[طارق م ب]

السلام عليكم ورحمة الله وبركاته
من العنوان واضح انا ابغى رايكم بسراحه
ايش افضل اشتري افالون جديده او اشتري سياره لكزس Es مستعمله لاكن نضيفه جدا موديل 2003 ؟
علما بان الكزس حق واحد من اقاربي ومحافض عليها .جديده ما فيها ولا خدش.
ارجو ابداء رايكم بدون تحفض.

[رااح الامل]

انصحك بالافالون
لان ال Es شكل القديم لو الجديد كان اللكزس افضل

والراي الاول والاخير لك


وشووف رااي الاعضااء

[عزوووزي]

حلوة تحفظ...

وين تشتغل ....؟؟ <***** قافطك..

بكم يعطيك اللكزس؟؟؟

وكم ماشية؟؟

ووش لونها؟؟؟

[الحـ(درب)ـب]

اللكزس حلو

بس ترى القديم متعب ياخي
خلك على الأفالون ابرك

[ابداع]

لا ياخوي وش تبي باللكزس 2003 خذلك افالون افضل لك لان القديم من اللكزس ماانصحك فيه

[عبود الرياض]

يا اخوي

إذا كنت تبي سيارة خذ لك جديد

وإذا كنت تقدر على اللكزس موديل جديد توكل على الله ******** وانتبه ترا قطع الغيار غالي


وإلا خذ لك افالون ولا اوريون


موفق خيو

[تاج المراجل]

عجيب امرك يا أخي وهل تقارن الثرى با الثريا ؟؟

الأفالون الجديده أفضل من es الجديده بعدة مراحل

اولا / الأفالون أوسع وأكبر من اللكزس بشكل ملحوظ
ثانيا/ خلفيه الافالون وحجم البودي وفخامته أفضل من اللكزس
ثالثا / قطع غيار الافالون ارخص من اللكزس
رابعا /الافالون سياره عائليه في المراتب الخلفيه يوجد وسع بعكس اللكزس الضيقه من الخلف

خامسا / فرق اللكزس عن الافالون شاشه الملاحه ولا أعتقد ان شاشه الملاحه ضروريه الا في الحروب والمعارك وفوق الطعوس

سادسا / فرق السعر لصالح الافالون

وأنت احكم

[مرتاح البال]

ياخوي اذا كانت المقارنه مع لكزس الجديم والافالون الجديد اكيد افالون بدون تردد
واللزس انت تقول انه جديم ومواصفات وقوه لصالح الافالون
لكن اذا كان اللكزس الجديد طبعا اللكزس
هذا رأيي الشخصي


دمتم برعاية الله

[خلك طبيعي]

عليك باللكزس توكل على الله اذا اللكزس نظيف اخذه

[أفالون خاص]

من ناحية الشكل الخارجي والداخلي الموضوع راجع لذوقك الخاص

لكن إذا بتقارن من ناحية المواصفات والمحرك فالأفالون أفضل وأحدث من هذي الناحية

ولا تنسى إن اللكزس مستعملة خمس سنوات والأفالون تاخذها على يدك من الوكالة

والله يوفقك في اختيارك

[ابوكفاح]

نصيحة الافلون الجديده افضل من لكزس المستخدم