[فورتشنر للأبد]

السلام عليكم ورحمة الله وبركاته:

كما وعدتكم اخواني بهذا الموضوع وهو عن مواصفات الفورتشنر لدى وكيل التويوتا عندنا في الامارات ( الفطيم ) وتوجد فروق او زيادات بسيطه عن المواصفات السعوديه ( موديل السته سلندر رقم 1 ):

1- وجود شاشة ملاحه بنظام صوتي.
2- تخشيب داخلي فاخر بلون غامق على الابواب والقير والديكور الامامي.
3- اطار من الكروم على المصابيح الخلفيه.
4- حساسات خلفيه واماميه ايضا ( اثنتين في الامام واثنتين في الخلف ).
5- مرايا جانبيه مغطاه بالكروم مع اشارة الانعطاف.

وغيرها،،واليكم هذه الصور والتي تخص موديل السته سلندر رقم واحد:



غطاء من الكروم مع الاشاره




ديكور خشب



الشاشه مع ديكور الخشب

سعر هذا الموديل 124000 درهم واللي انا ناوي اشتريه انشاء الله،،، ارجو ان اكون وفقت في طرح الموضوع واريد رايكم بصراحه وبدون مجامله،،،ومشكورين....






الشاشه

[العُلا]

لاهنت يالشيخ .. طيب والvx1 كم عليه عندكم

[فورتشنر للأبد]

وضح لي معنى vx1 ؟؟؟

[مجنون الفورتشنر]

معروف دائما ان موصفات الخليجي افضل من موصفات السعودية
لانه قبل فترة سبق احد الاعضاء قد ارسل موصفات الفورتشنر كويتي بموصفات نفس السعودي بزيادة التخشيبه وكان سعره اعلى من عندنا في السعودية

[العُلا]

يعني 6 سلندر مخمل مهب الدرجة الأولى طبعا ..

[أبوحمد]

تسلم على الموضوع

وأحلى شي وجود حساسات أمامية وياليت بصور القير ؟؟

أرى أن اكسسوارات شركة عبداللطيف حلوه على الموتر ..

[فورتشنر للأبد]

الvx1 بدون شاشه وبدون جلد قيمته 107000 أو 108000 درهم

[الأستاذ محمد]

VX2 يعني كامل المواصفات...VX1 يعني النوع الذي يلي كامل المواصفات والفرق بينه وبين الأول مقاعد الجلد وعداد الرحلات ومانع الانزلاق وهذه مواصفات أبي جميل...الله يخلف علينا...ولكن ما شاء الله مواصفات الفطيم روعة ولاتنسَ فارق السعر!!!
ألف شكر على الصور ويعطيك العافية ياغالي...

[فورتشنر للأبد]

شو فيه فارق السعر

[راعي حائل]

الله يعطيك العافية
فعلا تويوتا الفطيم دائماااا متميز

[الصاعق]

أول شيي أشكرك على تلبية طلبي في تصويرك لفورتشنر الفطيم

وثاني شي أحب أشكرك على التقرير البسيط والرائع

الفل كامل حقنا (عبداللطيف جميل) يسمى vx2

ويجي جلد وفرامل ABS بدون تخشيب وسعره 108 ألف فقط

وفارق السعر لصالحنا عندكم غالي جدا فرق 16 ألف لو أروح الغربي عندنا وأحط تخشيب طبق الاصل وشاشة طبق الاصل مثل اللي عندك وملاحة أزين من حقت الفطيم ما وصلت 6000 ريال


يعطيك ألف عافية

[الصاعق]

ودي بسؤال رقم 2 عند الفطيم بكم والفرق بينهم رقم واحد وثنين في الموصفات وشي

[راعــ الاند ــي]

يازين الخليجي زيناه

الله يخلف علينا ووكالة ابوجميل

[أبـــو عـــزام]

الله يعطيك ألف عافية

وجزاك الله ألف خير يامن توفي بوعدك

بصراحه سيارة رائعة الله يوفقك ويرزقك إياها بأسرع وقت

شكراً

[قشمير]

إذا كانت السيارة بهذا السعر عند عبداللطيف وما عجبتكم

تبغونه يجيب هذي المواصفات ويرفع السعر

كان مااحد أخذه


وصدقوني عبداللطيف ما يشتغل في السعودية من أمس لذلك هو يعرفنا السعوديين ، عشان كذا يجيب لنا اللي يناسبنا

وبعدين تعالوا قولوا لي لو أردت تحديث خرائط الملاحة إو إعادة برمجتها بكم تتوقعون هيكون؟


لذلك بدال وجع الراس خذ من عند عبداللطيف ب 110500 الفل كامل ، ثم اشتر بوكت بي سي مدمج معه جي بي اس فيه انواع الآن سعرها جديد 1700 ، والخرائط والبرامج الخاصة بالمجان ومعربة لدى المنتديات المتخصصة ووالله إنها أطلق من اللي في السيارات الحين. ثم أضف لمساتك على السيارة


شرط ما توصل 115000 ريال ووفر أكثر من 11000 ولا تنسون الجمرك ماأدري كم يأخذون


وسلام