[مجنون الفورتشنر]

السلام عليكم ورحمه الله وبركاته
الرجاء منكم ترحيب خاص لاني لي شهر وانا أتابعكم بصمت ما أقدر اعبر عن اللي في داخلي تجاه هالفورتشنر
اللي تعبت لين حصلته وابخبركم عن شي صغير فيه ما ادري اذا انتم عندكم خبر عنه أو لا وهو كما انا موضحه لكم في هذي الصوره

تعرفون فائذه هذا الزر
انا بصراحه ماكنت أعرف فائدته لحد ما رحت اليوم للوكاله عشان التشييك على السياره وسألت عنه وقال انه يفتح الدفرنس الخلفي (اذا حسيت ان القير التماتيك فيه ثقل عند نقل الحركه من p الى d )

[حسونه]

الله يحيي ها الطله الحلوه
والمنتدى منور بوجودك
وإن شاء الله تفيد وتستفيد

========

بالنسبة للزر هذا
http://www4.0zz0.com/thumbs/2008/01/21/15/573571837.jpg

أتوقع والله أعلم
أنه اذا تبي تعشق القير بدون تدوس على البريك ( الفرامل )
وأتمنى أصحاب ( الفور نمر ) يفيدوك أكثر

=====

بالنسبة للي يفتح الدفرنس الخلفي
هو زر على يسار السائق
عليه صورة دفرنس وعليها علامة X

[العُلا]

حياك الله ..

توني ما شريت الموتر إن شاء الخبراء يفيدونك وفيدونا بعد ..

تحياتي
بو فهد

[قويدارد]

حياك الله والف مبروك الفورشنر والله يعطيك خيره ويكفيك شره انشاء الله

[دفع رباعي]

هلا بك أخوي مجنون الفورتشنر في منتداك وبين أخوانك ومبروك عليك الموتر يعطيك خيرها ويكفيك شرها

بالنسبة لسؤالك يالغالي زي ماقال أخوي حسونه هذا الزر إذا تبغى تعشق القير بدون ماتضغط ع الفرامل يخليك تعشقه سواء السيارة شغالة أو طافية ، يعتبر زر أمان للأطفال أو أي حركة غير مقصودة تؤدي لتعشيق القير ، أما قفل الدفرنش الخلفي فزره ع يسارك بجانب زر مستوى الإضاءة مكتوب عليه علامة X أتمنى إني أفدتك ، تحياتي .

[الأستاذ محمد]

حياك الله أخوي في المنتدى...وبالنسبة لما استفسرت فقد أفادوك الأخوان ولم يقصروا جزاهم الله خيرًا...وأضيف لك صورة من جهد الأخ وليد الأسلمي الله يجزاه خيرًا عنا ويذكر بالخير منذ فترة ونحن لم نره في المنتدى ولعل المانع خيرٌ إن شاء الله ياوليد...


وحتى لاتتفاجأ من جملة "هذا قفل المحور الخلفي يجب أخذ الحذر" فلأن بعض الناس يظن أن هذا الزر للدبل الخفيف كما هو موجود باللاندكروزر علمًا بأنني بأنني لاأعلم عن اللاند كروزر الشيء الكثير ولكن كما ذكر الأخوان سابقًا...وتحياتي للجميع....

[أبـــو عـــزام]

تذكرون يا جماعة يوم اسأل نفس السؤال!!

قلتوا: أنه في حال عدم استطاعتي التعشيق بالقير او في حال تعطل السيارة

الحين اكتشفت من كلامكم اللي في الاعلى انه يلغي دور الضغط على الفرامل من أجل التعشيق من الوضع P إلى باقي الأوضاع وهذا شيء جديد بالنسبة لي وبصراحه دائماً أنسى أضغط الفرامل حتى في الماركيز السابق

بس والله الأطفال مشكله شكل بأستخدمه في حال كنت عزابي أو بأعود نفسي على وضع الضغط على الفرامل أفضل

شكراً

[دفع رباعي]

أبـــو عـــزام الزر هذا ماأستخدمه نهائياً لأني متعود اضغط ع الفرامل ، وع فكرة القير عندك أوتو وإلا عادي ،

[أبـــو عـــزام]

أفا عليك تماتيك أبي الراحه

صحيح والله الظاهر بأعود نفسي على الفرامل أفضل

شكراً

[المحظوظ]

مبروك عليك السيارة..........الله يعطيك خيرها ويكفيك شرها

[جيب فورتشنر]

اصلا كذا تعدم القير اذا انك تعشق بدون ماتضغط فرامل لأن السيارة بتسمع فيها طقة قوية وشوي شوي مع الوقت تقوى لين تسمع مثل الرنة

الفرامل لازم لازم عند التعشيق

[الوضع الصعب]

تحياتى للجميع ياشباب الزر الى عند القير التماتيك اسمه shift luck ويستخدم اذا كان القير معلق فى ال p لانه يقولون انه احيانا يصلب القير فى ال p وتستخدم هذا الزر وهو موجود فى البرادو والفورتشنر ... مع انه ماحصل معى

[مجنون الفورتشنر]

الله يبارك فيكم ولايهينكم على الترحيب والمعلومات اللي افدتوني فيها