[المووج]

السلام عليكم ورحمة الله وبركاته

اخواني انا جاتني طقه غريبه في سيارتي لاندكرزور 2008 V8

تطلع الطقه لما تجي توقف تماما" ولما تجي تمشي تطلع مع بداية التعشيق , وسراحه الطقه كل مالها تزيد بحيث انها كرهتني في السيارة

ولما جا تشييك الـ 5000 كم كلمتهم عن المشكله وقالو غريب ماجانا احد يشتكي ( واتوقع انهم كذابين , هذا اسلوب التسويق عندهم )

وبعد يوم كامل كلموني وقالو تعال استلم سيارتك وقالولي ترانا صلحنا المشكله , سألتهم وشكانت قالو فقط تشحيم وتقريز الصليبات فقط.

ولله الحمد راح الصوت ولاعاد اسمع شي.

وهذا هو حل مشكله الطقه للي متضايق منها

[ولد الاكرام ...]

الله يعطيك العافيه اخوي المووج ..
والله يجزاك الف خير يا الذيب ...

(( ت ح ي ا ت ي )) .. ولد الأكرام ..

[الجــــــدعلاوي]

الحمدلله انها تصلحت
فتيوتا حريصة على زبائنهم
لكن الوكيل الخليجي لا يترجمها الا بمفهوم الفللوس والدنانير!!

[أبوسعــد]

شـــكـــراً لك يالذيـــب


والله يبارك لك في موتــرك..




أبوسعــد

[العتيد]

مشكور اخوي على طرح المشكلة والحل

بجرب وبشوف هل يختفي الصوت ام لا


وان شاء الله يختفي تماماً

[أبوحمد]

يعطيك العافية على الافاده ..

[سعيييييد]

هالمشكله موجوده اخوي في معظم سيارات الدفعه الاولى في الامارات وايد يشتكون منها وتطلع بعد ما تمشي 2000 كيلو تقريبا انا موجوده معاي هذي المشكله اسمع الطقه وكل ما مشيت كيلوات اكثر تزيد هالطقه بعدني ما دخلته تشييك 5000 وديته لهم وقالو لي هاته على 5000 راح نشيك لك عليها ، وان شاء الله تروح هالطقه بعد التشيك

[فقط دبي]

مشكوووووووور ياخوي ..

عيل يبيلي اوديلهم سيارتي بعد..

[ميشوالكويت]

مشكور وايد يا المووج على هالمعلومة
انا بعد كرهت سيارتي من هالطقه
لازم اوديه الوكاله
وان شاء الله تروح هالمشكله

[الشيخ لاندكروزر]

اخوى الموووج

الله يجزاك خير ... سمعنا كم واحد يشتكى منها .... والحمد لله انها طلعت بسيطه

تسلم يالغالى على هالمعلومه الطيبه

بس عندى سؤال: انت تقول تشحيم وتقريس ... واللى اعرفه ان التشحيم هو التقريس ..بس هذا عربى وهذا انجليزى ..

وفيه نقطه ثانيه ..اللى اعرفه ان الصليبات ما تشحم ..خاصة فى الموديلات الحديثه

ياليت توضح ... لان ورش صيانة تويوتا ماعندهم وسائل اتصال فيما بينهم

[حسونه]

فعلاً
تم طرح هذه المشكلة في المنتدى من قبل
نتمنى من الأخوة
التفاعل أكثر
خاصة أصحاب ال2008

[التوهم]

جزاااك الله الف خير بااودي موتري بكره بااشوووووووف ويش رد وباارد عليكم

[ابوخالد عبدالله]

موتري ماشي 7000 والحمد لله مافيه الطقه الي تتكلمون عنها

[الكميم]

مشكووووووور علــ المعلومه
==
تحياتي

[ابن بامطرف]

الحمدلله الموتر إلى الآن ما سمعت منه أي طقة لا يوم أوقف ولا يوم امشي السيارة .. يمكن العيب من أول دفعة نزلت (بشهر 11-12) !

[قول قسم]

الطقه موجوده من موديل 2006 وفوق

واليوم كلمت الشركه وقالوا ان هذا شي طبيعي وعادي

واخوي الموج هذا التشحيم لاخفاء الصوت وليس لاصلاحه

تحياتي