استفسار لمالكي 2006 .... لمبات الزينون والفل...!!!

وكراااوي · 03-10-2006, 12:32 AM

السلام عليكم

وياكم أخوكم من الدوحة وحبيت أستفسر عن شي....

اليوم وديت الموتر تشييك الألف ... أفالون لؤلؤي لمتد ... بس مو نفس اللي عندكم .. حساسات وبلوتوث... شغل الجميل ..ههههه

المهم...

قلت للمهندس عن مشكلة كبريتات الرصاص "الريحة" + وصوت الكرسي الخلفي خلف السائق+اصوات طقطقة

المهندس عمل التالي: الكبريتات .... شال لي الكاتاليست "عامل مساعد كيميائي" للحفاظ على البيئة من الرصاص.... أنا شخص اهتم بريحتي قبل بيئتي ... هههههه

صوت الكرسي... ما ادري وش سوى ... ما شفت ... بس اختفى الصوت

اصوات الطقطقة لين تشغل السيارة وعند اطفائها ... شي عادي ... ومكتوب بكتيب المالك ... هذا عبارة عن check من السيارة نفسها لأنظمة البريك والتوازن والثبات

أتمنى أفدتكم

بس راح علي شيء مهم وودي أسألكم .....

عند تشييك الــ 5000 كم ، قريت بالمنتدى عندكم امكانية رفع الزينون لأن مستواه نازل وما أشوف الطريق .... هل أدفع على رفع الزينون ؟ وكم أدفع لو توجب الدفع؟

كذلك.... النور العالي ... والله الكورولا والكامري أقوي بالنور العالي ... في حل ؟.. رفع النور العالي مثلا؟ وبكم؟

في انتظاركم ..

خالــــ قطر ـــــد

وكراااوي · 03-10-2006, 01:16 AM

.............................................

نصورافالون · 03-10-2006, 03:29 AM

والله يا اخوووي يا وكراااوي قبل كل شي هلا وغلا فيك بيننا
ثانيا انا ماكنت ملاحظ مساله النور كنت ممشي اللموضوع عادي بس انا مثلك بتشييك الجاي راح ارفع الزينون وراح افيدك لاني راح اعمل التشيك يوم الاحد ان شالله

بو عابد · 03-10-2006, 02:51 PM

السلام عليكم
هلا وغلا بولد بلادي
ويمرحبا فيك في هذا المنتدى
انا رفعت لمبات الزينون في تشييك ال5000 وما دفعت شي يعني على حساب الوكالة
ارجو اني افدتك
وشكرا

البارد · 03-10-2006, 06:46 PM

السلام عليكم
اخوي وكراااوي عندي استفسار بسييييط
ممكن تفيدني بمواصفات الافالون وارد قطر .
تحياتي

وكراااوي · 03-10-2006, 08:45 PM

اقتباس:

المشاركة الأصلية كتبت بواسطة البارد

السلام عليكم
اخوي وكراااوي عندي استفسار بسييييط
ممكن تفيدني بمواصفات الافالون وارد قطر .
تحياتي

هلا أخوي

المواصفات للمتد نفس المواصفات بالخليج والسعودية

اللهم ما عندنا : حساسات وبلوتوث وتظليل وستارة خلفية للــ 2006 لأن هذا بالأساس شغل وكيلكم بالسعودية على حسب ما سألت بوكالة التويوتا بالدوحة

أتمنى اني افدتك

هادي جدا · 03-10-2006, 09:30 PM

وزن النور ماياخذون عليه عشان السياره تبع الضمان

لكزس · 03-11-2006, 02:42 AM

اولا الله يعطيك خيرها ويكفيك شرها

ثانيا وين مكان الكاتاليست بالضبط وهل له اسماء اخرى

وكراااوي · 03-11-2006, 03:03 AM

اقتباس:

المشاركة الأصلية كتبت بواسطة بو عابد

السلام عليكم
هلا وغلا بولد بلادي
ويمرحبا فيك في هذا المنتدى
انا رفعت لمبات الزينون في تشييك ال5000 وما دفعت شي يعني على حساب الوكالة
ارجو اني افدتك
وشكرا

مشكور حبيبي

أي فرع رحت عنده ؟ الصناعية؟

لأن أنا راح أوديه الفرع اللي عند دوار المول .... لفة مستشفى العمادي .... يسوونه هناك أو سالفته سالفة؟

بالعربي .... كم خذا منك وقت رفع الزينون.... وأي فرع؟

البارد · 03-11-2006, 06:06 AM

جزاك الله خير اخوي وكراااااوي

المواضيع المتشابهه للموضوع: استفسار لمالكي 2006 .... لمبات الزينون والفل...!!!
الموضوع	كاتب الموضوع	المنتدى	مشاركات	آخر مشاركة
مشكلة في الزينون وجهاز السديهات فالكامري 2006	الساهـــــــــر	إكسسوارات accessories سيارات تويوتا	11	07-05-2007 02:02 PM
هل صحيح ان الهلي 2006 تايلندي ارجو الدخول من الجميع والمشرف بعد ياليت يدخل	ابو عبيدان	هاي لوكس Hilux	15	09-08-2006 01:37 PM
إعلان خاص و ( هام ) لمالكي سيارات لكزس جي إس 430 /300 موديل 2006 ..	ابونورا	لكزس GS	2	05-27-2006 06:44 PM
عاجل : استفسار عن هايلوكس 2006 خليجية	دغداش بن دردوم	هاي لوكس Hilux	4	04-07-2006 03:57 AM
مميزات الانوار الزينون	التميمي..	المنتدى العام	8	10-17-2005 10:30 PM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق