[بو زايد]

السلام عليكم ورحمة الله وبركاته


شباب الامارات

طلب
عندنا في البيت لاند كروزر موديل 1996 ابغى ابدل له مكينة وابغى احط له مكينة لاندكروز 2005 8 سلندر شو رايكم حسب خبرتكم و ابغى منكم افضل كراج في الامارات

حق تبديل المكاين على السيارات



اللي يعرف اسم كراج مميز في هذا العمل يخبرني لاني مستعجل على الموضوع

ولكم الشكر

[عبدالعزيز السيد]

والله اخوي ودنا انفيدك
لكن اللي اخبر عندكم المصفح

[عاشـــق اللاند]

اخوي اعتقد ماتقدر تركب عليه هالمكينه

[شقـــران]

مرحبا أخوي بو زايد وحيا الله هل الشارجه .. بالنسبه لموضوعك وانك تبى تركب مكينة لاندكروزرv8 على لاندكروزر 96 بسيط ومايباله شي .. بس على حد علمي لازم تفصل لها قواعد يداد وهالأمور تروم تسويها ف اي ورشة ميكانيكا واللهم فك وتفصيل قواعد وتركيب .. وماشاء الله عليكم يا هل الشارجه عندكم الكراجات وايد وفيه وايد منهم مختصين ف هالسوالف ودبي جريبه عليك بعد وفيها بعد كراجات مبدعة وأغلبية الشغل خاص بهالأمور .. واقدر أفيدك بأحسن الكراجات ف دبي ... عندك كراج فيوتشر ف العوير وكراج بن دلموج ... وأتمنى اني فدتك ف سؤالك وفيه من الأخوه الأعضاء لهم خبره اكثر عني وإن شاء الله بيفيدونك أكثر ... والسموحه منك طويل العمر

[بو زايد]

مشكورين على الرد

اخوي شقران
هلا باهل ابوظبي
انا سالت اربعي في الدوام قال لي سير كراج جوي اللي في الذيد بركب المكينة وهو بتكلف بكل شيء والسعر تقريبا 16000 درهم

احسن انه غالي

انا سالت عن المكينة مع الظفيرة تقريبا 7500 درهم طبعا مع القير العادي


والتركيب مع التظبيط تقريبت 3000 درهم فقط هذا اللي اتوقعه


شو رايك

[شقـــران]

والله يا خوي بو زايد إذا انه هالسعر كامل وشامل قيمة المكينة والظفيرة والفك والتركيب ... انا اقول لك توكل على الله وربي يوفقك .. لاني كنت اتحرى المكينة عندك وجاهزه بس تبى تركبها على موديل 96 ... وإذا انه هالسعر .. إذا علي انا بركبها .. بس ماعرف شو من ناحيتك وإمكانياتك الله يطول لي بعمرك .. وبالتوفيق يا رب

[الكااااس]

سلام عليك اخوي ...

يطول بعمرك انا اعرفه كراج جوي ...

اذا على شغله فهو غالي ... بس هذا لانه شغله نظيف وصح ... حتى لو تسير الكراج بتحصل مواتر كلهن عشان تظبيط ...

اذا على استيشن والا نياسين ... والا سوبروات وهكذا ...

اللهم هو صح غالي بس شغله نفس ما قلت ترتوب ...

واذا بسير الذيد يوم توصل عند دوار الشرطه سير يمين ...

بعد ما تطلع على الشارع بتحصله على يمينك دايركت ...

والسمووووحه ...

[حسونه]

بارك الله فيكم يا أخوان

[بو زايد]

مرحبا بالكاااااس واهل راس الخيمة
مرحبا باهل الطيب

صراحة انا متردد اسير عند جوي ولا
انا اعرف كراج في عيمان اقول انه يروم يرتب الشغل على السيارة
وهو اللي بيب المكينة وبس ترى المكينة وارد اليابان وبعضهم يقولون الياباني تعبان شو رايك

انت اهل راس الخيمة عندكم الخبرة الكافية في هذا

مرحبا يامشرف المنتدى الاسلامي (حسونه) بارك الله في جهودكم في المنتدى

[الكااااس]

يا هلا فيك...

لا أخوي كلهم نفس الشي ... والفرق من بينهم بسيط ...

بس ترى يعتمد على التركيب ... يعني على شغل الكراج ...

واذا تعرف صاحب الكراج يكون احسن والا اذا حد جرب عنده ...

اما اللي يشتغل في الكراج لازم بيمدح نفسه ...

بس انا عن نفسي اقول اسال في كراجات وايد ...

وبحاول اييب لك كراج ثاني ...

واسمحلي على القصور ...

[بو زايد]

لا ما قصرت ياالكاااااس

انت اهل راس الخمية معروفين بالطيب وتأدية الواجب


ان انتظر منك اسم الكراج الثاني


يالله عسى الله يسر لنا الخير ويكتب لنا القبول في الدنيا والاخرة



بس شو الجو عندكم في راس الخيمة يتكم امطار ولا بعده