[ابن السلمان]

ياشباب كيفكم
مشكلتي يازقرت اني من يوم طلعت موتري من الوكالة طبعا السيارة كامري 2008 GLX وفيها حذفها على اليسار وديتها للوكالة قالوا تخلص بعد ثلاثة أيام قلنا مافيه مشكلة اصلحها برا على حسابي وديتها لميزان العضيب في الصناعية القديمة بالرياض وقالي هاذي مشكلة في الكامري الجديدة كثير جاني نفس الحالة قلت طيب وش الحل قال ميزان وكبس توكلت على الله وسويتها بس الحذفة مازالت موجودة بس على خفيف احسن من أول ياشباب وش حل هالحذفة تكفون تراني طفشت من الدوران في الورش ولكم تحياتي .

[إسبرين]

اخي الفاضل حصلتي نفس المشكله في سيارتي منذ ان خرجت بها من باب الوكاله ( حذفه في اليسار ) وعند صيانة 5000 تحدثت مع المهندس وكان متفهم وفعلا اخذت سيارتي من عندهم بدون اي حذفات . في رأيي ان تعود بها للوكاله حتى يصلحوها وصدقني هي مسألة ساعات وليست ايام فليس لهم الحق ان يعطلوك 3 ايام . بالنسبه لي انا من سكان جده ومعاملة المهندسين رائعه ويحاولون خدمتك بشتى الوسائل ( على فكره ذهبت اليوم لصيانة 10000 لم تستغرق السياره سوى ساعه ونصف وليس هناك ازدحام بسبب الاختبارات ) استغل الفرصه واذهب لهم هذه الايام ودمت بخير

[سفير]

اخوي لازم توديها الوكالة كل مامشيت تزيد المسحه في الكفر

[ابن السلمان]

مشكورين على المرور اسبرين و سفير

[راعي الواانيت]

سيارتي se بدون اي مشاكل والحمد لله ,,,
وانت حـاول ترجع للوكاله حقتها ونصيحة دام السياره جديده لا تسويها في الورش العادية الوكاله حاطة عليها ضمان ..==**** وشهوله

[راعي الومزين]

الله يهديك اخوي سياره جديده وتوديها ميزان ورشه

اخوي هاذي الحذفات تجي في اكثر الكامري من الوكاله
انا اول ماطلعت الكامري 2007 كان فيها حذفه على طول اليوم الثاني وديتها لهم وزنوها الوكاله وماخذت ساعه عندهم
والحين الحمدلله مشاءلله ماتحذف ولا شي والسياره صار لها معاي سنه والحمدالله لامسحت الكفرات ولاشي
يعني ودها الوكاله وهم يوزنونها لك وبلاش

[ابو شخيب]

نفس الحكايه فيها حذفه وقالي المهندس جيب السياره الساعه 8 الصباح وخذها على العصر يعني ما يبغالها ثلاث ايام وانتبه ترى اذا السياره تعدت ال 7000 الاف ما يسوها على الضمان

[جاسم اوريون]

ودها الوكاله يسونه لك

[ابن السلمان]

مشكورين على مروركم وان شاء الله من يوم السبت راح اوديها للوكالة بس عقب ماوديدها لميزان العضيب الحذفة خفت كثير او تقريبا راحت ووديتها للفرع الثاني إلي بطريق الملك عبدالعزيز قال سيارتك مافيها شيئ ولايبيلها وزن بس من زود الوسوسة وكلامكم بروح للوكالة وامري لله
تحياتي للجميع

[الذيب الأبيض]

أخوي بلا شك وديها على طول الوكاله .... عسى تظل عندهم شهر


لأن السيارة جديده ... مو حلوه أنك توديها للورش الثانية

تقبل مروري يالغالي