[فـهـد الـعـنـزي]

السلام عليكم ورحمة الله وبركاته

هذه أول مشاركه لي وبصفتها الأولى اقول أسعد الله صباحكم / مسائكم
كيف الحال جميعا انشالله بخير وإنشالله نستفيد ونفيد .......

سؤالي / هل استطيع إقفال السياره وهي شغاله يعني ابي اصخنها وهي مقفله وابي الطريقه لاهنتوا ؟

(السياره أفالون 2008 ليميتد)

باقي أسأله بس ياما اجمعها واتذكرها... وسلامتكم.

[ولد^الديرة]

هلا اخوي فهد تشرفنا بانضمامك و نيابه عن الزملاء اجاوبك على سؤالك ...

ايه اخوي تقدر تشغلها وتقفل السياره بالمفتاح للي داخل الريموووت عادي وتفتح بنفس المفتاح...وهي شغاله ... بس ودي لك بنصيحه .. لو تصبر عشر دقايق ولا تخلي السياره شغاله وهي مقفله نصيحه .. عيال الحراام واجد انتبه .. لا تقول الحاره هاديه ومافيه سرقات نصيحه لوجه الله ... تحياتي

[فـهـد الـعـنـزي]

ولد الديره أشكرك على الترحيب والاجابه.

وبجربها بكره الصبح.


مشكور على نصيحتك.....

[أبوسعــد]

افتح بالريموت وشغل السياره وانزل من السياره قفل الباب وصك بالريموت..


بسيطه الشلغه


مولازم تكون داخل السياره.. أهم شي تكون الأبواب كلها مقفله

[فهد اليوسف]

شرفت المنتدى

والاخوان كفو ووفو

دمت بـ خ ــــير

[الحـ(درب)ـب]

اخوي ولد الديرة كفى ووفى

ويافهد الإعنزي مرحبا بك بين كل أخوانك اللي بالمنتدى الخاص بالأفالون
ومبروك عليك السيارة

[الحـ(درب)ـب]

المشاركة الأصلية كتبت بواسطة أبوسعــد

افتح بالريموت وشغل السياره وانزل من السياره قفل الباب وصك بالريموت..

بسيطه الشلغه

مولازم تكون داخل السياره.. أهم شي تكون الأبواب كلها مقفله

هو سؤالة منطقي ،
لأن الأفالون مايشتغل اي شي بالريموت غير فتح الشنطة
اذا كانت المكينة تشتغل

وتقبل مروري

[فـهـد الـعـنـزي]

درب الحب وجميع الاخوان أشكركم على الترحيب.

يالربع مانفع سويتها وشغلت السياره ونزلت منها وحاولت أقفل

الأبواب بس ماقفل معي الا باب السواق وباقي الابواب ماقفلت

ومادري وش السواه.

[عاشـــق اللاند]

اخوي ماتنقفل البيبان عن طريق الريموت اذا كانت شغاله :**** قفلها عن طريق القفل المركزي

[تركي الطيار]

طيب فيه طريقه أسهل بدون ماتستخدم المفتاح الصغير,,,
شغل السياره ونزل الدريشه (النافذه )للأخر بعدها سكر الباب ,,دخل إيدك وقفل الباب من السوتش,,بعدها ارفع النافذه بخاصية الأوتو,,بعدها بتتسكر النافذه والأبواب راح تكون مقفله,,
واذا بغيت تفتح السياره لازم تستخدم المفتاح الصغير...
أتمنى ان الشرح يكون واضح..

[فـهـد الـعـنـزي]

مشكور اخواني اما ابو سعد فانا عارف وماتفوتني لكن طريقتك هذي تسويها بالددسن بالكامري ماهو

بالافالون.

تركي الطيار مشكور بس احس انه مشوار مافيه طريقه اسهل واسرع اللي عنده خلفيه من الاخوان عن الطريقه يعلمنا كيف.

[أسير الهمسات]

اعتقد ما في طريقه
ألا انك تقفلها بالمفتاح