[*&عاشق أفالون&*]

والله تبي الصراحه أخوي الأفالون بالنسبه لي ماله مثيل لكن في النهايه الرأي رأيك
وأنا صراحه أقترح أنك تروح وكالة نيسان وتشوف بنفسك وتقتنع

وأتمنى لك الأحسن

[المسـافر]

اتوقع قطغ غيار الافالون اغلىىىىىىىىىىىىى من المورانو

[الأمازون]

ياجماعة لا توهقوا الرجال

تويوتا وبس

شيك مدفوع في اي وقت

[المسـافر]

لا نوهقه ولا شي بس المورانو بصراحه افضل

[ولد ولد الرياض]

بلا مورانو بلا هم والله مافي مقارنه الأفالون احسن...

[المسـافر]

انا افضل المورانو (:

[شعباوي]

انا اقولك خذ الافالون لانها الافخم و الاريح وقطع الغيار رخيص و ثمنها ما يقارب 119000 درهم اماراتي
اما المورانو ثمنها 126000 درهم اماراتي وكل عام وانت بخير

[شعباوي]

لا تسمع كلام من قالك خذ المورانو انا اقولك الافالون وبس
ومقارنتها من حيث انها (1) فخمة (2) شكلها الخارجي و الداخلي (3) السعر (4) مريحة (5) من الفئات الكبيرة الحجم
(6) الخ .......... ( وبما انها ملقبة بالنسبة للشركة (( دلوعة تويوتا )) وبالتوفيق .

[أفالون وبس]

ها بشر وش قررت

ولا بكرة نلقى موضوع ثاني بعد :

وش الافضل تويوتا ولانيسان قصدي افالون ولا داتسون

[فـهـد]

الافالون طبعا افضل بمراحل
بس الي مخوفني ومخوف اغلب الاعضاء صور كامري 2007 تشبه الافالون كثييير وماصفات وحده
يعني ما لها داعي تشتري افالون وبعد 5 شهور تجي الكامري وتغطي عليها وبسعر ارخص بواجد ونتحسف

[ولد الجيران]

السلام عليكم ..
اخي الفاضل بالنسبه للاختيار بين الافالون والمورانو فهي ترجع لقناعتك ونظرتك للسيارة يعني انت اللي راح تجلس فيها وتسوقها وراي الشخصي تجرب سواقة الاثنين عشان ماتندم ... وبعدين انت لاتستطيع المقارنة بين فئتين مختلفتين الا بشكل عام وبالشكل العام تويوتا الافضل عالميا بكل المقاييس مع العلم اننا في البيت والحمد لله نمتلك السيارتين ولكن عندما تقارن الاثنين اقول وبكل صراحه لاشي يعلو على التويوتا .. في النهاية اذا اردت النصيحه فنصيحتي لك الافالون دون تردد والقرار لك اولا واخيرا ولاتنسى الاستخاره لرب العالمين ...
والسموحه من الجميع ...