابق / كامري جي ال أكس بدون فتحة وجناح 81600 بعد الخصم 79500 ريال
هاذي الي أستفسرت عنها اليوم وأنا محتار بين الشركات وبين الجي ال أكس
وش رايكم ...

[$ القناص $]

وجهة نظري / ما فيه فرق كبير ..

هو بيصرف اللي عنده عشان الشكل الجديد 2012

والله يبارك لك
..

[عاشق الكوكوكوكو]

خذ لك شركات احسلك قير توماتيك قزاز كهرب وغير وعدل فيها نصيحه احسن من جي ال اكس غاليه

[لحظه بس]

يعطيك العاافية على الملعومة وبخصوص سؤالك
نصيحة إذا انك محتار بين الشركات والجي ال اكس
إذا الشركات ما فيها قزاز كهربة خذلك فئة أعلى منها قليلا أو خذ الجي ال اكس لان
أنا بالنسبة لي بعد المكينة والمكيف
القزاز يكون كهربة
الريموت
المرايات كهربة
^^
هذي أهم الأشياء في مواصفات السيارة باعتقادي
الباقيات كلها مسألة ذوق مثل ناس تبي فتحه ناس ما تبيها والزوائد ناس تبيها وناس ما تبيها .. وهلم جرى

[SE-CAMRY]

ما شاء الله مسوي خصم فقط 2000 ريال ~ ما سالته عن السبورت كم اللحين قير عادي ؟؟

[Fire B]

سبحان الله ...

الى الحين فية سيارات نوافذها يدوية !!!!

[$$البرنس$$]

^^^^^^^^^^^^^^^^^^^^^^^^^^^^

ما فيه حتى الاكسنت اظن صار اوتو

-----------------------------------------


نصيحه اصبر وتاخذ فل بفتحه بسعر الي بدون فتحه لكن اذ مستعجل خذلك glx ولا تفكر بعد من مجرب السياحي

[فيصل السعدون]

مافيه كامري قزاز عادي


ماأنصحك بالـ gl حتى مثبت سرعة مافيها

[كامري أبيض]

خذ الجي ال اكس افضل

ولو تصبر شووي وتشوف الشكل الجديد .. اكيد راح يكون افضل

[اناانتهيت]

هل في عروض جديدة على الاوريون؟؟؟؟؟

[sloomee]

انصحك تنتظر الكامري الجديده , لانها اول ما تنزل راح تكون رخيصه


و اول ما تنزل طقلك وحده 2012 .



تحياتي لكـ...!!

[nadeemii1]

2012
_____

[كامريf]

نصيحه خذ كامري جي ال اكس فتحتة سقف

[$$البرنس$$]

صح 2011 بتصير ارغب من الجديد والكل يبونه انصحك بالفل ؟!

[[]=[]خالد[]=[]]

السلام عليكم ورحمة الله
بنسبة للكامري خذ جي ال اكس من دون تفكير للاسباب التالية
1- مثبت السرعة
2- الطارة جلد مو (ربل هذا بحد ذاتة مصيبة)
3- ستارة خلفية كهرب +كشافات +تخشيبة +اشارات مرايات +ريموت فية تحديد موقع السيارة في المواقف المزدحمة +زيق خلفي فوق الوحة +المراتب مخمل فاخر +
4 - تحكم بالمسجل والسي دي من الطارة
5- شاشة معلومات عن مستوي البنزين والمسافة التي ستقطعها
6- الطبلون اجمل من حيث لون الانبيرات (والخلفية افخم)
وانت الحكم يصاحب الموضوع
تحياتي للجميع

[boooh]

يا اخوي انصحك ب glx من المعارض ارخص من الوكالة بفرق بسيط والضمان من الوكالة

[phantom lord]

انصحك بجي ال اكس اذا ما بتفكر في 2012

[بين الحلول]

بيض الله وجيهكم والله ما قصرتو
والي أقنعني أكثر الأخ خالد بصراحة نورت علينا بحجات كثير بالسياره
وتوني أدري ان الطاره تختلف بلاسيك وجلد
وتقريبا أبي أخذ جي ال اكس
والله يرزقنا ويرزقكم من واسع فضلة

[[]=[]خالد[]=[]]

ووجهك ابيض ياغالي واحنا اخوووان اي استشاره انا والاخوان في الخدمة تحياتي لك وللجميع

[أوكتين]

وين هالاسعار يالحبيب

سألت في تويوتا سعر glx قال 85 ألف بدون فتحة و جناح

انت في أي مدينة ؟!