كبسة قميري برز ( xl ) وارد الكويت ( بالصور )

[دهـران]

قبل أيام دق علي أخوي الغالي زميلي ( أبو أريام ) وقال وين أنت يارجال ؟ قلت في الدوام !!!!!
قال ما تقدر تمر علي بحفر الباطن ؟
قلت لا والله أنا مداوم وأنت اجازة ولا يجي لي أطلع لو ساعة من الدوام
قال أجل تراي بأرسل لك ( غرض ) مع رجالٍ تعرفه
قلت ( وشهو ؟ ) قصدي ( متى ؟ ) قصدي انت كريم وحنا نستاهل !!!!!

المهم وبعد سويعات دق على الرجال في المدينة العسكرية بالحفر وقال وين أنت وفي ثواني وأنا عنده ( ما صدقت خبر خخخخخ )
لقيت أبو أريام الله يجزاه خير مرسل لي كم قميرية صيد الصبح وكيس رز إكس إل اللي يصرفونه في الجمعيات في الكويت يقول جايني كيسين هدية وأرسلت لك واحد ( طيب ورى ما أرسلت الاثنين كلهن ؟ !!!!! خخخخ ماينعطى وجه )
الرز هذا لي سنين وأنا ادوره دورة , لذيذ لآخر حبة , غير معقول أبد , إدمان ما ادري وشهم حاطين فيه هالهنود
المهم سلمكم الله كبسنا القميريات على كم كاس من هالرز وطلعنا لكم بكبسة لا تنسى
والله يكثر خيرك يابو أريام وأبوك يعطي البل وإن شاء الله نردها لك في الافراح




نترككم مع الصور ونتمنى لكم حسن المشاهدة



هذا كيس الرز صورته لكم مع الجهتين







القميري في الصحن
ما فيه تفاهم بننتفه ونكشت عليه مع العائلة في الحال





الرز مغسول ومنقوع











وهذي المكونات وجاهزين للإقلاع



يتبع ..... يتبع

[دهـران]

تكشين اليصل




تجهيز القميري بعد عمل الشلوطة النهائية




البصل بدأ يتحمر






والقميري ياخذ له كم قلبة لين يتحمر مع البصل





ولا ننسى صرار حايل





ثم باقي المقادير من البهارات







نضيف الماء ونخليه لين يفوح ونشييك على الملح ثم نكتمه بالكاتم لمدة 25 دقيقة ( القدر المستخدم هو قدر إكسبريس صناعة مغربية أفضل من قدر السيف بل ويضاهي قدور السب وسعره أرخص من السب )









وبعد 25 دقيقة نفك الكاتم ونكب الرز ونخليه يشرب الماء قبل ما نكتمه ونبدأ في تحضير الكشنة في مقلاة












بصل شرائح , ليمون أسود مطحون , قليل من الزيت , صنوبر , زبيب , فلفل رومي شرائح , بهارات الكيف
نحركها مع بعض لين يتقمر البصل






واول ما يبدأ الرز يشرب الماء








نحط الكشنة فوق الرز ونغطيه بالكامل





ثم نكتمه لمدة 10 دقائق على نار هادئة


يتبع ..... يتبع

[دهـران]

الباقي مايبي له شرح ( شاهد وتمتع )



















































التصوير تم بالكاميراة هذي






Panasonic Lumix DMC-TZ10

توي شاريها جديدة ولكم عليها شوي ( يبي لها ممارسة علشان نضبط التصوير بها )
قيمتها من أكسترا 1300 ريال وكل من خذها يمدحها خصوصاً إن حجمها صغير وتصويرها قوي وجبار

[الإمـــبراطور]

مــــــــــــــــــــــــــــاء شاء الله تبـــــــــــــــــــــــــــــــبارك الرحمن

شغل نضيف وعدل ويجوع في نفس الوقت الله يهديك المفروض تغديت ثم شفت تقريرك ذذذ

تقرير رائع وجميل تستاهل

تقييم + شكر

تحياتي

[عاشقfG]

اقسم بالله تقرير اكثر من رائع

وترتيبك للصحون وطريقة الطبخ

والتصوير ابداع

الله يعطيك الف عافية أخوي دهران

ماقصرت

[لك الشرف VIC]

ماشاء الله تبارك الله

شغل مرستك ومرتب ونظيف وترتيب

يعني شغل معلمين

الله يجعله بالهنا والعافية وماقصر أبو أريام ونعم الصديق

[أبو فزاع]

ماشاء الله تباركـ اللهـ

هنيئ وعافيهـ .,

بس خويكـ مايقدر يوووصل للقصييم .., يمووون ههه

بالعافية عليكـ القميري
الرز من شكلهـ انهـ صنعهـ متوصى فيها بقوووهـ

[اسلوبي]

ياخي كان ارسلت على الاقل نص القميريات وكيس الرز يمي

خلاص انا زعلت

مع السلامة

































مسوي يمون ههه

يعطيك العافية على االتقرير والموضوع الكويس والطبخ الاكوس والتصوير الاكوس جداً

[Abdalaziz.1]

وعليكم السلام ورحمة الله وبركاته


ماشاء الله عليك أخوي دهران طبخك رووعه


الله يعطيك الف عافية على هيك صور


ومانسيناك من الحركات

[وصلاوي رقم واحد]

يميم يوووووووووووووووووووووووووووووووووووعام حرام عليك

[تايوتا الشمال]

مشاء الله
الله يعطيك العافيه

[دهـران]

[عااااشق]

ياجعل فيه العافيه

والله ان لعابي سال من زود حلاة الطبخه وشكلها الشهي

بالتوفيق والله لايهينك على التقرير

[داوود الداوود]

مشاء الله
الله يعطيك العافيه

[modmen lexus]

روعة صراحة وانا ودي اتعلم الطبخ


ماقصرت على الصور جوعتنا

[الاستاذ الشيبة]

ما شاء الله رحلة وطبخة وابداع متواصل
في انتظار جديدكم
عزمونا عاد معكم المره القادمة

[الرجباني]

صور رائعه جدا اخوي والله سهفتنا وجوعتنا ههههههههههههه مشكور وبعطيك العافية واحلا تقييم

[$$البرنس$$]

اوف متجي الا ع الجوع هههههههههههههه

ولبى الكبسه

ومشكور على الصور

[تضحك وانا ابكي]

الارز هذا رز تموين الكويت
تبيعه الدوله بسعر مدعوم للشعب وكمية مخصصة لكل عائلة
ينباع من الدوله ب تقربا ب 90 ريال الخمسين كيلو

[بندول]

حسبي الله على عدوك جوعتني على هالصبح وربي براسي كبسه ياولد توني داخل المكتب مشاء الله عليك طبااااااااااااااخ ورا مارسلت لي جغمة ...!!!!صحه وعافيه يارب بصراحة طبخه شهية والتصوير رائع اول شهر 3 بسير عليكم بالقاعده فيه مثلها ولالا ههههههههههههههههههههه