[بن مغرم]

يا شباب أبشركم اشتريت فورتشنر vx1 اللون أبيض 2008 وهو الآن تحت التمرين
بس فيه مشكلة عندي النور الواطي نازل بالمره يا دوب خمس أمتار قدام السيارة مع ان النور على رقم ميلان صفر .
والمشكله الثانية صوت أزيز لما انزل البر لما تاخذ مطب بشكل مائل أو مشتول يطلع هذا الصوت ما أدري وين المشكلة بالضبط هل ا لوضع عادي والا فيه مشكلة في التربي
وإلا شي ثاني .
بس لما أمشي على الطرق السريعة ما اسمع الصوت نهائيا سيارة تحس بثباتها وانه جامده وقوية بلا شك وانا مرتاح منها كثير مع إني جربتها في الطعوس بصراحة تبيض الوجه أفيدونا بارك الله فيكم يا أهل الخبرة .

[بنت الخران]

ماشاء الله الله يعطيك خيرها ويكفيك شرها ان شاء الله


السياره جديده والحمد لله لا تشيل هم والوساويس تراها كلها اشياء بسيطه

وبخصوص النور لما بتوديها الوكله للفحص الاول بيرفعونه بس خبرهم

والاصوات ممكن تحدد اكثر شو نوع الصوت ومن ويين يطلع

[مجنون الفورتشنر]

الله يعطيك خير ويكفيك شرها
و انا عند نفس مشكلة النور

[أبـــو عـــزام]

الاصوات بسيطه إن شاء الله الموتر توه جديد ولا بعد لانت ياياته ومساعداته

اذا استمر الصوت مستقبلاً مع دفء الطقس راجع الوكاله

أما قولك أن الموتر يبيض الوجه في الطعوس فهذا صحيح وأنا جربته الحمد لله لكني ما قدرت أصعد طعس كبير والسبب أن الطعس قوي وأنا خايف على الموتر فمره أدعس ومره أرفع رجلي أخاف يجي الموتر شيء.

لكني جربته في الطعوس الصغيرة يمتشى بينها بدون أن تشيل هم كذلك جربته في طعوس بيضاء خفيفه ورباضات
بصراحه موتر ينشد به الظهر "مشاء الله".

بسألك الموتر إذا عشقته في (d) تسمع صوت طقة خفيفة مائلة إلى قوية؟ لأني سألت الوكالة وقالوا عادي الصوت

[المحظوظ]

اتجه الى اقرب فرع للصيانة عند حلول الصيانة الاعتيادية واعطهم المشكلة وان شاء الله انها ليست بمشكلة مثل ما تتصور ....بسيطة ولا تشيل هم لإن السيارة جديدة وعلى الضمان

[فورتشنر للأبد]

يعطيك خيره ويكفيك شره واضم صوتي لصوت الاخوان دام الموتر على الضمان خلك ورا الوكاله ولاتتردد من شي لانك دافع فيه فلوس...

[أبوحمد]

مبارك عليك الموتر

أغلب سيارات شركة عبداللطيف جميل اللي يضيف عليها خاصية رفع وانزال النور تجي وزنيته ملعوب فيها !!

عند أول تشييك قلهم أوزنوا النور لأنها واطيه مره !

بالنسبة للأصوات لا تستعجل وشوي شوي وترى الجو ايضا يلعب دور ..

[العُلا]

مبارك عليك .. ويعطيك خيره ويكفيك شره

[الوضع الصعب]

سؤال يالربع الفورتشنر مايجى فيه فرار ينزل ويرفع النور الامامى ؟

[الخاطوف]

انا نفس مشكلتك اخوي ولاكن رح للوكاله يضبطونها للك مع الصيانه الدوريه
تقبل تحياتي اخوك الخاطوف

[الخاطوف]

انا نفس مشكلتك اخوي ولاكن رح للوكاله يضبطونها للك مع الصيانه الدوريه
تقبل تحياتي اخوك الخاطوف

[أبـــو عـــزام]

المشاركة الأصلية كتبت بواسطة الوضع الصعب

سؤال يالربع الفورتشنر مايجى فيه فرار ينزل ويرفع النور الامامى ؟

نعم موجود أخي الوضع الصعب

[بن مغرم]

عرفنا المشكلة هي مررررررره ما تعتبر مشكلة
فقط وزن الكبوت لأن الصوت كان يطلع من احتكاك الكبوت بالرفرف

[العُلا]

الحمدلله أنك وقعت على العلة .. وهذي نعمة احمد الله عليها . .

أبو فهد ..

[غظنفر]

على البركه .... وترى كان عندي نفس المشكله ووزنتها انا بنفسي ....