[الداعي]

السلام عليكم ورحمه الله وبركاته ياشباب تكفون نبي نعرف متى بينزل 5.7 vxr ‎2008‎ ‎‏ ‏ الخليج

[ولد وايل]

انا انتظره مثلك

وعلى كلام عبداللطيف

يقول انه بينزل بالدفعه الثانيه من موديل 2009 مدري عاد عنهم هل هو صحيح والا لا

[حسونه]

الي نعرف
ان 5.7
للسوق الأمريكي

[فتكاتي]

والله ما يندرى

بس اللي عرفته انه بيكون 360 حصان

مب 381 حصان مثل الامريكي

[بن عتير]

انا ما اعتقد راح ينزل الخليج اصلا

[اف جي دبي]

مابينزل للخليج

لنه شو الفرق بينه و بين الكزس بعدين بيكون الأقبل عليه قليل لنه سرعه بيكون اكثر عن 8 العادي

يمكن بس يكون المحرك للكزس عدنا

[الغريب11]

يالربع اليوم وصلني خبر

من احد الشباب الي حاجزين سيارات
من فرع وكالة بهوان اللي في بوظبي

انه بينزل Vxr.5.7
الشهر الجاي مع الكزس

وبيكون سعره 250 الف درهم

هذا والله اعلم

[فيصل_دبي]

مستحيل ...اذا 4.7 ب 248 ألف درهم...كيف 5.7 بيكون ب 250 ألف؟؟؟؟

[شقـــران]

يالربع اللاندكروزر 5.7 بتنزل الخليج وبنفس قوة الأحصنة اللي هيه 381 حصان وبيكون سعرها في حدود 270 إلى 280 ألف درهم إماراتي .. وما ينزل منها غير نوع واحد وبنفس المواصفات ... وموعد نزولها ف الأسواق الخليجية قبل نهاية 2008 ويمكن يكون موعد نزولها تزامنا ً مع نزول اللكزس Lx 570 .. وهذي آخر المعلومات لي وصلتني عن طريق أحد الشباب المختصين في هذا المجال .. بس المشكله ف الشركة الأم وطريقة توزيعها للسيارات .. يعني يمكن يأجلون طرح هالموديل ويمكن ينزلونه قبل الموعد لي حددوه بالنسبه لنزولها .. والسبب في تأخير نزول لاندكروزر 5.7 يرجع لسياسة الإحتكار أو شرات ما أنا أسميها وانتوا بكرامه (سياسة الإحتقار) .. لأنه وارد أمريكا مانزل منه غير Vx وماعندهم جي إكس او غيره من المواصفات .. وجميع سيارات اللاندكروزر عندهم مواصفاتها موحده اللهم الإختلافات ف الإكسسوارات الكماليه مثل : الجناح + الشد + التخشيب الداخلي + الدي في دي الخلفي ... وللعلم وارد أمريكا من ناحية الشكل والمواصفات أفضل بمليون مره من الخليجي .. وهم ف البداية يبون يمشـّـون أكبر كمية من سيارات لاندكروزر بجميع فئاتها يلين يحين طرح لاندكروزر 5.7 الخليجي ... وبالأصح هي سياسة تجارة لانهم ما يبون يعرضون أقوى شي عندهم والسبب إذا نزلت فئة 5.7 تزامنا ً مع باقي الفئات من وجهة نظري أغلبية الناس بتشوف باقي الفئات بسيطه جدا ً ومافيه وجه مقارنه بينها وبين فئة 5,7 وخاصة ً إن فئة 5,7 هي الفئة الوحيده المتبقيه من لاندكروزر لي ما نزلت عندنا في دول الخليج ... وطبعا ً عيب على شركة تويوتا تنزل لاندكروزر 2008 لدول الخليج وماتنزلها لأمريكا ( عاد وانتوا بكيفكم افهموها !!! ) ... ولهالسبب نزلت عندنا فئات الجي إكس آر والفي إكس آر و و و و إلخ ... يعني تويوتا تبى ترضي الطرفين بس الرضوه الأقوى كانت لصالح الوارد الأمريكي .. (وتكفون يالربع حد فيكم يسحبني او يبعد عني الكيبورد لأني شوي وبتهور) ههههههههههههههههههههههههه ... والسموحه منكم

