[اوريون ي ي س]

السلام عليكم

كيف الحال شباب

موضوعي اليوم شوي حساس ؟ طبعا البعض يقولي السيارة جديدة وتبغى تزود حرام عليك

اقول اللي يدخل عالم التلغيم يصير مجنون مطارحات وقومات ونبغى من الشباب اللي مزودين يقولولنا ويش الاضافات اللي حطوها على سياراتهم ؟ وايش اعطاهم فرق ؟ ويش القطع اللي حطوها ؟ والسيارات اللي تسابقوا معها

يعني مثلا الفلتر الرياضي ( الانتيك ) في السعودية وين يفصلوه لا نه مافي طلبية والطلبية حقت الكامري 2007

وبالنسبة اللي شالوا الدبات الرصاص يقولوا انها ما تنشال ولكن تتفرغ بس ما ادري هل تعطي صوت مزعج وانت واقف بالسيارة ولا بس عند الدعس

ياريت يا شباب تفيدونا

[عاشـــق اللاند]

والله اخوي انا شفت لي اوريون بالمنطقه العاشره عندنا بالكويت مركب عليه اكزوز سستم خطير الصوت يطرب وبالخط والله طياره اقلاع

[جاسم اوريون]

اي انا ها لاوريون شايفه صوته رهيب

[ملك الغوص]

على بالي هالسؤال في احد شال دبات التلوث ؟
هل تضر السياره؟؟

أشلون عزم السياره لو نشيل دبات التلوث؟؟؟


وياريت احد يعرف صاحب الأوريون اللي مركب سستم اقزوز ويجيبه لنا بالمنتدى حصريا يفيدنا

[يـزيـد]

المشاركة الأصلية كتبت بواسطة ملك الغوص

على بالي هالسؤال في احد شال دبات التلوث ؟
هل تضر السياره؟؟

أشلون عزم السياره لو نشيل دبات التلوث؟؟؟


وياريت احد يعرف صاحب الأوريون اللي مركب سستم اقزوز ويجيبه لنا بالمنتدى حصريا يفيدنا

اتوقع عادي مايضرها لانه تنقي الهواء الخارج من المكينه من غاز اول اكسيد الكربون الظاهر يعني حطينه اهتمام باليئه طبعا هذا توقع ترا

[اوريون الشرقية]

اتوقع عادي مايضرها لانه تنقي الهواء الخارج من المكينه من غاز اول اكسيد الكربون الظاهر يعني حطينه اهتمام باليئه طبعا هذا توقع ترا

100% فايدتها للبيئة بس واذا شلتها ماتفرق اكثر من 10 حصان لاكن بتعطيك قوة وشوفوا الالتيمات يشيل الدبة ويحط فلتر واكسوست وماتقدر تصيده لاكن مستحيل اسوي هالشي بالاوريون.

الشي الوحيد اللي انتظره ان trd ينزلون اكسوست للاوريون وحسب مواقع اجنبية الاكسوست بينزل قريبا وهو قيد التطوير.

[أوريوون]

المشاركة الأصلية كتبت بواسطة يـزيـد

اتوقع عادي مايضرها لانه تنقي الهواء الخارج من المكينه من غاز اول اكسيد الكربون الظاهر يعني حطينه اهتمام باليئه طبعا هذا توقع ترا

نفس كلامه

بس من رايي تحاول تفكها

لآن لو فرغت دبات التلوث
اذا انتهت استمارت لازم تجدد بيحوون شي جهاز او شي زي كذا عند الشكمان ويقسون شي
ما اتذكر
المهم يشوفون نسبة التلوث مدري الدخان كثيره وتسقط السياره
ودباات التلوث غاليه بحدود 3000 وفوق الظاهر

اما بالنسبه للصوت
أنصحك بكت باك ولو تركب مع هيدرز يطلع طرب الطرب

أهم شي هيدرز ورامير
عشان تكون عملية دخول الهواء وخروجه أسررع

وبعطيك الموتر مستوى مجنوووون

[اوريون الشرقية]

