[صبي عتيبه]

السلام عليكم و رحمة الله

الأجواء هذه الأيام ممتعه و مغريه للخروج

و أصحاب السيارات الصغيره " السيدان " دائما ما تحرج أصحابها ..

المهم سلمكم الله إذا تورطنا كيف نخرج من التغاريز ؟

قبل اسبوع طلعت بسيارتي للبر و للأسف غرزت و رزقني ربي براعي جيب لاند كروزر و سحبني ..

لكن الجايات الله يستر ..

عطونا توصياتكم

[أبوسعــد]

حيـــاك الله ياصبـي عتيبـه بيننا ويامرحبا بــك..

أول شي لازم نقهويك..بما انك ضيف جديد..


ســم..

اسمك عاجبـني.. <*****أقول اخلص







فيه طرق كثيره للخروج من التغريز

1-/ تنزل من الموتر وتشوف الي حولك يمكن تلقا شي يساعدك منا ولا منا اذا مالقيت طبعاً ترجع موترك وانت متحطم < يآلله


2- إذا غرزت لاتدوس على البنزين بقـوه عشان ماتحفـر الكفـرات ويطيح الموتر زياده..


3- تخفف هواء الكفر الي مغرز بشكل أكبر يعني لوكان الي قدام الي على اليسار تخففه على 15


4- البالون حلو اذا كان متوفر معك تحطـه تحت السياره بعد ماتنفخه من الشكمان وهاذي صورته..





5- حاول ان تكون الطاره دايم بشكل مستقيم يعني لاتلف يمين ويسار ممكن يسبب لك تغريز أكبر وتطول عملية خروجك من التغريز لاترتبش وتقعد تلفلف تراني علمتك


6- نصيحه أخيـره الي بيطلع للبر بسياره عاديه لايطلع لحاله أقل شي أربعه أنفار عشان يتساعدون لو حصل تغريز. <*****يعني لاتروح تهجول لحالك وتتورط


هذا الي عندي وأتمنى من باقي الأعضاء المشاركه..




أبوسعــد

[دقات قلب]

نصيحة لك .. دام سيارتك سيدان وغير مهيئة للبر لا تنزل فيها

لأنه الي معاك 6 سلندر ودفع امامي.. ولو طاحت بتغريزة الله يعينك ..

والأفضل شوف لك اقرب وانيت ..

وابو سعد ماقصر وياك ..

[صبي عتيبه]

الله يبيض وجهك أبو سعد

ما قصرت كفيت و وفيت

[صبي عتيبه]

دقات قلب

الأجواء مثل قلت لك مغريه

و ربك يستر علينا

[بروووووك]

حياك الله ياصبي عتيبه

ونصيحتي مع ان الشباب كفو ووفو

اذا عاد تورطت وخلاص مالها حل

حط الدواسات حقت الموتر قدام الكفرات عشان تساعدك في الخروج




وشرفت يالغالي

[صبي عتيبه]

الله يبارك فيك برووك

و جزاك الله خيراً

[سواق فني]

الشباب كفو ووفو

اهم شي اتنسم الكفرات

والدريكسون يكون مستقيم

وحبة قدام وورى لين الله يسهلها

اهم شي

لا تدعس بنزين قوة علشان السيارة ما تغرز

والله لا يريك مكروه

[(ابوبدر)]

السلام عليكم ...
اذا كنت ملزم تطلع بسيارتك ... وتخاف من مثل هذه المواقف ... لا تنسى طوق النجاة
الا وهو ( الواير ) او سلسلة .. لان بعض اصحاب سيارات الدفع الرباعي لايكون معهم واير
لأنهم لا يحتاجونه بس يضيق عليهم حتى اذا جاء احدهم ينقذقك وقالك مامعي واير
انقز على طول وجبه له والا خلك ماسكه بيدك ...
والاخ ابو سعد ماقصر بالباقي ...

[مياس الأعطاب]

شكراً لكم على المساندة

[مدور الحب]

الشباب وفوا وكفوا

الله يعطيك العافية اخوي

تقبل مروري وتحياتي

[صبي عتيبه]

الله يبارك فيكم جميعاً

[ناصرعسيري]

.



خذلك دفع رباعي وارتاح




.

[بدوي وافتخر]

اخذ نصايح الشباب

[عزووبي]

مريت بهالتجربه بس الشباب اللي معي ماقصروا قول وفعل.........

وانتم مشكورين عالموضوع

[..:: ستيشن ::..]

1 ) أصرف نظر عن البر وأقعد بالبيت أحسن لك .
2 ) إذا صادف وغرزت بسيارة سيدان ما لك إلا حل واحد سب وإلعن في السيارة لين ما تتعب .
3 ) إذا كنت طالع رحلة بسيارتك ومعاك سيارة 4*4 ثانية مرافقة وغرزت أنته لا تقول له أسحبني ( ترا بيعايرك طول حياتك ) بل أركب معاه وإنتا ساكت ولو قالك وش فيك قوله لا ولا شي بس خفت عليك لا تعور نفسك لحالك !!



والنصيحة بجمل

[القبطان عمر]

لا تطلع البر لين ما يكون لك دبل و سيارة إحتياط على الأأقل
يعني سيارتين دبل وأكثر في الرحلة لا يقل وعند الزيادة (مستحسن) <***** طلع ويندوز