[فيصل_دبي]

هذا هو الكلام المنطقي....و عين العقل....بس اذا كان سعره 280 و اللكزس Lx570 ب 320 الف...بيكون الإختيار المنطقي هو اللكزس...لأن شكلها أحلى و ديكورها الداخلي أحلى بمليون مره من اللاند كروزر....و انشا الله ينزل الكروزر 5.7 مع اللكزس أو بعده بشوي علشان نقدر نحصل وحده لأن من ينزل اللكزس بتشوف كيف بتكون الحجوزات و اتريا دورك 6 شهور.......

[بروغه]

مشكوووور على الموضوووووووع !!

[فيصل_دبي]

المشاركة الأصلية كتبت بواسطة الغريب11

يالربع اليوم وصلني خبر

من احد الشباب الي حاجزين سيارات
من فرع وكالة بهوان اللي في بوظبي

انه بينزل Vxr.5.7
الشهر الجاي مع الكزس

وبيكون سعره 250 الف درهم

هذا والله اعلم

سألنا و كالة بهوان قالولنا ما بينزل 5.7 و لا شي!!!!!!!!!!!!!!!!!!!!!!!!!!!!!!

[ابن بامطرف]

سالت وكالة الفطيم و قالو ما عندهم أي خبر عن نزول ال5.7 و الرجال الي كلمته قالي ما اتوقع بتنزل عندنا المكينه هذي .. و رحت ورشة الفطيم و سالت عن إمكانية شراء المكينه 5.7 و قالي الرجال انه الوكالة ما بتجيب مكاين 5.7 ولا بتجيب سيارات 5.7 ^_^ .. مدري مين قال انه راح ينزل لانه الوكالات بنفسها تقول لا ***

[فيصل_دبي]

المشاركة الأصلية كتبت بواسطة ابن بامطرف

سالت وكالة الفطيم و قالو ما عندهم أي خبر عن نزول ال5.7 و الرجال الي كلمته قالي ما اتوقع بتنزل عندنا المكينه هذي .. و رحت ورشة الفطيم و سالت عن إمكانية شراء المكينه 5.7 و قالي الرجال انه الوكالة ما بتجيب مكاين 5.7 ولا بتجيب سيارات 5.7 ^_^ .. مدري مين قال انه راح ينزل لانه الوكالات بنفسها تقول لا ***

بس احيدك ما تبى 5.7

أمس تقول حتى لو نزل ما بشتريه

[ابن بامطرف]

المشاركة الأصلية كتبت بواسطة فيصل_دبي

بس احيدك ما تبى 5.7

أمس تقول حتى لو نزل ما بشتريه

اعرف .. و سؤالي للبائع كان لكثرة إستفسار الأعضاء عن موعد النزول .. قلت أفيد الأعضاء إذا ماحد سأل الوكالة قبلي

[فيصل_دبي]

اخويه فيه تعليمات مشددة في الوكالة عن 5.7 انا قالي مدير مبيعات في الفطيم بأنه ما يطلعون أي معلومات عن ها الموديل علشان ما تتأثر مبيعات 4.7 ...مثل ما تعرف انه بعده في ناس تنتظر دورها في الحجوزات....و اذا نزل الحينه شي أكيد ناس وايدين بيغيرون رايهم في 4.7 التعبان (مع احترامي) و بياخذولهم 5.7....و بعدين كيف في الورشه يقولولك انه ما بتنزل مكاين 5.7??? عيل اللكزس شو بيسووله...يعني اذا واحد دقت المكينه عنده ما بييبوله وحده ثانيه؟؟ مستحيل تنزل مكينه و ما ييبونها في الورشه.........ما عليك من ها الجذب كله.......قريب انشا الله بتشوف 5.7 قاهر الصحاري و الجبال و الشوارع........(و بيغسل سيايير وايده)....تعال بتسابق وياك عقب:d :d :d :d