[ولــ أرامكو ــد]

السلام عليكم ورحمة الله وبركاته




كيفكم اخواني انشالله طيبين




بصراحه انا ناوي اشتري سياره لكزس IS300 2008 والفلوس جاهزه وكل شي جاهز

بس قلت باخذ راي الاخوان في المنتدى في اللون ايلي اخترته ************ (كريستال لؤلؤي ازرق لامع)

ومن الداخل ************** بيج عاجي ( جلد شبه انيليني )

وقلت في خاطري باخذ رايكم قبل لا أعتمد كل شي

وايلي عندهـ اقتراح .. يبي يقترحه علي في اللون الخارجي والداخلي مع تجربته والشي اللي يفضله

لا يقصر علي

ولا تحرموني من ردودكم واقتراحاتكم


,
,
,

ولكم مني جزيل الشكر والاقدام

تقبلوا تحياتي

[أسيــــــر]

وعلـيكم السلآم ورحمة اللـه

أخـوي إذآ تبـي هبآل فأنآ أنصحك بالأسـود أو البركآني ( رصآصي غآمق )

وإذا تبـي فخآمه فأنآ أنصحك بالثلـجي ( كريستال لؤلؤي ازرق لامع ) وهذا لـون سيارتي

ومن دآخل البـيج ولآ تآخذ غيـر هاللـون .. الأسـود ولآ ينفع في الصيف والرصاصي ونفس المشكله

[كااااامري اس اي]

اللون الي انت تبيه صحيح حلو بس الأسود بصراحة على الآي اس خطييييييييييير

ولو تاخذها من الداخل بيج <***** ما في أحلا من كذا

تحياتي

[يزودي]

اللون الثلجي وداخلي بيج

[رااايـــق]

اللف مبروووك مقدما

اللون الخارجي انصحك بأي لون فاتح والافضل درجات الابيض سواء نيلي او لولي او ابيض ناصع تحسه كشخه على السياره ويكفيك تغسلها مره بالاسبوع
بس الللون الاسود والكحلي مايبين التبريزات اللي برفارف السياره وراح تفقد فخماتها ويبيلك كل يوم تغسلها
السياره صغيره
وجهة نظري ان الالوان الفاتحه تكبر حجمها بالنظر والغامقه تصغرها



الداخل
شف انا اكثر واحد يحب اللون الداخلي يكون بيج بس السياره الي شريتها كانت من جوه اسود وكنت متردد في البدايه

بس بعد ما اخذتها حسيت اني بندم لو اخذته بيج

ياخي يكفيك الاسود فخامه ومستحيل يبين فيه الوصخ اللهم تمسيح بسيط ويرجع يلمع بس البيج ماراح يطلع الا عند التلميع الساطع
والديكور الداخلي راح يكون بلون واحد كله اسود في اسود
مو مثل البيج يجيك نصه اسود ونصه بيج
قبل فتره كنت في الصيانه في مركز لكزس طريق المدينه شفت وحده مستعمله من الداخل بيج الصراحه مليانه وصخ ماتقول السياره 2007

عيب الاسود ان مهما الاضاءه الداخليه تكون قويه برضو راح تحسن انها ضعيفه


بالنسبه للون الرصاصي او البيج العاجي اعتقد انه ما نزل عندنا غير الاسود والبيج

[ليكزي]

اكتفي باقتباس رد الأخ (رااايـــق)
لانه وضح كل اللي كنت اود ان اقوله ..

المشاركة الأصلية كتبت بواسطة رااايـــق

اللف مبروووك مقدما

اللون الخارجي انصحك بأي لون فاتح والافضل درجات الابيض سواء نيلي او لولي او ابيض ناصع تحسه كشخه على السياره ويكفيك تغسلها مره بالاسبوع
بس الللون الاسود والكحلي مايبين التبريزات اللي برفارف السياره وراح تفقد فخماتها ويبيلك كل يوم تغسلها
السياره صغيره
وجهة نظري ان الالوان الفاتحه تكبر حجمها بالنظر والغامقه تصغرها

لكني اختلف معاه في لون الداخلية ..

صحيح ان البيج يتسخ بسرعة قياسية مع مرور الوقت ، لكن يعطيك جو ويفتح النفس داخل السيارة وتحسها أكبر من الداخل و تعطيك فخامة .. و انا اشوف ان نص السيارة أسود ونصه بيج حلوو وراكب على السيارة مع اني ما تقبلته في البداية بس بعدين عجبني .. و الجزء العلوي من الطبلون هذا نفسه مع اي لون تختاره لداخلية الـ IS (لون الطبلون موحد على كل الألوان) و من عيوب الداخلية السوداء انها تجذب الحرارة ويظهر عليها آثار الغبار بسرعة وانا جربت ذلك مع سيارتتي القديمة GS300 موديل 93 ..
اتمنى لو تطلب السيارة (فل كامل) مع تخشيبة .. نفس هالصورة :-



لان اعتقد ان الفل أوبشن بشاشة تجيكم بهذا الشكل .. صحيح ؟!

[IMG]http://www.lexus.com/lexus-share/images/gallery/models/IS/colors/interior/g_cashmereperfleather_****llic.jpg[/IMG]

تحياتي
ليكزي

[رااايـــق]

صحيح ان البيج يتسخ بسرعة قياسية مع مرور الوقت ، لكن يعطيك جو ويفتح النفس داخل السيارة وتحسها أكبر من الداخل و تعطيك فخامة

معاك
ومثل ماقلت انا احب اللون البيج بس الصراحه مو عملي مثل الاسود

واذا تقول انه يجذب الحراره

اقول لك اسمحلي
قبل التضليل اي نعم يجذب الحراره

بس بعد التضليل والله ما تحس بالحراره امسك الطبلون بيدي ما احس حراره

لان اعتقد ان الفل أوبشن بشاشة تجيكم بهذا الشكل .. صحيح ؟!

لا للأسف
اللي بدون شاشه تجي بتخشيبه وحلوه على الداخليه البيج
اللي بشاشه تجي بدون تخشيبه وطالعه اكشخ على الاسود بدون التخشيبه

[لكزس بلا حدود]

لؤلؤ ومن داخل اسود يعطيك احساس بالفخامه

توكل على الله

[عين الامارات]

ياخي اللؤلؤي الازرق انا الصراحه مش مقتنع فيه

انت شوووف اللون الذهبي ومن داخل بيج .. حلووووووه مره
وشوووف اللون الفضي الغامق ...قليلة ونادره في الطلب وايضاا حلووه لانها فيها من اللمعه