ورامير

وشو ورامير هذي ماركة ولا وشو

[أوريوون]

المشاركة الأصلية كتبت بواسطة اوريون الشرقية

وشو ورامير هذي ماركة ولا وشو

الرامير هو فلتر

وفيه ماركات

وأفضل ماركه على حسب علمي ماركة K&N

[اوريون الشرقية]

K&N
هذي الماركة خويي ركبها على سيارته فولفو تربو وضعفت سيارته يوم شاله ورجع حق الوكالة رجعت زي ماكانت.
لازم يكون الاكسوست والفبتر مخصص للسيارة ولا ماراح ينفع.

[العتيبي عبووود]

اعرف واحد عنده أوريون اسمه بسام الحسن عنده أقوى أوريون بالكويت ..

ورحت مره اتقاوم وياه طبعا طلع علي بس كان صوته اقزوزه قوي شي ..

وكان مركب عليه سستم شوته وشاله .. < لانه لعب بكمبيوتر السياره ..

وموريني مقاطع فيديو يطلع على كورفتات وموستنغات واس اس وكوابرس

[راعي الجراندي]

يعطيكم العافية شباب بالنسبة للفلتر انا انصح بتركيب فلتر رياضي يكون نفس كشل الاصلي يعني لا تغير شيئ بس ركبة مكان الاصلي وافضل نوع مجرب على الاريون k&n بس على فكرة بروحه ما راح يسوي شيئ .

اقولكم اشلون اذا ركبت الفلتر راح تزيد عملية دخول الهواء الي الماكينة طيب انت محتاج الى

تصريف افضل للعادم عرفتواا النظرية جداً بسيطة .

تبي افضل اداء

بقولك

بس طول بالك

غير الدبات الخلفية وركب نوع رياضي والمجرب بورلا نيكل + فلتر رياضي k & n

بعدها راح تحس بالفرق وشلون سيارتك راح تاكل الارض على فكرة ما يحتاج تشيل ببات التلوث لان السيارة جديده ودبة التلوث ما راح تكون مسكرة يعني احتمال كبير ما راح تفرق معاك
،
في احتمال اذا شلت دبة التلوث عزم السيارة بالـ4 راح يقل معاك علشان جذي خل دبات التلوث مكانها .

مع أطيب التمنيات،،،

[اوريون ي ي س]

تسلموا يا شباب على الردوود
مشكور اخوي عبووود على هذه المعلومات هذا يعني انك تعرف واحد يفك برمجة الاوريون علشان فصلة السرعة بعد 230 ويا ريت تراسلني على الخاص علشان نتكلم اكثر

ولكن هل في فلتر خاص للاوريون هنا كلهم يولفون وياريت تعطونا الرابط علشان نراسلهم ونبغى كل قطعة شد بلد

وبالنسبة اخوي راعي الجراندي للدبات الخلفية تقصد الكنداسات بورلا واخلي الدبات الرصاص

[أبو جاسم]

عزيزي اذا انت صحيح ناوي تزود كم المبلغ الي حاطه في بالك و خصوصا اذا كنت تبي اغراض مرتبه راح يكلفك
انا انصك ان تركب لك انتيك كامل و اقزوست سستم كامل (هدرز+دبات) البورلا عندك يمدحونها
و اما بالنسبه لدبات التلوث ما اعرف احدعنده اوريون شايلها

[اوريون ي ي س]

اخوي ابو جاسم
اشكرك على الرد ولكن كثير ناس ما يمدحون في الهيدرز ما يعطي العزم اللي هو ولكن ممكن تركب كنداسات بورلا وتشيل دبات التلوث وتفصل واي بايب

ويعطي عزم ان شاء الله

ولكن ابي انتيك اصلي مو توليف حق بلدها

واسمع الشباب في المنتدى يقولون عن قريب جي هيدرز كامل لل trd ولكن الان شغالين في التطورات

واذا تعرف رابط حق الانتيك الاوريون الاصلي تكفى ارسلي هو على الخاص